ਉਰਫੀ ਜਾਵੇਦ ਨੂੰ ‘ਭੂਲ ਭੁਲਈਆ’ ਦਾ ਛੋਟਾ ਪੰਡਿਤ ਬਣਨ ਪਿਆ ਭਾਰੀ, ਮਿਲੀ ਜਾਨੋਂ ਮਾ.ਰਨ ਦੀ ਧ.ਮਕੀ

Urfi Javed Death Threat: ਸੋਸ਼ਲ ਮੀਡੀਆ ਸਟਾਰ ਉਰਫੀ ਜਾਵੇਦ ਆਪਣੇ ਸਟਾਈਲ ਲਈ ਜਾਣੀ ਜਾਂਦੀ ਹੈ। ਉਹ ਆਪਣੇ ਅਨੋਖੇ ਅੰਦਾਜ਼ ਕਾਰਨ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ। ਹਰ ਵਾਰ ਉਰਫੀ ਅਜਿਹੇ ਲੁੱਕ ‘ਚ ਨਜ਼ਰ ਆਉਂਦੀ ਹੈ ਕਿ ਹਰ ਕੋਈ ਹੈਰਾਨ ਰਹਿ ਜਾਂਦਾ। ਇਸ ਵਾਰ ਉਰਫੀ ਨੇ ਭੁੱਲ ਭੁਲਈਆ ਤੋਂ ਛੋਟੇ ਪੰਡਿਤ ਦੀ ਲੁੱਕ ਨੂੰ ਕਾਪੀ ਕੀਤਾ ਸੀ। ਜਿਸ ਦੀ ਉਨ੍ਹਾਂ ਨੂੰ ਮਹਿੰਗੀ ਕੀਮਤ ਚੁਕਾਉਣੀ ਪਈ ਹੈ।  ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ। ਉਰਫੀ ਨੇ ਇਹ ਜਾਣਕਾਰੀ ਸੋਸ਼ਲ ਮੀਡੀਆ ‘ਤੇ ਦਿੱਤੀ ਹੈ।

ਉਰਫੀ ਨੇ ਹਾਲ ਹੀ ‘ਚ ਭੁੱਲ ਭੁਲਈਆ ਤੋਂ ਛੋਟਾ ਪੰਡਿਤ ਦਾ ਲੁੱਕ ਅਪਣਾਇਆ ਸੀ। ਜਿਸ ਦੀਆਂ ਤਸਵੀਰਾਂ ਅਤੇ ਵੀਡੀਓ ਉਸ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ। ਇਸ ਲੁੱਕ ‘ਚ ਉਹ ਹੈਲੋਵੀਨ ਪਾਰਟੀ ‘ਚ ਜਾ ਰਹੀ ਸੀ। ਉਰਫੀ ਨੂੰ ਮੇਲ ‘ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ। ਆਪਣੇ ਲੁੱਕ ਅਤੇ ਮੇਲ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਲਿਖਿਆ – ਮੈਂ ਇਸ ਦੇਸ਼ ਤੋਂ ਹੈਰਾਨ ਅਤੇ ਸਦਮੇ ‘ਚ ਹਾਂ, ਮੈਨੂੰ ਫਿਲਮ ਦੇ ਇੱਕ ਕਿਰਦਾਰ ਨੂੰ ਰੀਕ੍ਰਿਏਟ ਕਰਨ ‘ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ, ਜਦਕਿ ਉਸ ਕਿਰਦਾਰ ਨੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ।

I’m just shocked and appalled by this country mahn , I’m getting death threats in recreating a character from a movie where as that character didn’t get any backlash :/ pic.twitter.com/pOl9FvTYzT

— Uorfi (@uorfi_) October 30, 2023

ਉਰਫੀ ਨੂੰ ਇਕ ਵਿਅਕਤੀ ਨੇ ਮੇਲ ਭੇਜ ਕੇ ਉਸ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਸੀ। ਉਸ ਨੇ ਲਿਖਿਆ- ਜੋ ਵੀਡੀਓ ਤੁਸੀਂ ਅਪਲੋਡ ਕੀਤਾ ਹੈ, ਉਸ ਨੂੰ ਡਿਲੀਟ ਕਰ ਦਿਓ, ਨਹੀਂ ਤਾਂ ਤੁਹਾਨੂੰ ਮਾਰਨ ਵਿੱਚ ਸਮਾਂ ਨਹੀਂ ਲੱਗੇਗਾ। ਇੱਕ ਹੋਰ ਵਿਅਕਤੀ ਨੇ ਮੇਲ ਕੀਤਾ – ਉਰਫੀ ਜਾਵੇਦ ਸਾਡੇ ਹਿੰਦੂ ਧਰਮ ਨੂੰ ਬਦਨਾਮ ਕਰ ਰਹੀ ਹੈ।