ਯੂਕਰੇਨ ਦੇ ਰਾਸ਼ਟਰਪਤੀ ਜੇਲੇਂਸਕੀ ਨਾਲ ਵ੍ਹਾਈਟ ਹਾਊਸ ਵਿਚ ਹੋਈ ਝੜਪ ਦੇ ਬਾਅਦ ਹੁਣ ਡੋਨਾਲਡ ਟਰੰਪ ਨੇ ਰੂਸ ਨੂੰ ਖੁੱਲ੍ਹੀ ਚੇਤਾਵਨੀ ਦੇ ਦਿੱਤੀ ਹੈ। ਟਰੰਪ ਨੇ ਰੂਸੀ ਰਾਸ਼ਟਰਪਤੀ ਵਲਾਦਿਮਿਰ ਪੁਤਿਨ ਨੂੰ ਵੱਡੇ ਪੈਮਾਨੇ ‘ਤੇ ਪ੍ਰਤੀਬੰਧ ਤੇ ਟੈਰਿਫ ਲਗਾਉਣ ਦੀ ਧਮਕੀ ਦਿੱਤੀ ਹੈ। ਉਨ੍ਹਾਂ ਨੇ ਰੂਸ ਦੇ ਯੂਕਰੇਨ ਨੂੰ ‘ਤੁਰੰਤ ਗੱਲਬਾਤ ਦੀ ਮੇਜ ‘ਤੇ ਆਉਣ’ ਲਈ ਕਿਹਾ।
ਟਰੰਪ ਨੇ ਕਿਹਾ ਕਿ ਇਸ ਤੱਥ ਦੇ ਆਧਾਰ ‘ਤੇ ਕਿ ਰੂਸ ਇਸ ਸਮੇਂ ਯੁੱਧ ਦੇ ਮੈਦਾਨ ਵਿਚ ਯੂਕਰੇਨ ‘ਤੇ ਪੂਰੀ ਤਰ੍ਹਾਂ ਤੋਂ ‘ਪਿਟਾਈ’ ਕਰ ਰਿਹਾ ਹੈ, ਮੈਂ ਰੂਸ ‘ਤੇ ਵੱਡੇ ਪੈਮਾਨੇ ‘ਤੇ ਬੈਂਕਿੰਗ ਪ੍ਰਤੀਬੰਧ ਤੇ ਟੈਰਿਫ ਲਗਾਉਣ ‘ਤੇ ਗੰਭੀਰਤਾ ਨਾਲ ਵਿਚਾਰ ਕਰ ਰਿਹਾ ਹਾਂ ਜਦੋਂ ਤੱਕ ਕਿ ਯੁੱਧ ਵਿਰਾਮ ਤੇ ਸ਼ਾਂਤੀ ‘ਤੇ ਅੰਤਿਮ ਸਮਝੌਤਾ ਨਹੀਂ ਹੋ ਜਾਂਦਾ। ‘ਯੂਸ ਤੇ ਯੂਕਰੇਨ’ ਇਸ ਤੋਂ ਪਹਿਲਾਂ ਕਿ ਬਹੁਤ ਦੇਰ ਹੋ ਜਾਵੇ, ਅਜੇ ਗੱਲਬਾਤ ਦੀ ਮੇਜ ‘ਤੇ ਆ ਜਾਣ। ਧੰਨਵਾਦ।
ਇਹ ਵੀ ਪੜ੍ਹੋ : ‘ਵਾਰ ਆਨ ਡਰੱਗਜ਼’ ਮੁਹਿੰਮ ਤਹਿਤ ਐਕਸ਼ਨ ਮੋਡ ‘ਚ ਪੰਜਾਬ ਪੁਲਿਸ, 12 ਕਰੋੜ ਦੀ ਹੈਰੋਇਨ ਸਣੇ ਗ੍ਰੰਥੀ ਕਾਬੂ
ਅਮਰੀਕੀ ਰਾਸ਼ਟਰਪਤੀ ਨੇ ਇਹ ਮੰਗ ਉਸ ਹਮਲੇ ਦੇ ਬਾਅਦ ਕੀਤੀ ਹੈ ਜਦੋਂ ਯੂਕਰੇਨ ਦੇ ਊਰਜਾ ਗਰਿਡ ‘ਤੇ ਰਾਤ ਭਰ ਹੋਏ ਵੱਡੇ ਪੈਮਾਨੇ ‘ਤੇ ਮਿਜ਼ਾਈਲ ਅਟੈਕ ਦੇ ਬਾਅਦ ਜੇਲੇਂਸਕੀ ਨੇ ਮਾਸਕੋ ਨਾਲ ਹਵਾਈ ਯੁੱਧਵਿਰਾਮ ਦਾ ਪ੍ਰਸਤਾਵ ਰੱਖਿਆ ਹੈ। ਕੁਝ ਹੀ ਘੰਟੇ ਪਹਿਲਾਂ ਯੂਕਰੇਨੀ ਰਾਸ਼ਟਰਪਤੀ ਜੇਲੇਂਸਕੀ ਨੇ ਦੱਸਿਆ ਕਿ ਉਹ ਸ਼ਾਂਤੀ ਵਾਰਤਾ ਲਈ ਕਰਾਊਨ ਪ੍ਰਿੰਸ ਨੂੰ ਮਿਲਣ ਲਈ ਅਗਲੇ ਸੋਮਵਾਰ ਨੂੰ ਸਾਊਦੀ ਅਰਬ ਵਿਚ ਹੋਣਗੇ। ਇਸ ਦੇ ਬਾਅਦ ਉਨ੍ਹਾਂ ਦੀ ਟੀਮ ਮੱਧ ਪੂਰਬ ਵਿਚ ਅਮਰੀਕੀ ਪ੍ਰਤੀਨਿਧੀਆਂ ਨਾਲ ਗੱਲਬਾਤ ਲਈ ਰੁਕੇਗੀ ਕਿਉਂਕਿ ਉਹ ਤਤਕਾਲ ਇਕ ਸਫਲ ਸ਼ਾਂਤੀ ਸਮਝੌਤੇ ਦੀ ਭਾਲ ਵਿਚ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
