ਕੀ ਤੁਹਾਡੇ ਘਰ ਦੇ ਤਾਂਬੇ ਦੇ ਭਾਂਡੇ ਵੀ ਆਪਣੀ ਚਮਕ ਗੁਆ ਚੁੱਕੇ ਹਨ ਤੇ ਕਾਲੇ ਪੈ ਗਏ ਹਨ। ਹਰ ਦੀਵਾਲੀ ਦੀ ਸਾਫ-ਸਫਾਈ ਵਿਚ ਇਨ੍ਹਾਂ ਨੂੰ ਦੇਖ ਕੇ ਲੱਗਦਾ ਹੈ ਕਿ ਇਨ੍ਹਾਂ ਨੂੰ ਚਮਕਾਉਣਾ ਨਾਮੁਮਕਿਨ ਕੰਮ ਹੈ? ਜੇਕਰ ਅਜਿਹਾ ਹੈ ਤਾਂ ਹੁਣ ਤੁਹਾਨੂੰ ਹੋਰ ਪ੍ਰੇਸ਼ਾਨ ਹੋਣ ਦੀ ਲੋੜ ਬਿਲਕੁਲ ਨਹੀਂ ਹੈ।
ਅੱਜ ਅਸੀਂ ਤੁਹਾਡੇ ਲਈ ਲੈ ਕੇ ਆਏ ਹਾਂ 4 ਅਜਿਹਾ ਆਸਾਨ ਤੇ ਅਸਰਦਾਰ ਘਰੇਲੂ ਉਪਾਅ, ਜੋ ਤੁਹਾਡੇ ਪੁਰਾਣੇ ਭਾਂਡਿਆਂ ਨੂੰ ਫਿਰ ਤੋਂ ਨਵਾਂ ਬਣਾ ਦੇਣਗੇ। ਇਨ੍ਹਾਂ ਤਰੀਕਿਆਂ ਨੂੰ ਅਪਣਾ ਕੇ ਤੁਸੀਂ ਘੱਟ ਮਿਹਨਤ ਵਿਚ ਹੀ ਕਮਾਲ ਦਾ ਰਿਜ਼ਲਟ ਪਾ ਸਕਦੇ ਹਨ ਤੇ ਆਪਣੀ ਮਿਹਨਤ ਦੇ ਨਾਲ-ਨਾਲ ਪੈਸਿਆਂ ਦੀ ਵੀ ਬਚਤ ਕਰ ਸਕਦੇ ਹਨ।
ਨਿੰਬੂ ਤੇ ਨਮਕ ਦਾ ਜਾਦੂ
ਇਹ ਸਭ ਤੋਂ ਪੁਰਾਣਾ ਤੇ ਸਭ ਤੋਂ ਅਸਰਦਾਰ ਤਰੀਕਾ ਹੈ। ਨਿੰਬੂ ਵਿਚ ਮੌਜੂਦ ਸਿਟ੍ਰਿਕ ਐਸਿਡ ਤੇ ਨਮਕ ਦਾ ਖੁਰਦਰਾਪਣ ਮਿਲ ਕੇ ਤਾਂਬੇ ‘ਤੇ ਜੰਮੀ ਕਾਲੀ ਪਰਤ ਨੂੰ ਆਸਾਨੀ ਨਾਲ ਹਟਾ ਦਿੰਦੇ ਹਨ।
ਕਿਵੇਂ ਕਰੀਏ
ਇਕ ਨਿੰਬੂ ਨੂੰ ਅੱਧਾ ਕੱਟ ਲਓ ਤੇ ਉਸ ਦੇ ਕੱਟੇ ਹੋਏ ਹਿੱਸੇ ‘ਤੇ ਥੋੜ੍ਹਾ ਜਿਹਾ ਨਮਕ ਛਿੜਕੋ। ਹੁਣ ਇਸ ਨਿੰਬੂ ਨਾਲ ਭਾਂਡੇ ਨੂੰ ਹੌਲੀ-ਹੌਲੀ ਰਗੜੋ। ਤੁਸੀਂ ਦੇਖੋਗੇ ਕਿ ਭਾਂਡਾ ਚਮਕਣ ਲੱਗੇਗਾ। ਤੁਸੀਂ ਚਾਹੋ ਤਾਂ ਨਿੰਬੂ ਦੇ ਰਸ ਵਿਚ ਨਮਕ ਮਿਲਾ ਕੇ ਇਕ ਪੇਸਟ ਵੀ ਬਣਾ ਸਕਦੇ ਹੋ ਤੇ ਉਸ ਨੂੰ ਕੱਪੜੇ ਜਾਂ ਸਕ੍ਰਬਰ ਨਾਲ ਲਗਾ ਸਕਦੇ ਹੋ।
ਇਮਲੀ ਦਾ ਕਮਾਲ
ਇਮਲੀ ਦਾ ਖੱਟਾਪਣ ਤਾਂਬੇ ਦੇ ਭਾਂਡਿਆਂ ਨੂੰ ਚਮਕਾਉਣ ਵਿਚ ਫਾਇਦੇਮੰਦ ਹੁੰਦਾ ਹੈ।
ਥੋੜ੍ਹੀ ਜਿਹੀ ਇਮਲੀ ਨੂੰ ਅੱਧੇ ਘੰਟੇ ਲਈ ਪਾਣੀ ਵਿਚ ਭਿਉਂ ਦਿਓ। ਜਦੋਂ ਇਹ ਨਰਮ ਹੋ ਜਾਵੇ ਤਾ ਇਸ ਨੂੰ ਪਾਣੀ ਵਿਚ ਹੀ ਮਸਲ ਲਓ। ਇਸ ਘੋਲ ਨੂੰ ਭਾਂਡਿਆਂ ‘ਤੇ ਲਗਾ ਕੇ 5-7 ਮਿੰਟ ਲਈ ਛੱਡ ਦਿਓ। ਫਿਰ ਇਸ ਨੂੰ ਸਕਰਬਰ ਨਾਲ ਚੰਗੀ ਤਰ੍ਹਾਂ ਰਗੜ ਕੇ ਧੋ ਲਓ। ਭਾਂਡੇ ਇਕਦਮ ਨਵੇਂ ਵਰਗੇ ਹੋ ਜਾਣਗੇ।
ਸਿਰਕੇ ਤੇ ਨਮਕ ਦਾ ਘੋਲ
ਇਹ ਤਰੀਕਾ ਇਨ੍ਹਾਂ ਭਾਂਡਿਆਂ ਲਈ ਹੈ ਜਿਨ੍ਹਾਂ ‘ਤੇ ਬਹੁਤ ਜ਼ਿਆਦਾ ਕਾਲਾਪਨ ਜੰਮ ਗਿਆ ਹੈ।
ਇਕ ਭਾਂਡੇ ਵਿਚ ਸਫੈਦ ਸਿਰਕਾ ਤੇ ਨਮਕ ਬਰਾਬਰ ਮਾਤਰਾ ਵਿਚ ਮਿਲਾਓ। ਹੁਣ ਇਸ ਘੋਲ ਵਿਚ ਆਪਣੇ ਤਾਂਬੇ ਦੇ ਭਾਂਡਿਆਂ ਨੂੰ ਕੁਝ ਸੈਕੰਡ ਲਈ ਡੁਬੋ ਦਿਓ। ਜੇਕਰ ਭਾਂਡੇ ਪੂਰੀ ਤਰ੍ਹਾਂ ਡੁੱਬ ਨਹੀਂ ਪਾ ਰਹੇ ਤਾਂ ਇਕ ਵਾਰ ਇਕ ਹਿੱਸਾ ਡੁਬ ਦਿਓ। ਤੁਸੀਂ ਦੇਖੋਗੇ ਕਿ ਬਿਨਾਂ ਜ਼ਿਆਦਾ ਮਿਹਨਤ ਦੇ ਹੀ ਭਾਂਡੇ ਦੀ ਚਮਕ ਵਾਪਸ ਆ ਜਾਵੇਗੀ।
ਬੇਕਿੰਗ ਸੋਡਾ ਤੇ ਨਿੰਬੂ
ਬੇਕਿੰਗ ਸੋਡਾ ਵੀ ਤਾਂਬੇ ਦੇ ਭਾਂਡਿਆਂ ਦੀ ਸਫਾਈ ਵਿਚ ਬਹੁਤ ਕੰਮ ਆਉਂਦਾ ਹੈ।
ਥੋੜ੍ਹਾ ਜਿਹਾ ਬੇਕਿੰਗ ਸੋਡਾ ਲਓ ਤੇ ਉਸ ਵਿਚ ਨਿੰਬੂ ਦਾ ਰਸ ਮਿਲਾ ਕੇ ਇਕ ਗਾੜ੍ਹਾ ਪੇਸਟ ਬਣ ਲਓ। ਇਸ ਪੇਸਟ ਨੂੰ ਭਾਂਡਿਆਂ ‘ਤੇ ਚੰਗੀ ਤਰ੍ਹਾਂ ਹਲਕੇ ਹੱਥਾਂ ਨਾਲ ਰਗੜੋ। ਕੁਝ ਦੇਰ ਬਾਅਦ ਇਸ ਨੂੰ ਪਾਣੀ ਨਾਲ ਧੋ ਲਓ। ਭਾਂਡੇ ‘ਤੇ ਲੱਗੀ ਸਾਰੀ ਗੰਦਗੀ ਤੇ ਦਾਗ ਹਟ ਜਾਣਗੇ।
ਵੀਡੀਓ ਲਈ ਕਲਿੱਕ ਕਰੋ -:
