ਹਰਿਆਣਾ ਦੇ ਯਮੁਨਾਨਗਰ ਸਥਿਤ ਥਰਮਲ ਪਾਵਰ ਪਲਾਂਟ ਦੇ ਸਹਾਇਕ ਕਾਰਜਕਾਰੀ ਇੰਜੀਨੀਅਰ AEE ਆਸ਼ੂਤੋਸ਼ ਅਗਰਵਾਲ ਨੂੰ ਭ੍ਰਿਸ਼ਟਾਚਾਰ ਰੋਕੂ ਬਿਊਰੋ ACB ਨੇ 10,000 ਰੁਪਏ ਦੀ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕੀਤਾ ਹੈ। ਉਸ ਨੇ ਜ਼ਮਾਨਤ ਵਾਪਸ ਕਰਨ ਦੇ ਬਦਲੇ ਠੇਕੇਦਾਰ ਤੋਂ 11 ਹਜ਼ਾਰ ਰੁਪਏ ਦੀ ਮੰਗ ਕੀਤੀ ਸੀ। ਏਸੀਬੀ ਅੱਜ ਉਸ ਨੂੰ ਅਦਾਲਤ ਵਿੱਚ ਪੇਸ਼ ਕਰੇਗੀ।
ਦੱਸਿਆ ਗਿਆ ਹੈ ਕਿ ਪਾਣੀਪਤ ਦੇ ਰਹਿਣ ਵਾਲੇ ਅਰਜੁਨ ਨੇ ਪਾਵਰ ਪਲਾਂਟ ‘ਚ ਜਮ੍ਹਾ 2 ਲੱਖ 50 ਹਜ਼ਾਰ ਰੁਪਏ ਦੀ ਜ਼ਮਾਨਤ ਰਾਸ਼ੀ ਵਾਪਸ ਕਰਨ ਲਈ ਕਿਹਾ ਸੀ। ਉਸ ਦਾ ਇਕਰਾਰਨਾਮਾ ਮਾਰਚ 2023 ਵਿਚ ਪੂਰਾ ਹੋਇਆ ਸੀ। AEE ਆਸ਼ੂਤੋਸ਼ ਅਗਰਵਾਲ ਨੇ ਸੁਰੱਖਿਆ ਰਾਸ਼ੀ ਜਾਰੀ ਕਰਨ ਦੇ ਬਦਲੇ ਉਸ ਤੋਂ 11,000 ਰੁਪਏ ਦੀ ਮੰਗ ਕੀਤੀ। ਅਰਜੁਨ ਨੇ ਇਸ ਦੀ ਸ਼ਿਕਾਇਤ ਏ.ਸੀ.ਬੀ. ਨੂੰ ਦਿੱਤੀ। ਇਸ ਤੋਂ ਬਾਅਦ ਰਾਤ ਨੂੰ ਠੇਕੇਦਾਰ ਪਾਵਰ ਪਲਾਂਟ ਵਿੱਚ ਆਸ਼ੂਤੋਸ਼ ਅਗਰਵਾਲ ਦੇ ਘਰ ਗਿਆ ਅਤੇ 10 ਹਜ਼ਾਰ ਰੁਪਏ ਦਿੱਤੇ। ਏਸੀਬੀ ਨੇ ਉਸ ਨੂੰ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕਰ ਲਿਆ। ਉਸ ਕੋਲੋਂ ਰਿਸ਼ਵਤ ਦੀ ਰਕਮ ਬਰਾਮਦ ਕੀਤੀ ਗਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
PM.jpeg”>
ACB ਇੰਚਾਰਜ ਸਤਪਾਲ ਨੇ ਦੱਸਿਆ ਕਿ ਪਾਣੀਪਤ ਦੇ ਰਹਿਣ ਵਾਲੇ ਅਰਜੁਨ ਨੇ ਦਸੰਬਰ 2022 ਵਿੱਚ ਪਾਵਰ ਪਲਾਂਟ ਵਿੱਚ APH ਪ੍ਰੀ ਹੀਟਰ ਰਿਪੇਅਰਿੰਗ ਦਾ ਠੇਕਾ ਲਿਆ ਸੀ। ਉਸਨੇ ਮਾਰਚ 2023 ਵਿੱਚ ਇਸਨੂੰ ਪੂਰਾ ਕੀਤਾ। ਇਹ ਕੰਮ ਕਰੀਬ 20 ਲੱਖ ਰੁਪਏ ਦਾ ਸੀ। ਇਸ ਦੇ ਬਦਲੇ 2 ਲੱਖ 50 ਹਜ਼ਾਰ ਰੁਪਏ ਦੀ ਜ਼ਮਾਨਤ ਜਮ੍ਹਾਂ ਕਰਵਾਈ ਗਈ। ਹੁਣ ਠੇਕੇਦਾਰ ਆਪਣੀ ਸਕਿਉਰਿਟੀ ਛੱਡਣਾ ਚਾਹੁੰਦਾ ਸੀ। ਇਸ ਦੇ ਲਈ ਆਸ਼ੂਤੋਸ਼ ਨੇ 10 ਹਜ਼ਾਰ ਰੁਪਏ ਰਿਸ਼ਵਤ ਲਈ ਸੀ। ਇਸ ਦੀ ਆਡੀਓ ਰਿਕਾਰਡਿੰਗ ਵੀ ਮਿਲੀ ਹੈ।
