NMRC ਨੋਇਡਾ ਨੂੰ ਗ੍ਰੇਟਰ ਨੋਇਡਾ ਨਾਲ ਜੋੜਨ ਲਈ ਇੱਕ ਹੋਰ ਨਵਾਂ ਮੈਟਰੋ ਕੋਰੀਡੋਰ ਤਿਆਰ ਕਰਨ ਜਾ ਰਿਹਾ ਹੈ। ਗਰੇਨੋ ਵੈਸਟ ਦੇ ਲੱਖਾਂ ਵਾਸੀ ਕਈ ਸਾਲਾਂ ਤੋਂ ਇਸ ਦੀ ਮੰਗ ਕਰ ਰਹੇ ਸਨ। ਇਹ ਮੈਟਰੋ ਰੇਲ ਕੋਰੀਡੋਰ ਨੋਇਡਾ ਸੈਕਟਰ 51 ਤੋਂ ਨਾਲੇਜ ਪਾਰਕ ਸਾਈਟ 5 ਤੱਕ ਲਗਭਗ 15.5 ਕਿਲੋਮੀਟਰ ਲੰਬਾ ਹੋਵੇਗਾ। ਪਹਿਲਾਂ ਇਸ ਵਿੱਚ 9 ਮੈਟਰੋ ਸਟੇਸ਼ਨਾਂ ਦੀ ਤਜਵੀਜ਼ ਸੀ ਪਰ ਵਸਨੀਕਾਂ ਦੀ ਮੰਗ ‘ਤੇ ਦੋ ਹੋਰ ਨਵੇਂ ਮੈਟਰੋ ਸਟੇਸ਼ਨਾਂ ਦੀ ਗਿਣਤੀ ਵਧਾ ਕੇ 11 ਕਰ ਦਿੱਤੀ ਗਈ ਹੈ।
NMRC approved 11new stations
ਤੁਹਾਨੂੰ ਦੱਸ ਦੇਈਏ ਕਿ ਨੋਇਡਾ ਮੈਟਰੋ ਰੇਲ ਕਾਰਪੋਰੇਸ਼ਨ (NMRC) ਨੇ ਪਹਿਲਾਂ ਹੀ ਇਸ ਰੂਟ ਦਾ DPR ਤਿਆਰ ਕਰ ਲਿਆ ਸੀ, ਪਰ ਕੁਝ ਕਾਰਨਾਂ ਕਰਕੇ ਇਸ ਨੂੰ ਰੱਦ ਕਰਨਾ ਪਿਆ ਸੀ। ਇਸ ਦੇ ਨਾਲ ਹੀ ਗ੍ਰੇਟਰ ਨੋਇਡਾ ਵੈਸਟ ‘ਚ ਪਬਲਿਕ ਟਰਾਂਸਪੋਰਟ ਨੂੰ ਲੈ ਕੇ ਕਈ ਸਮੱਸਿਆਵਾਂ ਹਨ। ਇਸ ਕਾਰਨ ਸ਼ਹਿਰ ਵਾਸੀ ਲੰਬੇ ਸਮੇਂ ਤੋਂ ਮੈਟਰੋ ਦੀ ਮੰਗ ਕਰ ਰਹੇ ਸਨ। ਇਸ ਨਵੇਂ NMRC ਰੂਟ ‘ਤੇ ਸੈਕਟਰ-51 ਤੋਂ ਗ੍ਰੇਟਰ ਨੋਇਡਾ ਵੈਸਟ ਦੇ ਨਾਲੇਜ ਪਾਰਕ-5 ਤੱਕ ਮੈਟਰੋ ਚਲਾਈ ਜਾਵੇਗੀ। ਇਹ ਮੈਟਰੋ ਐਕਵਾ ਲਾਈਨ ‘ਤੇ ਚੱਲੇਗੀ। ਜਦੋਂ ਕਿ ਇਹ ਰੂਟ ਹੁਣ ਤੱਕ ਪ੍ਰਸਤਾਵਿਤ ਰੂਟ ਨਾਲੋਂ ਕਰੀਬ ਦੋ ਕਿਲੋਮੀਟਰ ਲੰਬਾ ਹੋਵੇਗਾ। ਇਸ ਪ੍ਰੋਜੈਕਟ ‘ਤੇ ਲਗਭਗ 794 ਕਰੋੜ ਰੁਪਏ ਦੀ ਵਾਧੂ ਲਾਗਤ ਆਵੇਗੀ। ਇਸ ਦੇ ਨਾਲ ਹੀ ਇਸ ਦੀ ਕੁੱਲ ਲਾਗਤ ਲਗਭਗ 2991 ਕਰੋੜ ਰੁਪਏ ਰੱਖੀ ਗਈ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
NMRC ਦੇ ਮੈਨੇਜਿੰਗ ਡਾਇਰੈਕਟਰ ਲੋਕੇਸ਼ ਐਮ ਨੇ ਦੱਸਿਆ ਕਿ NMRC ਨੇ ਨੋਇਡਾ ਸੈਕਟਰ 51, 61, 122, 123, ਗਰੇਨੋ ਵੈਸਟ ਸੈਕਟਰ 4, ਈਕੋਟੈਕ ਸੈਕਟਰ 12, ਗ੍ਰੇਨੋ ਵੈਸਟ ਸੈਕਟਰ 2, ਵੈਸਟ 3, ਵੈਸਟ 10 , ਵੈਸਟ 12, ਨਾਲੇਜ ਪਾਰਕ ਸਾਈਟ 5 ਸਮੇਤ 11 ਮੈਟਰੋ ਸਟੇਸ਼ਨਾਂ ਦੀ ਡੀਪੀਆਰ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਡੀਪੀਆਰ ਜਲਦੀ ਹੀ ਸਰਕਾਰ ਨੂੰ ਭੇਜ ਦਿੱਤੀ ਜਾਵੇਗੀ। ਉੱਥੋਂ ਹਰੀ ਝੰਡੀ ਮਿਲਣ ਤੋਂ ਬਾਅਦ ਇਸ ਨਵੇਂ ਮੈਟਰੋ ਕੋਰੀਡੋਰ ਦਾ ਕੰਮ ਤੁਰੰਤ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਇਹ ਵੀ ਦੱਸਿਆ ਕਿ ਭਾਵੇਂ ਇਹ ਕੰਮ ਦੋ ਪੜਾਵਾਂ ਵਿੱਚ ਪੂਰਾ ਹੋ ਚੁੱਕਾ ਸੀ ਪਰ ਹੁਣ ਇਹ ਪ੍ਰਾਜੈਕਟ ਤਿਆਰ ਕਰਕੇ ਮੈਟਰੋ ਨੂੰ ਨਾਲੋ-ਨਾਲ ਚਲਾਇਆ ਜਾਵੇਗਾ।
