OpenAI ਤੇ ਗੂਗਲ ਇਕ ਸਾਲ ਤੋਂ ਵੱਧ ਸਮੇਂ ਤੋਂ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਬਣਾਉਣ ਦੀ ਰੇਸ ਵਿਚ ਲੱਗੇ ਹੋਏ ਹਨ। OpenAI ਨੇ ਜਨਵਰੀ 2023 ਵਿਚ ਆਪਣਾ ਏਆਈ ਟੂਲ ChatGPT ਲਿਆਂਦਾ ਜਿਸ ਨਾਲ ਗੂਗਲ ਥੋੜ੍ਹਾ ਘਬਰਾ ਗਿਆ ਸੀ। ਗੂਗਲ ਨੇ ਜਵਾਬ ਵਿਚ 20 ਤੋਂ ਜ਼ਿਆਦਾ ਏਆਈ ਵਾਲੇ ਪ੍ਰੋਡਕਟ ਬਣਾਉਣ ਦਾ ਪਲਾਨ ਕੀਤਾ। ਦੋ ਮਹੀਨੇ ਬਾਅਦ ਹੀ ਮਾਰਚ 2023 ਵਿਚ ਗੂਗਲ ਨੇ ਆਪਣਾ ਏਆਈ ਚੈਟਬਾਟ Bard ਲਿਆ ਦਿੱਤਾ। ਹੁਣ ਲੱਗਦਾ ਹੈ ਗੂਗਲ ਫਿਰ OpenAI ਤੋਂ ਪਿੱਛੇ ਹੈ ਕਿਉਂਕਿ ਗੂਗਲ ਨੇ ਹੁਣੇ-ਹੁਣੇ ਕੰਮ ਕਰਨ ਵਾਲਿਆਂ ਲਈ ਵੀਡੀਓ ਬਣਾਉਣ ਵਾਲਾ ਟੂਲ, Google Vids, ਲਾਂਚ ਕੀਤਾ ਹੈ। ਇਹ ਇਸੇ ਸਾਲ ਫਰਵਰੀ ਵਿਚ ਆਏ OpenAI ਦੇ ਵੀਡੀਓ ਬਣਾਉਣ ਵਾਲੇ ਟੂਲ Sora ਦੇ ਬਾਅਦ ਆਇਆ ਹੈ।
ਇਹ ਐਪ ਆਫਿਸ ਦੇ ਕੰਮ ਲਈ ਵੀਡੀਓ ਬਣਾਉਣ ਵਿਚ ਤੁਹਾਡੀ ਮਦਦ ਕਰੇਗਾ। ਇਹ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦਾ ਇਸਤੇਮਾਲ ਕਰਦਾ ਹੈ। ਤੁਸੀਂ ਜਾਂ ਤਾਂ ਗੂਗਲ ਦੇ ਤਿਆਰ ਟੈਂਪਲੇਟ ਇਸਤੇਮਾਲ ਕਰ ਸਕਦੇ ਹਨ ਜਾਂ ਫਿਰ ਖੁਦ ਟੈਕਸਟ ਲਿਖ ਕੇ ਨਵਾਂ ਵੀਡੀਓ ਬਣਾ ਸਕਦੇ ਹਨ। ਵੀਡੀਓ ਬਣਾਉਣ ਦੇ ਬਾਅਦ ਤੁਸੀਂ ਉਸ ਨੂੰ ਆਪਣੀ ਪਸੰਦ ਦੇ ਮੁਤਾਬਕ ਐਡਿਟ ਵੀ ਕਰ ਸਕਦੇ ਹਨ। ਤੁਸੀਂ ਚਾਹੋ ਤਾਂ ਆਪਣੀ ਆਵਾਜ਼ ਵੀਡੀਓ ਵਿਚ ਪਾ ਸਕਦੇ ਹੋ ਜਾਂ ਫਿਰ ਗੂਗਲ ਦੇ ਪਹਿਲਾਂ ਤੋਂ ਮੌਜੂਦ ਆਵਾਜ਼ਾਂ ਵਿਚੋਂ ਕੋਈ ਚੁਣ ਸਕਦੇ ਹਨ।
ਗੂਗਲ ਆਪਣੇ ਬਲਾਕ ਪੋਸਟ ਵਿਚ Google Vids ਬਾਰੇ ਦੱਸਦਾ ਹੈ ਕਿ ਇਹ ਇਕ ਅਜਿਹਾ ਐਪ ਹੈ ਜੋ ਤੁਹਾਡੇ ਲਈ ਖੁਦ ਵੀਡੀਓ ਬਣਾਉਣ ਵਿਚ ਤੁਹਾਡੀ ਮਦਦ ਕਰੇਗਾ। ਇਹ AI ਦਾ ਇਸਤੇਮਾਲ ਕਰਦਾ ਹੈ। ਤੁਸੀਂ ਆਪਣੀ ਕਹਾਣੀ ਨੂੰ ਆਸਾਨੀ ਨਾਲ ਸਮਝਾਉਣ ਲਈ ਵੀਡੀਓ ਬਣਾ ਸਕਦੇ ਹੋ। ਸਭ ਤੋਂ ਪਹਿਲਾਂ ਇਹ ਐਪ ਇਕ ਸਟੋਰੀਬੋਰਡ ਬਣਾਉਂਦਾ ਹੈ ਜਿਸ ਨੂੰ ਤੁਸੀਂ ਬਦਲ ਵੀ ਸਕਦੇ ਹੋ। ਫਿਰ ਤੁਸੀਂ ਆਪਣੀ ਪੰਸਦ ਦਾ ਸਟਾਈਲ ਚੁਣ ਸਕਦੇ ਹੋ ਤੇ ਇਹ ਐਪ ਖੁਦ ਹੀ ਸਟਾਕ ਵੀਡੀਓ, ਇਮੇਜ ਤੇ ਬੈਕਗਰਾਊਂਡ ਮਿਊਜ਼ਿਕ ਦੀ ਮਦਦ ਨਾਲ ਤੁਹਾਡਾ ਪਹਿਲਾ ਡਰਾਫਟ ਤਿਆਰ ਕਰ ਦੇਵੇਗਾ। ਇਹ ਇਸਤੇਮਾਲ ਕਰਨ ਵਿਚ ਆਸਾਨ ਹੈ ਤੇ ਤੁਸੀਂ ਇਸ ਨਾਲ ਆਪਣੇ ਬ੍ਰਾਊਜਰ ਨਾਲ ਹੀ ਦੂਜਿਆਂ ਨਾਲ ਮਿਲ ਕੇ ਕੰਮ ਕਰ ਸਕਦੇ ਹਨ ਤੇ ਪ੍ਰਾਜੈਕਟ ਸ਼ੇਅਰ ਕਰ ਸਕਦੇ ਹਨ। ਇਹ ਇਕ ਬਿਲਕੁਲ ਨਵਾਂ ਐਪ ਹੈ ਜੋ ਆਫਿਸ ਵਿਚ ਕਿਸੇ ਨੂੰ ਵੀ ਕਹਾਣੀਕਾਰ ਬਣਾਉਣ ਵਿਚ ਮਦਦ ਕਰ ਸਕਦਾ ਹੈ।
ਇਹ ਵੀ ਪੜ੍ਹੋ : ‘X’ ‘ਤੇ ਬਿਨਾਂ ਪੈਸੇ ਦਿੱਤੇ ਵੀ ਮਿਲ ਜਾਵੇਗਾ Blue ਟਿਕ, ਖੁਦ ਐਲੋਨ ਮਸਕ ਨੇ ਦੱਸੀ ਸਕੀਮ
ਗੂਗਲ ਦਾ ਇਹ ਵੀਡੀਓ ਬਣਾਉਣ ਵਾਲਾ ਟੂਲ ਜੂਨ ਵਿਚ ਲਾਂਚ ਹੋਵੇਗਾ। ਇਹ ਜਾਣਕਾਰੀ ਕੰਪਨੀ ਦੇ ਬਲਾਗ ਪੋਸਟ ਵਿਚ ਦਿੱਤੀ ਗਈ ਹੈ। ਗੂਗਲ ਪਿਛਲੇ ਕੁਝ ਸਮੇਂ ਤੋਂ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦਾ ਇਸਤੇਮਾਲ ਕਰਕੇ ਨਵੀਆਂ ਚੀਜ਼ਾਂ ਬਣਾਉਣ ਵਿਚ ਕਾਫੀ ਅੱਗੇ ਵੱਧ ਰਿਹਾ ਹੈ। ਇਸੇ ਸਾਲ 14 ਮਈ ਨੂੰ ਹੋਣ ਵਾਲੀ ਗੂਗਲ I/O ਈਵੈਂਟ ਵਿਚ ਸ਼ਾਇਦ ਕੁਝ ਨਵੀਆਂ ਤੇ ਦਿਲਚਸਪ ਚੀਜ਼ਾਂ ਬਾਰੇ ਦੱਸਿਆ ਜਾ ਸਕਦਾ ਹੈ।
