delhi minimum wages 2021: ਕੋਰੋਨਾ ਮਹਾਂਮਾਰੀ ਦੌਰਾਨ, ਦਿੱਲੀ ਸਰਕਾਰ ਨੇ ਮਜ਼ਦੂਰਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਦਿੱਲੀ ਸਰਕਾਰ ਨੇ ਮਹਿੰਗਾਈ ਭੱਤੇ ਤਹਿਤ ਅਕੁਸ਼ਲ ਮਜਦੂਰਾਂ ਦੀ ਮਹੀਨਾਵਾਰ ਤਨਖਾਹ 15,492 ਰੁਪਏ ਤੋਂ ਵਧਾ ਕੇ 15,908 ਰੁਪਏ ਅਤੇ ਅਰਧ-ਕੁਸ਼ਲ ਕਾਮਿਆਂ ਦੀ ਤਨਖਾਹ 17,069 ਰੁਪਏ ਤੋਂ ਵਧਾ ਕੇ 17,537 ਰੁਪਏ ਕਰ ਦਿੱਤੀ ਹੈ। ਹਾਲਾਂਕਿ, ਨਵੇਂ ਰੇਟ 1 ਅਪ੍ਰੈਲ ਤੋਂ ਲਾਗੂ ਹੋਣਗੇ। ਇਸ ਤੋਂ ਇਲਾਵਾ ਸੁਪਰਵਾਈਜ਼ਰ ਅਤੇ ਕਲੈਰੀਕਲ ਕਰਮਚਾਰੀਆਂ ਦੀਆਂ ਘੱਟੋ ਘੱਟ ਉਜਰਤਾਂ ਵਿੱਚ ਵੀ ਵਾਧਾ ਕੀਤਾ ਗਿਆ ਹੈ।
ਨਾਨ-ਮੈਟ੍ਰਿਕ ਦੇ ਕਰਮਚਾਰੀਆਂ ਦੀ ਮਾਸਿਕ ਤਨਖਾਹ 17,069 ਤੋਂ ਵਧਾ ਕੇ 17,537 ਕੀਤੀ ਗਈ ਹੈ, ਪਰ ਗੈਰ-ਗ੍ਰੈਜੂਏਟ ਕਰਮਚਾਰੀਆਂ ਦੀ ਮਾਸਿਕ ਤਨਖਾਹ 18,797 ਤੋਂ ਵਧਾ ਕੇ 19,291 ਕਰ ਦਿੱਤੀ ਗਈ ਹੈ ਅਤੇ ਗ੍ਰੈਜੂਏਟ ਅਤੇ ਇਸ ਤੋਂ ਵੱਧ ਵਿਦਿਅਕ ਯੋਗਤਾ ਵਾਲੇ ਕਰਮਚਾਰੀਆਂ ਲਈ 20,430 ਤੋਂ ਵਧਾ ਕੇ 20,976 ਕਰ ਦਿੱਤਾ ਗਿਆ ਹੈ। ਉਪ ਮੁੱਖ ਮੰਤਰੀ ਨੇ ਕਿਹਾ ਕਿ ਦੇਸ਼ ਵਿੱਚ ਕਿਸੇ ਵੀ ਰਾਜ ਦੇ ਮੁਕਾਬਲੇ ਦਿੱਲੀ ਵਿੱਚ ਮਜ਼ਦੂਰਾਂ ਨੂੰ ਘੱਟੋ ਘੱਟ ਤਨਖਾਹ ਸਭ ਤੋਂ ਵੱਧ ਮਿਲਦੀ ਹੈ। ਇਸ ਵਾਧੇ ਨਾਲ ਘੱਟੋ ਘੱਟ 55 ਲੱਖ ਠੇਕੇਦਾਰੀ ਕਾਮੇ ਲਾਭ ਉਠਾਉਣਗੇ।
