Financier’s minor daughter : ਬਟਾਲਾ ‘ਚ ਇੱਕ ਫਾਈਨੈਂਸਰ ਦੀ ਨਾਬਾਲਗ ਲੜਕੀ ‘ਤੇ ਘਰ ਤੋਂ ਭੱਜ ਕੇ ਵਿਆਹ ਲਈ ਦਬਾਅ ਬਣਾਏ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਦੋਂ ਕਿ ਦੋਸ਼ੀ ਦੋ ਬੱਚਿਆਂ ਦਾ ਪਿਓ ਹੈ। ਇਸ ਦੇ ਨਾਲ ਹੀ ਉਸ ਦੀ ਮਾਂ ਜਾਦੂ ਟੂਣ ਨਾਲ ਕੁੜੀ ਦੇ ਫਾਈਨੈਂਸਰ ਮਾਪਿਆਂ ਨੂੰ ਮਾਰ ਦੇਣ ਦੀ ਧਮਕੀ ਵੀ ਦੇ ਰਿਹਾ ਹੈ। ਪੁਲਿਸ ਨੇ ਸ਼ਿਕਾਇਤ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮਾਮਲੇ ‘ਚ ਪੁਲਿਸ ‘ਤੇ ਵੀ ਕਾਰਵਾਈ ਨਾ ਕਰਨ ਦਾ ਦੋਸ਼ ਹੈ। ਬਾਲ ਸੁਰੱਖਿਆ ਸੰਮਤੀ ਵਿਭਾਗ ਦੀ ਮਹਿਲਾ ਅਧਿਕਾਰੀ ਨੇ ਪੀੜਤ ਕੁੜੀ ਦੇ ਘਰ ਪੁੱਜ ਕੇ ਉਸ ਦੇ ਬਿਆਨ ਲਏ ਹਨ।
ਫਾਈਨੈਂਸਰ ਦੀ ਧੀ ਨੇ ਆਪਣੀ ਲਿਖਿਤ ਸ਼ਿਕਾਇਤ ‘ਚ ਦੱਸਿਆ ਕਿ ਉਸ ਦਾ ਪਰਿਵਾਰ ਬਟਾਲਾ ਦੇ ਰੇਲਵੇ ਰੋਡ ਕੋਲ ਸਥਿਤ ਹਰਨਾਮ ਨਗਰ ‘ਚ ਮਾਤਾ ਚਿੰਤਪੁਰੀ ਦੀ ਚੌਕੀ ਆਉਣ ਦਾ ਦਾਅਵਾ ਕਰਨ ਵਾਲੀ ਇਕ ਔਰਤ ਕੋਲ ਪੂਜਾ ਲਈ ਜਾਂਦਾ ਸੀ। ਦੇਵਾ ਦਾ ਪਤੀ ਟੈਂਪੂ ‘ਤੇ ਡਰਾਈਵਰ ਦੀ ਨੌਕਰੀ ਕਰ ਰਿਹਾ ਹੈ। ਫਾਈਨਾਂਸਰ ਦਾ ਪਰਿਵਾਰ ਦੇਵਾ ਦੇ ਪਰਿਵਾਰ ਨਾਲ ਇੱਕ ਤੀਰਥ ਸਥਾਨ ਦੀ ਯਾਤਰਾ ‘ਤੇ ਗਿਆ ਸੀ ਤੇ ਉਥੇ ਉਸ ਨੇ ਫਾਈਨੈਂਸਰ ਦੀ ਕੁੜੀ ਨਾਲ ਕੁਝ ਫੋਟੋਆਂ ਵੀ ਖਿੱਚੀਆਂ ਤੇ ਕੁਝ ਦਿਨਾਂ ਬਾਅਦ ਉਹ ਫਾਈਨੈਂਸਰ ਦੀ ਕੁੜੀ ਨੂੰ ਦੋਸਤੀ ਕਰਨ ਲਈ ਦਬਾਅ ਬਣਾਉਣ ਲੱਗਾ ਤੇ ਕਿਹਾ ਕਿ ਜੇਕਰ ਉਸ ਨੇ ਅਜਿਹਾ ਨਾ ਕੀਤਾ ਤਾਂ ਉਹ ਫੋਟੋਆਂ ਨੂੰ ਅਸ਼ਲੀਲ ਬਣਾ ਕੇ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਕਰ ਦੇਵੇਗਾ।
ਲੜਕੀ ਦੇ ਪਿਤਾ ਨੇ ਦੱਸਿਆ ਕਿ ਉਹ ਆਪਣੀ ਬੇਟੀ ਦੇ ਇਨਸਾਫ ਲਈ ਕੈਬਨਿਟ ਮੰਤਰੀ ਤ੍ਰਿਪਤ ਰਾਜਿੰਦਰ ਸਿੰਘ ਨੂੰ ਵੀ ਮਿਲ ਚੁੱਕੇ ਹਨ ਤੇ ਮਾਂ ਦਾ ਕਹਿਣਾ ਹੈ ਕਿ ਥਾਣਾ ਘਣੀਏ ਦੇ ਬਾਂਗਰ ‘ਚ ਚੱਲ ਰਹੇ ਮਾਮਲੇ ਦੀ ਸ਼ਿਕਾਇਤ ਦੀ ਸੁਣਵਾਈ ਦੌਰਾਨ ਇਹ ਵੀ ਸਾਹਮਣੇ ਆਇਆ ਕਿ ਦੇਵਾ ਦਾ ਬੇਟਾ ਉਸ ਦੀ ਕੁੜੀ ਨੂੰ ਮੈਸੇਜ ਭੇਜਦਾ ਸੀ ਪਰ ਫਿਰ ਵੀ ਕੋਈ ਕਾਰਵਾਈ ਨਹੀਂ ਹੋਈ। ਦੂਜੇ ਪਾਸੇ SHO ਅਮੋਲਕਦੀਪ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ ਦੇ ਸਾਰੇ ਪਹਿਲੂਆਂ ‘ਤੇ ਨਜ਼ਰ ਮਾਰੀ ਜਾ ਰਹੀ ਹੈ ਤੇ ਨਾਲ ਹੀ ਬਾਲ ਸੁਰੱਖਿਆ ਸੰਮਤੀ ਵਿਭਾਗ ਦੀ ਮਹਿਲਾ ਅਧਿਕਾਰੀ ਨੇ ਪੀੜਤ ਲੜਕੀ ਦੇ ਘਰ ਪੁੱਜ ਕੇ ਉਸ ਦੇ ਬਿਆਨ ਵੀ ਲਏ ਹਨ। ਗੁਰਦਾਸਪੁਰ ਦੇ ਚੇਅਰਪਰਸਨ ਭਜਨ ਦਾਸ ਤੇ ਮੈਂਬਰ ਕੰਚਨ ਚੌਹਾਨ ਨੇ ਵੀ ਪੀੜਤ ਲੜਕੀ ਨਾਲ ਫੋਨ ‘ਤੇ ਗੱਲਬਾਤ ਕੀਤੀ ਤੇ ਇਨਸਾਫ ਦਾ ਭਰੋਸਾ ਦਿਵਾਇਆ।
