ਦੁਨੀਆ ਦਾ ਸਭ ਤੋਂ ਮਸ਼ਹੂਰ ਵੀਡੀਓ ਸਟ੍ਰੀਮਿੰਗ ਪਲੇਟਫਾਰਮ ਯੂਟਿਊਬ ‘ਤੇ ਤੁਸੀਂ ਵੀ ਜ਼ਰੂਰ ਵੀਡੀਓ ਵੇਖਦੇ ਹੋਵੋਗੇ। ਹਾਲਾਂਕਿ, ਭਾਵੇਂ ਤੁਸੀਂ ਮੋਬਾਈਲ ਐਪ ਜਾਂ ਸਮਾਰਟ ਟੀਵੀ ਦੀ ਵੱਡੀ ਸਕ੍ਰੀਨ ‘ਤੇ ਵੀਡੀਓ ਦੇਖ ਰਹੇ ਹੋ, ਪਰ ਇਸ ਦੇ ਨਾਲ ਖੂਬ ਸਾਰੇ ਵਿਗਿਆਪਨ ਵੀ ਵੇਖਣੇ ਪੈਂਦੇ ਹਨ। ਜੇਕਰ ਤੁਸੀਂ ਐਡ-ਫ੍ਰੀ ਵੀਡੀਓ ਦੇਖਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਇਸਦੇ ਲਈ YouTube ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਲੈਣਾ ਹੋਵੇਗਾ। ਦਿਲਚਸਪ ਗੱਲ ਇਹ ਹੈ ਕਿ ਚੁਣੇ ਗਏ ਯੂਜ਼ਰਸ ਇਸ ਸਬਸਕ੍ਰਿਪਸ਼ਨ ਦਾ ਲਾਭ ਬਿਲਕੁਲ ਮੁਫਤ ਪ੍ਰਾਪਤ ਕਰ ਸਕਦੇ ਹਨ।
ਜੇਕਰ ਭਾਰਤੀ ਯੂਜ਼ਰਸ ਯੂਟਿਊਬ ਪ੍ਰੀਮੀਅਮ ਨੂੰ ਸਬਸਕ੍ਰਾਈਬ ਕਰਨਾ ਚਾਹੁੰਦੇ ਹਨ, ਤਾਂ ਆਮ ਤੌਰ ‘ਤੇ ਉਨ੍ਹਾਂ ਨੂੰ ਹਰ ਮਹੀਨੇ 129 ਰੁਪਏ ਦੇਣੇ ਪੈਂਦੇ ਹਨ। ਹੁਣ ਹੋਲੀ ਤੋਂ ਪਹਿਲਾਂ ਕੰਪਨੀ ਭਾਰਤ ਵਿੱਚ ਰਹਿਣ ਵਾਲੇ ਵਿਦਿਆਰਥੀਆਂ ਲਈ ਇੱਕ ਖਾਸ ਆਫਰ ਲੈ ਕੇ ਆਈ ਹੈ। ਜੇਕਰ ਤੁਸੀਂ ਵਿਦਿਆਰਥੀ ਹੋ ਤਾਂ ਤੁਹਾਡੇ ਲਈ ਪ੍ਰੀਮੀਅਮ ਟੀਅਰ ਮੈਂਬਰਸ਼ਿਪ ਲੈਣਾ ਆਸਾਨ ਹੋ ਗਿਆ ਹੈ ਅਤੇ ਮੁਫ਼ਤ ਟ੍ਰਾਇਲ ਦਾ ਲਾਭ ਦਿੱਤਾ ਜਾ ਰਿਹਾ ਹੈ। ਇਸ ਪੇਸ਼ਕਸ਼ ਲਈ ਤੁਹਾਡੇ ਕੋਲ ਇੱਕ ਵਿਦਿਆਰਥੀ ਆਈਡੀ ਹੋਣੀ ਚਾਹੀਦੀ ਹੈ।
ਯੂਟਿਊਬ ਨੇ ਕਿਹਾ ਹੈ ਕਿ ਉਹ ਸਾਰੇ ਵਿਦਿਆਰਥੀ ਜੋ ਕਿਸੇ ਵੀ ਉੱਚ ਸਿੱਖਿਆ ਸੰਸਥਾਨ ਵਿੱਚ ਪੜ੍ਹ ਰਹੇ ਹਨ ਅਤੇ ਜਿਨ੍ਹਾਂ ਦੇ ਖੇਤਰ ਵਿੱਚ ਯੂਟਿਊਬ ਸਟੂਡੈਂਟ ਮੈਂਬਰਸ਼ਿਪ ਉਪਲਬਧ ਹੈ, ਉਹ ਇੱਕ ਮੁਫਤ ਟ੍ਰਾਇਲ ਲੈ ਸਕਦੇ ਹਨ। YouTube ਇਸ ਵਿਦਿਆਰਥੀ ਆਈਡੀ ਨੂੰ ਆਈਡੈਂਟਿਟੀ ਵੈਰੀਫਿਕੇਸ਼ਨ ਪਲੇਟਫਾਰਮ SheerID ਨਾਲ ਵੈਰੀਫਾਈ ਕਰੇਗਾ ਅਤੇ ਇਸ ਤੋਂ ਬਾਅਦ ਮੁਫ਼ਤ ਮੈਂਬਰਸ਼ਿਪ ਦਾ ਲਾਭ ਮਿਲੇਗਾ।
ਇਹ ਵੀ ਪੜ੍ਹੋ : ਪਤੀ ਨਿਕ ਤੇ ਗੋਦੀ ‘ਚ ਧੀ ਮਾਲਤੀ ਨਾਲ ਅਯੁੱਧਿਆ ਪਹੁੰਚੀ ਪ੍ਰਿਯੰਕਾ ਚੋਪੜਾ, ਰਾਮਲੱਲਾ ਦੇ ਕੀਤੇ ਦਰਸ਼ਨ
ਜੇਕਰ ਤੁਸੀਂ ਵਿਦਿਆਰਥੀ ਹੋ ਜਾਂ ਤੁਹਾਡੇ ਪਰਿਵਾਰ ਵਿੱਚ ਕੋਈ ਵਿਦਿਆਰਥੀ ਹੈ, ਤਾਂ ਤੁਸੀਂ ਇਸ ਪ੍ਰੀਮੀਅਮ ਮੈਂਬਰਸ਼ਿਪ ਦਾ ਲਾਭ ਲੈ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਮੋਬਾਈਲ ਜਾਂ ਪੀਸੀ ‘ਤੇ ਯੂਟਿਊਬ ਪ੍ਰੀਮੀਅਮ ਸਟੂਡੈਂਟ ਪਲਾਨ ਪੇਜ ‘ਤੇ ਜਾਣਾ ਹੋਵੇਗਾ। ਇੱਥੇ ਤੁਹਾਨੂੰ ‘Try it free’ ਬਟਨ ‘ਤੇ ਟੈਪ ਜਾਂ ਕਲਿੱਕ ਕਰਨਾ ਹੋਵੇਗਾ। ਹੁਣ ਤੁਸੀਂ ਸਕੂਲ, ਕਾਲਜ ਜਾਂ ਯੂਨੀਵਰਸਿਟੀ ਦਾ ਨਾਮ ਦਰਜ ਕਰ ਸਕੋਗੇ, ਜਿਸ ਤੋਂ ਬਾਅਦ SheerID ਇਸ ਦੀ ਪੁਸ਼ਟੀ ਕਰੇਗਾ।
ਇਹ ਵੀ ਪੜ੍ਹੋ : ਲੋਕ ਸਭਾ ਚੋਣਾਂ ਕਰਕੇ ਰੱਦ ਹੋਇਆ UPSE ਦਾ ਪੇਪਰ, ਜਾਣੋ ਕਿਹੜੀ ਏ ਨਵੀਂ ਤਰੀਕ
ਜੇਕਰ ਤੁਸੀਂ ਯੋਗ ਹੋ, ਤਾਂ ਤੁਹਾਡੇ ਕੋਲੋਂ ਇਨਰੋਲਮੈਂਟ ਨੰਬਰ ਅਤੇ ਈਮੇਲ ਆਈਡੀ ਲਈ ਕਿਹਾ ਜਾਵੇਗਾ। ਜਿਵੇਂ ਹੀ ਇਸ ਡਾਟਾ ਦੀ ਪੁਸ਼ਟੀ ਹੋ ਜਾਵੇਗੀ, ਤੁਹਾਨੂੰ ਮੈਂਬਰਸ਼ਿਪ ਮਿਲਣੀ ਸ਼ੁਰੂ ਹੋ ਜਾਵੇਗੀ। ਇਸ ਮੈਂਬਰਸ਼ਿਪ ਦਾ ਲਾਭ 4 ਸਾਲਾਂ ਲਈ ਲਿਆ ਜਾ ਸਕਦਾ ਹੈ ਪਰ ਇਸ ਤੋਂ ਬਾਅਦ ਤੁਹਾਨੂੰ SheerID ਨਾਲ ਆਪਣੀ ਪਛਾਣ ਦੀ ਦੁਬਾਰਾ ਪੁਸ਼ਟੀ ਕਰਨੀ ਪਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
