Ishita from Nabha : NEET ਦੀਆਂ ਪ੍ਰੀਖਿਆਵਾਂ ਦਾ ਨਤੀਜਾ ਐਲਾਨ ਦਿੱਤਾ ਗਿਆ ਹੈ। ਨਾਭਾ ਦੀ ਵਿਦਿਆਰਥਣ ਇਸ਼ੀਤਾ ਗਰਗ ਨੇ ਪੂਰੇ ਪੰਜਾਬ ‘ਚੋਂ ਪਹਿਲਾ ਸਥਾਨ ਹਾਸਲ ਕੀਤਾ ਹੈ ਤੇ ਪੂਰੇ ਭਾਰਤ ‘ਚੋਂ 24ਵਾਂ ਰੈਂਕ ਪ੍ਰਾਪਤ ਕੀਤਾ। ਇਸ ਤੋਂ ਸਾਫ ਜ਼ਾਹਿਰ ਹੈ ਕਿ ਜੇਕਰ ਸਾਡੇ ਮਨ ‘ਚ ਕੁਝ ਹਾਸਲ ਕਰਨ ਦਾ ਜ਼ਜ਼ਬਾ ਹੈ ਤਾਂ ਮਿਹਨਤ ਤੇ ਲਗਨ ਨਾਲ ਉਸ ਨੂੰ ਹਾਸਲ ਕੀਤਾ ਜਾ ਸਕਦਾ ਹੈ।
ਮਿਲੀ ਜਾਣਕਾਰੀ ਮੁਤਾਬਕ 18 ਸਾਲਾ ਇਸ਼ੀਤਾ ਗਰਗ ਨੇ 720 ‘ਚੋਂ 706 ਅੰਕ ਹਾਸਲ ਕੀਤੇ ਹਨ। ਪਹਿਲੇ ਨੰਬਰ ‘ਤੇ ਆਉਣ ‘ਤੇ ਇਸ਼ੀਤਾ ਨੇ ਦੱਸਿਆ ਕਿ ਉਸ ਨੇ NEET ਦੀ ਪ੍ਰੀਖਿਆ ਲਈ ਕਾਫੀ ਸਖਤ ਮਿਹਨਤ ਕੀਤੀ ਹੈ ਜਿਸ ਦੇ ਸਿੱਟੇ ਵਜੋਂ ਉਸ ਨੇ ਇਹ ਮੁਕਾਮ ਹਾਸਲ ਕੀਤਾ ਹੈ। ਇਸ਼ੀਤਾ ਦੇ ਮਾਤਾ-ਪਿਤਾ ਡਾਕਟਰ ਹਨ। ਇਸ਼ੀਤਾ ਨੇ ਦੱਸਿਆ ਕਿ ਉਸ ਦੀ ਇਸ ਸਫਲਤਾ ‘ਚ ਉਸ ਦੇ ਪਰਿਵਾਰਕ ਮੈਂਬਰਾਂ ਦਾ ਪੂਰਾ ਯੋਗਦਾਨ ਹੈ। ਇਸ਼ੀਤਾ ਪੜ੍ਹਨ ‘ਚ ਬਹੁਤ ਹੀ ਹੁਸ਼ਿਆਰ ਹੈ ਤੇ ਉਸ ਨੇ 12ਵੀਂ ਦੀ ਬੋਰਡ ‘ਚੋਂ ਵੀ 97.2 ਫੀਸਦੀ ਅੰਕ ਹਾਸਲ ਕੀਤੇ ਹਨ।
