Raj Shilpa Siddhivinayak Temple: ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦੀ ਤਰ੍ਹਾਂ ਹੁਣ ਉਨ੍ਹਾਂ ਦੇ ਪਤੀ ਰਾਜ ਕੁੰਦਰਾ ਵੀ ਵੱਡੇ ਪਰਦੇ ‘ਤੇ ਨਜ਼ਰ ਆਉਣ ਵਾਲੇ ਹਨ। ਕਾਰੋਬਾਰੀ ਰਾਜ ਕੁੰਦਰਾ ਹੁਣ ਜਲਦੀ ਹੀ ਆਪਣੀ ਬਾਇਓਪਿਕ ‘UT 69’ ਲੈ ਕੇ ਆ ਰਹੇ ਹਨ, ਜੋ ਅਗਲੇ ਮਹੀਨੇ ਰਿਲੀਜ਼ ਹੋਣ ਵਾਲੀ ਹੈ। ਇਸ ਦੌਰਾਨ ਸ਼ਿਲਪਾ ਸ਼ੈੱਟੀ ਅਤੇ ਰਾਜ ਕੁੰਦਰਾ ਪੂਰੇ ਪਰਿਵਾਰ ਨਾਲ ਸਿੱਧਵਿਨਾਇਕ ਮੰਦਰ ‘ਚ ਬੱਪਾ ਦੇ ਦਰਸ਼ਨਾਂ ਲਈ ਪਹੁੰਚ ਗਏ ਹਨ।
Raj Shilpa Siddhivinayak Temple
ਅਸ਼ਲੀਲ ਫਿਲਮਾਂ ਬਣਾਉਣ ਦੇ ਦੋਸ਼ਾਂ ਤੋਂ ਬਾਅਦ ਰਾਜ ਕੁੰਦਰਾ ਹੁਣ ਆਪਣੀ ਫਿਲਮ ‘ਯੂਟੀ 69’ ‘ ਚ ਨਜ਼ਰ ਆਉਣ ਵਾਲੇ ਹਨ । ਅਜਿਹੇ ‘ਚ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਕਾਰੋਬਾਰੀ ਤੋਂ ਅਦਾਕਾਰ ਬਣੇ ਰਾਜ ਕੁੰਦਰਾ ਆਪਣੀ ਪਤਨੀ ਸ਼ਿਲਪਾ ਸ਼ੈੱਟੀ ਅਤੇ ਪਰਿਵਾਰ ਨਾਲ ਸ਼ੁੱਕਰਵਾਰ ਨੂੰ ਮੁੰਬਈ ਦੇ ਸਿੱਧੀਵਿਨਾਇਕ ਮੰਦਰ ਪਹੁੰਚੇ ਅਤੇ ਬੱਪਾ ਦੀ ਪੂਜਾ ਕੀਤੀ। ਸ਼ਿਲਪਾ ਅਤੇ ਰਾਜ ਦੇ ਨਾਲ ਅਦਾਕਾਰਾ ਦੀ ਮਾਂ ਸੁਨੰਦਾ ਸ਼ੈੱਟੀ ਅਤੇ ਉਨ੍ਹਾਂ ਦੀ ਸੱਸ ਊਸ਼ਾ ਰਾਣੀ ਕੁੰਦਰਾ ਵੀ ਮੌਜੂਦ ਸਨ। ਜੋੜੇ ਨੇ ਸਿੱਧੀਵਿਨਾਇਕ ਮੰਦਰ ਵਿੱਚ ਗਣਪਤੀ ਬੱਪਾ ਅੱਗੇ ਮੱਥਾ ਟੇਕਿਆ ਅਤੇ ਉਨ੍ਹਾਂ ਦਾ ਆਸ਼ੀਰਵਾਦ ਲਿਆ। ਇਸ ਦੌਰਾਨ ਰਾਜ ਕੁੰਦਰਾ ਅਤੇ ਸ਼ਿਲਪਾ ਸ਼ੈੱਟੀ ਦੋਵੇਂ ਹੀ ਟਵਿਨ ਡਰੈੱਸ ‘ਚ ਨਜ਼ਰ ਆਏ।
ਵੀਡੀਓ ਲਈ ਕਲਿੱਕ ਕਰੋ -:
“ਗਾਇਕ ਕਿਉਂ ਨਹੀਂ ਕਰਾਉਣ ਦਿੰਦੇ ਨਾਲ ਗਾਉਣ ਵਾਲੀ ਕੁੜੀ ਨੂੰ ਵਿਆਹ, ਕੀ ਕੋਈ ਸੁਰਿੰਦਰ ਮਾਨ-ਕਰਮਜੀਤ ਕੰਮੋ ਦੀ ਜੋੜੀ…
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
ਰਾਜ ਕੁੰਦਰਾ ਨੇ ਸਫੇਦ ਰੰਗ ਦਾ ਕੁੜਤਾ ਪਾਇਆ ਹੋਇਆ ਸੀ। ਇਸ ਦੇ ਨਾਲ ਹੀ ਸ਼ਿਲਪਾ ਸ਼ੈੱਟੀ ਨੇ ਵੀ ਸਫੇਦ ਰੰਗ ਦਾ ਲਾਂਗ ਟਾਪ ਅਤੇ ਪਲਾਜ਼ੋ ਪਾਇਆ ਹੋਇਆ ਸੀ। ਦੋਵਾਂ ਨੇ ਆਪਣੇ ਪਰਿਵਾਰ ਨਾਲ ਕੈਮਰੇ ਦੇ ਸਾਹਮਣੇ ਪੋਜ਼ ਦਿੱਤੇ। ਫਿਲਹਾਲ ਰਾਜ ਕੁੰਦਰਾ ਆਪਣੀ ਫਿਲਮ ‘UT 69’ ਨੂੰ ਲੈ ਕੇ ਲਗਾਤਾਰ ਸੁਰਖੀਆਂ ‘ਚ ਹਨ । ਉਨ੍ਹਾਂ ਨੇ ਫਿਲਮ ਦੇ ਟ੍ਰੇਲਰ ਲਾਂਚ ਈਵੈਂਟ ‘ਤੇ ਆਪਣਾ ਮਾਸਕ ਵੀ ਉਤਾਰਿਆ ਸੀ। ਇਹ ਫਿਲਮ ਰਾਜ ਕੁੰਦਰਾ ਦੇ ਜੀਵਨ ‘ਤੇ ਬਣੀ ਹੈ। ਫਿਲਮ ਦਾ ਨਿਰਦੇਸ਼ਨ ਸ਼ਾਹਨਵਾਜ਼ ਅਲੀ ਨੇ ਕੀਤਾ ਹੈ । ਇਹ ਇਸ ਨਾਲ ਜੁੜਿਆ ਹੋਇਆ ਹੈ ਕਿ ਕਿਵੇਂ ਰਾਜ ਕੁੰਦਰਾ ਨੂੰ ਅਸ਼ਲੀਲ ਸਮੱਗਰੀ ਬਣਾਉਣ ਲਈ ਜੇਲ੍ਹ ਜਾਣਾ ਪਿਆ।
