CSK wins from KXIP : ਆਈਪੀਐਲ ਦੇ 13ਵੇਂ ਸੀਜ਼ਨ ਦੇ 53ਵੇਂ ਮੈਚ ਵਿੱਚ ਚੇਨਈ ਸੁਪਰ ਕਿੰਗਜ਼ (CSK) ਨੇ ਐਤਵਾਰ ਨੂੰ ਅਬੂ ਧਾਬੀ ਵਿੱਚ ਜਿੱਤ ਹਾਸਲ ਕੀਤੀ। ਉਸਨੇ ਕਿੰਗਜ਼ ਇਲੈਵਨ ਪੰਜਾਬ (KXIP) ਨੂੰ 9 ਵਿਕਟਾਂ ਨਾਲ ਹਰਾਇਆ। ਇਸ ਨਾਲ ਪੰਜਾਬ ਦੀ ਟੀਮ ‘ਕਰੋ ਜਾਂ ਮਰੋ’ ਮੈਚ ਹਾਰਨ ਤੋਂ ਬਾਅਦ ਪਲੇ-ਆਫ ਦੌੜ ਤੋਂ ਬਾਹਰ ਹੋ ਗਈ। ਚੇਨਈ ਨੇ ਪਹਿਲਾਂ ਪੰਜਾਬ ਨੂੰ 153/6 ਦੇ ਸਕੋਰ ‘ਤੇ ਰੋਕਿਆ ਅਤੇ ਫਿਰ 18.5 ਓਵਰਾਂ ਵਿਚ 1 ਵਿਕਟ ਗਵਾ ਕੇ ਜੇਤੂ ਟੀਚਾ (154 ਦੌੜਾਂ) ਹਾਸਲ ਕਰ ਲਿਆ। ਰਿਤੂਰਾਜ ਗਾਇਕਵਾੜ ਨੇ ਆਪਣਾ ਲਗਾਤਾਰ ਤੀਸਰਾ ਅਰਧ ਸੈਂਕੜਾ (ਨਾਬਾਦ 62) ਦੀ ਪਾਰੀ ਖੇਡੀ। ਚੇਨਈ ਨੇ ਆਪਣਾ ਲਗਾਤਾਰ ਤੀਸਰਾ ਮੈਚ ਜਿੱਤ ਕੇ ਆਪਣਾ ਮਾਣ ਪ੍ਰਾਪਤ ਕੀਤਾ।
ਕਿੰਗਜ਼ ਇਲੈਵਨ ਪੰਜਾਬ ਦੀ ਇਹ 8 ਵੀਂ ਹਾਰ ਸੀ। ਉਹ 14 ਮੈਚ ਖੇਡਣ ਤੋਂ ਬਾਅਦ ਸਿਰਫ 12 ਅੰਕ ਹੀ ਹਾਸਲ ਕਰ ਸਕੀ। ਪੰਜਾਬ ਦੀ ਟੀਮ ਚੇਨਈ ਸੁਪਰ ਕਿੰਗਜ਼ ਤੋਂ ਬਾਅਦ ਟੂਰਨਾਮੈਂਟ ਤੋਂ ਬਾਹਰਲੀ ਦੂਸਰੀ ਟੀਮ ਬਣ ਗਈ। ਚੇਨਈ ਨੇ ਆਪਣੀ ਮੁਹਿੰਮ ਛੇਵੀਂ ਜਿੱਤ ਨਾਲ ਖਤਮ ਕੀਤੀ। ਉਸਨੇ 14 ਮੈਚਾਂ ਵਿੱਚ 12 ਅੰਕ ਵੀ ਹਾਸਲ ਕੀਤੇ।
