Salman Film Sikander Shooting: ਸਲਮਾਨ ਖਾਨ ਆਪਣੀ ਆਉਣ ਵਾਲੀ ਫਿਲਮ ‘ਸਿਕੰਦਰ’ ਨੂੰ ਲੈ ਕੇ ਕਾਫੀ ਸਮੇਂ ਤੋਂ ਸੁਰਖੀਆਂ ‘ਚ ਹਨ। ਇਸ ਫਿਲਮ ਦਾ ਨਿਰਦੇਸ਼ਨ ਏ.ਆਰ ਮੁਰੁਗਦੌਸ ਕਰ ਰਹੇ ਹਨ। ਫਿਲਮ ‘ਚ ਸਲਮਾਨ ਖਾਨ ਨਾਲ ਰਸ਼ਮਿਕਾ ਮੰਡਾਨਾ ਨਜ਼ਰ ਆਉਣ ਵਾਲੀ ਹੈ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਸਲਮਾਨ ਖਾਨ ਅਤੇ ਰਸ਼ਮਿਕਾ ਪਰਦੇ ‘ਤੇ ਇਕੱਠੇ ਨਜ਼ਰ ਆਉਣਗੇ। ਇਸ ਫਿਲਮ ‘ਚ ਬਹੁਤ ਸਾਰੇ ਐਕਸ਼ਨ ਸੀਨ ਦੇਖਣ ਨੂੰ ਮਿਲਣਗੇ ਅਤੇ ਅਜਿਹੇ ਕਈ ਸਟੰਟ ਹੋਣਗੇ ਜੋ ਸ਼ਾਇਦ ਪ੍ਰਸ਼ੰਸਕਾਂ ਨੇ ਪਹਿਲਾਂ ਕਦੇ ਨਹੀਂ ਦੇਖੇ ਹੋਣਗੇ।
ਇਸ ਫਿਲਮ ਨਾਲ ਜੁੜੀ ਤਾਜ਼ਾ ਖਬਰ ਹੈ ਕਿ ਸਿਕੰਦਰ ਦੀ ਸ਼ੂਟਿੰਗ 18 ਜੂਨ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਪਹਿਲਾ ਸ਼ੂਟਿੰਗ ਸ਼ੈਡਿਊਲ ਸ਼ਾਨਦਾਰ ਐਕਸ਼ਨ ਸੀਨ ਨਾਲ ਸ਼ੁਰੂ ਹੋਵੇਗਾ, ਜਿਸ ਦੀ ਸ਼ੂਟਿੰਗ ਸਮੁੰਦਰ ਤਲ ਤੋਂ 33,000 ਫੁੱਟ ਦੀ ਉਚਾਈ ‘ਤੇ ਇਕ ਜਹਾਜ਼ ‘ਤੇ ਕੀਤੀ ਜਾਵੇਗੀ। ਇਸ ਜਹਾਜ਼ ‘ਚ ਸਲਮਾਨ ਖਾਨ ਮੌਜੂਦ ਰਹਿਣਗੇ। ਇਹ ਇੱਕ ਸ਼ਾਨਦਾਰ ਐਕਸ਼ਨ ਫਿਲਮ ਹੋਣ ਦਾ ਦਾਅਵਾ ਕਰਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ ਦੀ ਘੋਸ਼ਣਾ ਦੇ ਬਾਅਦ ਤੋਂ ਹੀ ਇਸ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਹੁਣ ਹਰ ਅਪਡੇਟ ਦੇ ਨਾਲ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦੀ ਬੇਸਬਰੀ ਵਧਦੀ ਜਾ ਰਹੀ ਹੈ। ਜਿਵੇਂ-ਜਿਵੇਂ ‘ਸਿਕੰਦਰ’ ਦੇ ਪਹਿਲੇ ਸ਼ੈਡਿਊਲ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ, ਉਤਸਾਹ ਵਧਦਾ ਜਾ ਰਿਹਾ ਹੈ। ਇਸ ਫਿਲਮ ਦਾ ਉਦੇਸ਼ ਸਿਲਵਰ ਸਕਰੀਨ ‘ਤੇ ਜ਼ਬਰਦਸਤ ਐਕਸ਼ਨ ਦਿਖਾਉਣਾ ਹੈ, ਜਿਸ ਲਈ ਨਿਰਮਾਤਾ ਸਾਜਿਦ ਨਾਡਿਆਡਵਾਲਾ, ਸੁਪਰਸਟਾਰ ਸਲਮਾਨ ਖਾਨ ਅਤੇ ਨਿਰਦੇਸ਼ਕ ਏ.ਆਰ. ਮੁਰੂਗਦੌਸ ਇਕੱਠੇ ਕੰਮ ਕਰ ਰਹੇ ਹਨ। ਇਹ ਫਿਲਮ 2025 ਦੀ ਈਦ ਦੇ ਮੌਕੇ ‘ਤੇ ਰਿਲੀਜ਼ ਹੋਵੇਗੀ। ਖਬਰਾਂ ਦੀ ਮੰਨੀਏ ਤਾਂ ਇਸ ਫਿਲਮ ‘ਚ ਬਾਹੂਬਲੀ ਦਾ ਕਟਪਾ ਵੀ ਸਲਮਾਨ ਖਾਨ ਨੂੰ ਟੱਕਰ ਦਿੰਦਾ ਨਜ਼ਰ ਆਵੇਗਾ।
ਸਾਜਿਦ ਨਾਡਿਆਡਵਾਲਾ ਅਤੇ ਸਲਮਾਨ ਖਾਨ ਦੀਆਂ ਪਿਛਲੀਆਂ ਫਿਲਮਾਂ ਵਿੱਚ ਸਾਜਿਦ ਅਤੇ ਸਲਮਾਨ ਦੀ ਹਿੱਟ ਜੋੜੀ ਦਾ ਟਰੈਕ ਰਿਕਾਰਡ ਸ਼ਾਨਦਾਰ ਰਿਹਾ ਹੈ। ਇਸ ਜੋੜੀ ਨੇ ਸਲਮਾਨ ਖਾਨ ਦੀ ਪਹਿਲੀ 200 ਕਰੋੜ ਦੀ ਕਮਾਈ ਕਰਨ ਵਾਲੀ ਫਿਲਮ ‘ਕਿੱਕ’ ਦਿੱਤੀ, ਜਿਸ ਦਾ ਨਿਰਦੇਸ਼ਨ ਖੁਦ ਸਾਜਿਦ ਨਾਡਿਆਡਵਾਲਾ ਨੇ ਕੀਤਾ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਫਿਲਮ ਤੋਂ ਇਲਾਵਾ ਸਲਮਾਨ ਖਾਨ ਇੰਸ਼ਾਅੱਲ੍ਹਾ , ਨੋ ਐਂਟਰੀ 2, ਬੁਲਬੁਲ ਮੈਰਿਜ ਹਾਲ ਅਤੇ ਦਬੰਗ 4 ਵਿੱਚ ਵੀ ਨਜ਼ਰ ਆਉਣਗੇ।
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
