ਗੂਗਲ ਇਕ ਨਵੇਂ ਫੀਚਰ ‘ਤੇ ਕੰਮ ਕਰ ਰਿਹਾ ਹੈ ਜਿਸ ਦਾ ਨਾਂ ‘ਲੁਕਅੱਪ’ ਬਟਨ ਹੈ। ਇਸ ਫੀਚਰ ਦੀ ਮਦਦ ਨਾਲ ਕਿਸੇ ਅਣਜਾਨ ਨੰਬਰ ਤੋਂ ਆਉਣ ਵਾਲੀ ਫੋਨ ਕਾਲ ਦੀ ਜਾਣਕਾਰੀ ਲੱਭਣਾ ਆਸਾਨ ਹੋ ਜਾਵੇਗਾ। ਇਸ ਫੀਚਰ ਦੀ ਮਦਦ ਨਾਲ ਹੁਣ ਯੂਜ਼ਰ ਸਿੱਧੇ ਰੀਸੈਂਟ ਕਾਲ ਲਿਸਟ ਵਿਚ ਜਾ ਕੇ ਇਨਕਮਿੰਗ ਕਾਲਸ ਦੀ ਜਾਣਕਾਰੀ ਲੈ ਸਕਦੇ ਹਨ। ਹੁਣ ਇਹ ਫੀਚਰ ਗੂਗਲ ਫੋਨ ਐਪ ਦੇ ਬੀਟਾ ਵਰਜਨ ਵਿਚ ਉਪਲਬਧ ਹੈ। ਇਸ ਨਵੇਂ ਲੁਕਅੱਪ ਬਟਨ ਦੀ ਮਦਦ ਨਾਲ ਯੂਜ਼ਰ ਸਿੱਧੇ ਫੋਨ ਕਾਲ ਲਿਸਟ ਵਿਚ ਜਾ ਕੇ ਕਿਸੇ ਵੀ ਅਣਜਾਨ ਨੰਬਰ ਨੂੰ ਸਰਚ ਕਰ ਸਕਦੇ ਹਨ। ਇਸ ਨਾਲ ਯੂਜ਼ਰ ਨੂੰ ਇਹ ਪਤਾ ਲੱਗ ਜਾਵੇਗਾ ਕਿ ਇਹ ਨੰਬਰ ਕਿਸ ਦਾ ਹੈ ਤੇ ਕੀ ਇਹ ਸਪੈਮ ਕਾਲ ਹੈ। ਇਹ ਫੀਚਰ ਉਨ੍ਹਾਂ ਲੋਕਾਂ ਲਈ ਕਾਫੀ ਮਦਦਗਾਰ ਸਾਬਤਾ ਹੋਵੇਗਾ ਜੋ ਅਕਸਰ ਸਪੈਮ ਕਾਲ ਤੋਂ ਪ੍ਰੇਸ਼ਾਨ ਹਨ।
ਗੂਗਲ ਫੋਨ ਐਪ ਜ਼ਿਆਦਾਤਰ ਪਿਕਸਲ ਫੋਨ ਵਿਚ ਇਸਤੇਮਾਲ ਹੁੰਦਾ ਹੈ ਪਰ ਤੁਸੀਂ ਕਿਸੇ ਵੀ ਐਂਡ੍ਰਾਇਡ ਫੋਨ ਵਿਚ ਡਾਊਨਲੋਡ ਕਰਕੇ ਇਸਦਾ ਇਸਤੇਮਾਲ ਕਰ ਸਕਦੇ ਹੋ। ਇਸ ਨਵੇਂ ਲੁਕਅੱਪ ਬਟਨ ਦੇ ਨਾਲ ਹੁਣ ਬਲਾਕ ਤੇ ਹਿਸਟਰੀ ਵਰਗੀ ਆਪਸ਼ਨ ਵੀ ਮਿਲਦੇ ਹਨ। ਇਸ ਨਾਲ ਫੋਨ ਕਾਲ ਮੈਨੇਜ ਕਰਨਾ ਹੋਰ ਵੀ ਆਸਾਨ ਹੋਵੇਗਾ।
ਇਸ ਤੋਂ ਇਲਾਵਾ ਗੂਗਲ ਆਪਣੇ ਜੀਮੇਲ ਐਪ ਵਿਚ ਵੀ ਇਕ ਨਵਾਂ ਫੀਚਰ ਲਿਆਉਣ ਦੀ ਤਿਆਰੀ ਵਿਚ ਹੈ। ਇਸ ਫੀਚਰ ਦੀ ਮਦਦ ਨਾਲ ਤੁਸੀਂ ਆਪਣੇ ਈ-ਮੇਲ ਦਾ ਸੰਖੇਪ ਵੇਰਵਾ ਦੇਖ ਸਕੋਗੇ। ਹੁਣ ਇਹ ਫੀਚਰ ਟੈਸਟਿੰਗ ਸਟੇਜ ‘ਤੇ ਹੈ ਪਰ ਉਮੀਦ ਹੈ ਕਿ ਜਲਦ ਹੀ ਸਾਰਿਆਂ ਨੂੰ ਇਸ ਦਾ ਇਸਤੇਮਾਲਕਰਨਾ ਲਈ ਮਿਲ ਜਾਵੇਗਾ। ਇਸ ਨਾਲ ਲੋਕਾਂ ਦਾ ਕਾਫੀ ਸਮਾਂ ਬਚੇਗਾ ਜੋ ਉਹ ਕਈ ਈ-ਮੇਲ ਪੜ੍ਹਨ ਵਿਚ ਲਗਾਉਂਦੇ ਹਨ।
ਇਹ ਵੀ ਪੜ੍ਹੋ : ਪੰਜਾਬ ਕਾਂਗਰਸ ਨਾਲ ਜੁੜੀ ਵੱਡੀ ਖਬਰ, ਵਿਧਾਇਕ ਵਿਕਰਮਜੀਤ ਸਿੰਘ ਚੌਧਰੀ ਨੇ ਦਿੱਤਾ ਅਸਤੀਫ਼ਾ
ਅਜੇ ਤੱਕ ਇਹ ਪਤਾ ਨਹੀਂ ਲੱਗਾ ਹੈ ਕਿ ਇਹ ਦੋਵੇਂ ਨਵੇਂ ਫੀਚਰ ਕਦੋਂ ਸਾਰੇ ਯੂਜਰਸ ਲਈ ਸ਼ੁਰੂ ਕੀਤੇ ਜਾਣਗੇ। ਗੂਗਲ ਭਵਿੱਖ ਵਿਚ ਕੁਝ ਖਾਸ ਸਰਚ ਫੀਚਰਸ ਲਈ ਪੈਸੇ ਲੈਣ ‘ਤੇ ਵੀ ਵਿਚਾਰ ਕਰ ਰਿਹਾ ਹੈ। ਇਹ ਫੀਚਰ ਏੇਆਈ ‘ਤੇ ਆਧਾਰਿਤ ਹੋਣਗੇ। ਪਿਛਲੇ ਸਾਲ ਗੂਗਲ I/O ਈਵੈਂਟ ਵਿਚ ਕੰਪਨੀ ਨੇ ਸਰਚ ਲਈ ਕਈ ਨਵੇਂ AI ਫੀਚਰ ਦਿਖਾਏ ਸਨ। ਹੁਣ ਤੱਕ ਇਹ ਫੀਚਰ ਟੈਸਟਿੰਗ ਮੋਡ ਵਿਚ ਹਨ ਪਰ ਹੋ ਸਕਦਾ ਹੈ ਕਿ ਭਵਿੱਖ ਵਿਚ ਗੂਗਲ ਇਨ੍ਹਾਂ ਖਾਸ ਸਰਚ ਫੀਚਰਸ ਲਈ ਪੈਸੇ ਲੈਣਾ ਸ਼ੁਰੂ ਕਰ ਦੇਣ।
