pm modi reaches ayodhya: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਰਾਮ ਮੰਦਰ ਦੇ ਭੂਮੀ ਪੂਜਨ ਲਈ ਅਯੁੱਧਿਆ ਪਹੁੰਚੇ ਹਨ। ਮੋਦੀ ਆਜ਼ਾਦ ਭਾਰਤ ਵਿੱਚ ਰਾਮ ਜਨਮ ਭੂਮੀ ਜਾਣ ਵਾਲੇ ਪਹਿਲੇ ਪ੍ਰਧਾਨ ਮੰਤਰੀ ਹਨ। ਅਯੁੱਧਿਆ ਪਹੁੰਚਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨੇ ਹਨੂਮਾਨ ਗੜ੍ਹੀ ਦੇ ਦਰਸ਼ਨ ਕੀਤੇ ਹਨ। ਮੋਦੀ ਦਾ ਵਿਸ਼ੇਸ਼ ਜਹਾਜ਼ ਸਵੇਰੇ 10: 35 ਵਜੇ ਲਖਨਊ ਏਅਰਪੋਰਟ ‘ਤੇ ਉਤਰਿਆ, ਜਿਸ ਤੋਂ ਬਾਅਦ ਉਹ ਸਵੇਰੇ 10: 45 ਵਜੇ ਅਯੁੱਧਿਆ ਲਈ ਰਵਾਨਾ ਹੋਏ। ਤਕਰੀਬਨ 11.30 ਵਜੇ ਮੋਦੀ ਦਾ ਹੈਲੀਕਾਪਟਰ ਅਯੁੱਧਿਆ ਦੇ ਸਾਕੇਤ ਕਾਲਜ ਪਹੁੰਚਿਆ। ਯੂ ਪੀ ਦੇ ਸੀ ਐਮ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। 2 ਗਜ਼ ਦੀ ਦੂਰੀ ‘ਤੇ, ਮੋਦੀ ਅਤੇ ਯੋਗੀ ਨੇ ਇੱਕ ਦੂਜੇ ਨੂੰ ਵਧਾਈ ਦਿੱਤੀ।
ਦੁਪਹਿਰ ਕਰੀਬ 12 ਵਜੇ ਤੱਕ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਰਾਮ ਜਨਮ ਭੂਮੀ ਕੈਂਪਸ ਪਹੁੰਚ ਜਾਣਗੇ। ਦੁਪਹਿਰ 12:15 ਵਜੇ ਪ੍ਰਧਾਨ ਮੰਤਰੀ ਮੋਦੀ ਇਥੇ ਰਾਮਲਾਲਾ ਕੈਂਪਸ ਵਿੱਚ ਪਰਿਜਾਤ ਦਾ ਪੌਦਾ ਲਗਾਉਣਗੇ। ਇਸ ਤੋਂ ਬਾਅਦ, ਪ੍ਰਧਾਨ ਮੰਤਰੀ ਮੋਦੀ ਦੁਪਹਿਰ 12:30 ਵਜੇ ਭੂਮੀ ਪੂਜਨ ਪ੍ਰੋਗਰਾਮ ਦਾ ਉਦਘਾਟਨ ਕਰਨਗੇ। ਠੀਕ 12:40 ਵਜੇ, ਰਾਮ ਮੰਦਰ ਦਾ ਨੀਂਹ ਪੱਥਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਵਲੋਂ ਰੱਖਿਆ ਜਾਵੇਗਾ। ਦੁਪਹਿਰ 1.10 ਵਜੇ ਪ੍ਰਧਾਨ ਮੰਤਰੀ ਮੋਦੀ ਨ੍ਰਿਤਿਆ ਗੋਪਾਲ ਦਾਸ ਵੇਦਾਂਤੀ ਸਮੇਤ ਰਾਮ ਜਨਮ ਭੂਮੀ ਤੀਰਥਕਸ਼ੇਤਰ ਟਰੱਸਟ ਕਮੇਟੀ ਦੇ ਲੋਕਾਂ ਨਾਲ ਮੁਲਾਕਾਤ ਕਰਨਗੇ। ਦੁਪਹਿਰ ਕਰੀਬ 2:05 ਵਜੇ ਇਸ ਬੈਠਕ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਸਾਕੇਤ ਕਾਲਜ ਦੇ ਹੈਲੀਪੈਡ ਲਈ ਰਵਾਨਾ ਹੋਣਗੇ। ਇਸ ਤੋਂ ਬਾਅਦ ਦੁਪਹਿਰ 2:20 ਵਜੇ ਪ੍ਰਧਾਨ ਮੰਤਰੀ ਦਾ ਹੈਲੀਕਾਪਟਰ ਲਖਨਊ ਲਈ ਵਾਪਿਸ ਉਡਾਣ ਭਰੇਗਾ।
