ਭਾਰਤ ਨੇ 14 ਅਕਤੂਬਰ ਨੂੰ ਖੇਡੇ ਗਏ ਵਿਸ਼ਵ ਕੱਪ ਮੈਚ ਵਿੱਚ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਬੁਰੀ ਤਰ੍ਹਾਂ ਹਰਾ ਕੇ ਉਨ੍ਹਾਂ ਨੂੰ ਕਦੇ ਵੀ ਨਾ ਭੁੱਲਣ ਵਾਲਾ ਜ਼ਖਮ ਦਿੱਤਾ ਹੈ। ਭਾਰਤ ਦੇ ਖਿਲਾਫ਼ ਇਸ ਸ਼ਰਮਨਾਕ ਹਾਰ ਨੂੰ ਪਾਕਿਸਤਾਨੀ ਖਿਡਾਰੀ, ਫੈਨਜ਼ ਤੇ ਇਥੋਂ ਤੱਕ ਕਿ ਅਦਾਕਾਰ ਵੀ ਨਹੀਂ ਪਚਾ ਪਾ ਰਹੇ ਹਨ। ਭਾਰਤ ਨੂੰ ਵਿਸ਼ਵ ਕੱਪ 2023 ਵਿੱਚ ਆਪਣਾ ਅਗਲਾ ਮੈਚ ਬੰਗਲਾਦੇਸ਼ ਦੇ ਖਿਲਾਫ਼ ਕੱਲ੍ਹ ਯਾਨੀ ਕਿ 19 ਅਕਤੂਬਰ ਨੂੰ ਪੁਣੇ ਦੇ ਐੱਮਸੀਏ ਸਟੇਡੀਅਮ ਵਿੱਚ ਖੇਡਣਾ ਹੈ।
Pakistani actress makes bold promise
ਇਸੇ ਵਿਚਾਲੇ ਪਾਕਿਸਤਾਨ ਦੀ ਇੱਕ ਅਦਾਕਾਰਾ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਆਪਣੇ ਬੋਲਡ ਟਵੀਟ ਨਾਲ ਬਵਾਲ ਮਚਾ ਦਿੱਤਾ ਹੈ। ਸੇਹਰ ਸ਼ਿਨਵਾਰੀ ਨਾਮ ਦੀ ਪਾਕਿਸਤਾਨੀ ਅਦਾਕਾਰਾ ਨੇ ਵਿਸ਼ਵ ਕੱਪ 2023 ਵਿੱਚ ਭਾਰਤ ਨੂੰ ਹਰਾਉਣ ਦੀ ਸੂਰਤ ਵਿੱਚ ਬੰਗਲਾਦੇਸ਼ ਦੇ ਕ੍ਰਿਕਟਰਾਂ ਨੂੰ ਇੱਕ ਕਮਾਲ ਦੀ ਆਫਰ ਦਿੱਤੀ ਹੈ। ਸੇਹਰ ਸ਼ਿਨਵਾਰੀ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਟਵੀਟ ਕਰਦਿਆਂ ਲਿਖਿਆ, “ਇੰਸ਼ਾਅੱਲ੍ਹਾਹ ਮੇਰੇ ਬੰਗਾਲੀ ਬੰਧੂ ਅਗਲੇ ਮੈਚ ਵਿੱਚ ਸਦਾ ਬਦਲਾ ਲੈਣਗੇ। ਜੇਕਰ ਉਨ੍ਹਾਂ ਦੀ ਟੀਮ ਭਾਰਤ ਨੂੰ ਹਰਾਉਣ ਵਿੱਚ ਕਾਮਯਾਬ ਰਹੀ ਤਾਂ ਮੈਂ ਢਾਕਾ ਜਾਵਾਂਗੀ ਤੇ ਬੰਗਾਲੀ ਮੁੰਡੇ ਨਾਲ ਡਿਨਰ ਡੇਟ ‘ਤੇ ਜਾਵਾਂਗੀ।”
ਜੇਕਰ ਇੱਥੇ ਵਿਸ਼ਵ ਕੱਪ 2023 ਦੀ ਗੱਲ ਕੀਤੀ ਜਾਵੇ ਤਾਂ ਬੰਗਲਾਦੇਸ਼ ਦੇ ਖਿਲਾਫ਼ ਭਾਰਤ ਦਾ ਵਧੀਆ ਰਿਕਾਰਡ ਹੈ। ਭਾਰਤ ਤੇ ਬੰਗਲਾਦੇਸ਼ ਦੇ ਵਿਚਾਲੇ ਵਨਡੇ ਵਿਸ਼ਵ ਕੱਪ ਵਿੱਚ ਹੁਣ ਤੱਕ 4 ਮੈਚ ਖੇਡੇ ਗਏ ਹਨ, ਜਿਨ੍ਹਾਂ ਵਿੱਚੋਂ 3 ਮੈਚ ਭਾਰਤ ਨੇ ਜਦਕਿ ਇੱਕ ਮੈਚ ਬੰਗਲਾਦੇਸ਼ ਨੇ ਜਿੱਤਿਆ ਹੈ। ਭਾਰਤ ਨੇ ਬੰਗਲਾਦੇਸ਼ ਨੂੰ 2011, 2015 ਤੇ 2019 ਦੇ ਵਨਡੇ ਵਿਸ਼ਵ ਕੱਪ ਵਿੱਚ ਬੁਰੀ ਤਰਾਂ ਹਰਾਇਆ ਹੈ। ਉੱਥੇ ਹੀ ਬੰਗਲਾਦੇਸ਼ ਨੇ ਭਾਰਤ ਨੂੰ 2007 ਦੇ ਵਨਡੇ ਵਿਸ਼ਵ ਕੱਪ ਵਿੱਚ ਹਰਾ ਕੇ ਟੂਰਨਾਮੈਂਟ ਤੋਂ ਬਾਹਰ ਕਰ ਦਿੱਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
