ਅੰਮ੍ਰਿਤਸਰ ਦੇ ਗੋਲਡਨ ਟੈਂਪਲ ਪਰਿਸਰ ਵਿਚ ਲਗਭਗ 7 ਸਾਲਦੇ ਮਾਸੂਮ ਬੱਚੇ ਨੂੰ ਉਨ੍ਹਾਂ ਦੇ ਪਰਿਵਾਰ ਵਾਲੇ ਇਕੱਲਾ ਛੱਡ ਕੇ ਚਲੇ ਗਏ। ਘਟਨਾ ਐਤਵਾਰ ਦੁਪਹਿਰ ਲਗਭਗ 2.30 ਵਜੇ ਦੇ ਆਸ-ਪਾਸਦੀ ਦੱਸੀ ਜਾ ਰਹੀ ਹੈ ਜਿਸ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ।
ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਪਰਿਵਾਰ ਗੋਲਡਨ ਟੈਂਪਲ ਦੇ ਮੁੱਖ ਦਰਵਾਜੇ ਤੱਕ ਪਹੁੰਚਦਾ ਹੈ ਬੱਚੇ ਨੂੰ ਨਾਲ ਲਿਆਉਂਦਾ ਹੈ ਪਰ ਬਿਨਾਂ ਪਰਿਕਰਮਾ ਕੀਤੇ ਅਚਾਨਕ ਪਰਿਸਰ ਤੋਂ ਬਾਹਰ ਨਿਕਲ ਜਾਂਦਾ ਹੈ ਤੇ ਬੱਚੇ ਨੂੰ ਇਕੱਲੇ ਛੱਡ ਦਿੰਦਾ ਹੈ।
ਸ੍ਰੀ ਹਰਿਮੰਦਰ ਸਾਹਿਬ ਦੀ ਸੁਰੱਖਿਆ ਵਿਵਸਥਾ ਵਿਚ ਤਾਇਨਾਤ ਸੇਵਾਦਾਰਾਂ ਤੇ ਮੈਨੇਜਮੈਂਟ ਨੇ ਜਦੋਂ ਪਰਿਸਰ ਵਿਚ ਇਕੱਲੇ ਬੱਚੇ ਨੂੰ ਦੇਖਿਆ ਤਾਂ ਤੁਰੰਤ ਹਰਕਤ ਵਿਚ ਆਏ। ਕਾਰੀਡੋਰ ਚੈੱਕ ਪੁਆਇੰਟ ‘ਤੇ ਮੌਜੂਦ ਸਟਾਫ ਨੇ ਬੱਚੇ ਤੋਂ ਉਸ ਦੇ ਮਾਪਿਆਂ ਬਾਰੇ ਪੁੱਛਗਿਛ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਬੱਚਾ ਬਹੁਤ ਛੋਟਾ ਸੀ ਤੇ ਮਾਨਸਿਕ ਤੌਰ ਤੋਂ ਵੀ ਅਸਹਿਜ ਨਜ਼ਰ ਆ ਰਿਹਾ ਸੀ। ਉਹ ਜ਼ਿਆਦਾ ਜਾਣਕਾਰੀ ਨਹੀਂ ਦੇ ਸਕਿਆ।
ਪ੍ਰਸ਼ਾਸਨ ਨੇ ਸਥਿਤੀ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ ਬੱਚੇ ਨੂੰ ਅੰਮ੍ਰਿਤਸਰ ਸਥਿਤ ਪਿੰਗਲਵਾੜਾ ਸੰਸਥਾ ਦੇ ਸਪੁਰਦ ਕਰ ਦਿੱਤਾ ਜਿਥੇ ਉਸ ਦੀ ਦੇਖਭਾਲ ਕੀਤੀ ਜਾ ਰਹੀ ਹੈ। ਪਿੰਗਲਵਾੜਾ ਸੰਸਥਾ ਨੂੰ ਬੇਸਹਾਰਾ ਬੱਚਿਆਂ ਲਈ ਸੁਰੱਖਿਅਤ ਥਾਂ ਮੰਨਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਜਲੰਧਰ ਪੁਲਿਸ ਨੇ 2 ਬ.ਦ.ਮਾਸ਼ਾਂ ਦਾ ਕੀਤਾ ਐ.ਨ.ਕਾ/ਊਂਟਰ, ਗੋ.ਲੀ ਲੱਗਣ ਨਾਲ ਦੋਵੇਂ ਮੁਲਜ਼ਮ ਹੋਏ ਜ਼ਖਮੀ
ਸੀਸੀਟੀਵੀ ਫੁਟੇਜ ਵਿਚ ਬੱਚੇ ਨਾਲ ਪਰਿਵਾਰ ਦੇ ਮੈਂਬਰ ਸਾਫ ਦਿਖਾਈ ਦੇ ਰਹੇ ਹਨ। ਪੁਲਿਸ ਹੁਣ ਫੁਟੇਜ ਦੇ ਆਧਾਰ ‘ਤੇ ਪਰਿਵਾਰ ਦੀ ਪਛਾਣ ਕਰਨ ਵਿਚ ਲੱਗੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਕੋਈ ਪ੍ਰੀਪਲਾਨਡ ਯੋਜਨਾ ਹੋ ਸਕਦੀ ਹੈ ਜਿਸ ਵਿਚ ਪਰਿਵਾਰ ਵਾਲਿਆਂ ਨੇ ਜਾਣਬੁਝ ਕੇ ਭੀੜ ਭਾੜ ਵਾਲੇ ਧਾਰਮਿਕ ਥਾਂ ‘ਤੇ ਬੱਚੇ ਨੂੰ ਛੱਡਣ ਲਈ ਚੁਣਿਆ ਹੋਵੇ।
ਵੀਡੀਓ ਲਈ ਕਲਿੱਕ ਕਰੋ -:
