Vaccine War Day2 Collection: ‘ਦਿ ਕਸ਼ਮੀਰ ਫਾਈਲਜ਼’, ਸਾਲ 2022 ਵਿੱਚ ਰਿਲੀਜ਼ ਹੋਈ, ਵਿਵੇਕ ਅਗਨੀਹੋਤਰੀ ਦੀ ਸਫਲ ਫਿਲਮ ਸੀ, ਜਿਸਦੀ ਕਾਫੀ ਚਰਚਾ ਵੀ ਹੋਈ ਸੀ। ਇਸ ਫਿਲਮ ਦੀ ਸਫਲਤਾ ਤੋਂ ਬਾਅਦ ਲੋਕਾਂ ਦਾ ਧਿਆਨ ਵਿਵੇਕ ਅਗਨੀਹੋਤਰੀ ਦੀ ਫਿਲਮ ‘ਦ ਵੈਕਸੀਨ ਵਾਰ’ ਵੱਲ ਸੀ। ਹਾਲਾਂਕਿ, ਫਿਲਮ ਕਮਾਈ ਦੇ ਮਾਮਲੇ ਵਿੱਚ ਉਮੀਦਾਂ ‘ਤੇ ਖਰਾ ਨਹੀਂ ਉਤਰ ਸਕੀ।
Vaccine War Day2 Collection
‘ਦ ਵੈਕਸੀਨ ਵਾਰ’ 28 ਸਤੰਬਰ 2023 ਨੂੰ ‘ਫੁਕਰੇ 3’ ਅਤੇ ‘ ਚੰਦਰਮੁਖੀ 2 ‘ ਦੇ ਨਾਲ ਰਿਲੀਜ਼ ਹੋਈ ਸੀ । ਦੋ ਫਿਲਮਾਂ ਦੇ ਟਕਰਾਅ ਨੇ ਵਿਵੇਕ ਅਗਨੀਹੋਤਰੀ ਦੀਆਂ ਮੁਸ਼ਕਿਲਾਂ ਵਧਾ ਦਿੱਤੀਆਂ ਹਨ। ਬਾਕਸ ਆਫਿਸ ‘ਤੇ ‘ਦ ਵੈਕਸੀਨ ਵਾਰ’ ਦੀ ਹਾਲਤ ਕਾਫੀ ਖਰਾਬ ਹੈ। ਵਿਵੇਕ ਅਗਨੀਹੋਤਰੀ ਦੇ ਨਿਰਦੇਸ਼ਨ ‘ਚ ਬਣੀ ‘ ਦ ਵੈਕਸੀਨ ਵਾਰ ‘ ਨੇ ਪਹਿਲੇ ਦਿਨ 1.70 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਸੀ ਪਰ ਦੂਜੇ ਦਿਨ ਫਿਲਮ ਦੀ ਕਮਾਈ ‘ਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਸੀ। ਰਿਪੋਰਟ ਮੁਤਾਬਕ ਫਿਲਮ ਘਰੇਲੂ ਬਾਕਸ ਆਫਿਸ ‘ਤੇ ਸ਼ੁੱਕਰਵਾਰ ਯਾਨੀ ਦੂਜੇ ਦਿਨ 85 ਲੱਖ ਰੁਪਏ ਦੀ ਕਮਾਈ ਕੀਤੀ। ‘ਦਿ ਵੈਕਸੀਨ ਵਾਰ’ ਦੀ ਘਟਦੀ ਕਮਾਈ ਕਾਰਨ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ‘ਫੁਕਰੇ 3′ ਅਤੇ ‘ਚੰਦਰਮੁਖੀ 2’ ਵਰਗੀਆਂ ਫਿਲਮਾਂ ਨੇ ਵਿਵੇਕ ਅਗਨੀਹੋਤਰੀ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ ।
ਇਤਿਹਾਸ ਗਵਾਹ ਹੈ ਕਿ ਕਲੈਸ਼ ਨੇ ਕਿਸੇ ਨਾ ਕਿਸੇ ਫਿਲਮ ਦੀ ਬੇੜੀ ਡੋਬ ਦਿੱਤੀ ਹੈ। ਸਿਰਫ਼ ਚੁਣੀਆਂ ਗਈਆਂ ਫ਼ਿਲਮਾਂ ਹੀ ਸਨ, ਜੋ ਕਲੈਸ਼ ਦੇ ਬਾਵਜੂਦ ਕਮਾਈ ਦੇ ਮਾਮਲੇ ਵਿੱਚ ਅੱਗੇ ਰਹੀਆਂ। ਵੈਸੇ ਵੀਕੈਂਡ ‘ਤੇ ਫਿਲਮਾਂ ਦੀ ਕਮਾਈ ‘ਚ ਉਛਾਲ ਆਉਣ ਦੀ ਉਮੀਦ ਸਭ ਤੋਂ ਜ਼ਿਆਦਾ ਹੁੰਦੀ ਹੈ। ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਫਿਲਮ ਵੀਕੈਂਡ ‘ਤੇ ਵਧਦੀ ਹੈ ਜਾਂ ਨਹੀਂ। ‘ ਦ ਵੈਕਸੀਨ ਵਾਰ ‘ ਦੀ ਕਹਾਣੀ ਦੀ ਗੱਲ ਕਰੀਏ ਤਾਂ ਇਹ ਕੋਰੋਨਾ ਮਹਾਮਾਰੀ ਦੌਰਾਨ ਵੈਕਸੀਨ ਬਣਾਉਣ ਦੀ ਕਹਾਣੀ ਦੱਸਦੀ ਹੈ। ਵਿਵੇਕ ਅਗਨੀਹੋਤਰੀ ਦੀ ਇਸ ਫਿਲਮ ‘ਚ ਬਾਲੀਵੁੱਡ ਦੇ ਦਿੱਗਜ ਕਲਾਕਾਰਾਂ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ । ਨਾਨਾ ਪਾਟੇਕਰ , ਅਨੁਪਮ ਖੇਰ, ਪੱਲਵੀ ਜੋਸ਼ੀ , ਰਾਇਮਾ ਸੇਨ ਅਤੇ ਨਿਵੇਦਿਤਾ ਭੱਟਾਚਾਰੀਆ ਮੁੱਖ ਭੂਮਿਕਾਵਾਂ ਵਿੱਚ ਹਨ।
