Govt decision open space sector: ਨਵੀਂ ਦਿੱਲੀ: ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਨੇ ਨਿੱਜੀ ਕੰਪਨੀਆਂ ਲਈ ਸਪੇਸ ਸੈਕਟਰ ਖੋਲ੍ਹ ਦਿੱਤਾ ਹੈ । ਇਸ ਮੌਕੇ ਇਸਰੋ ਚੀਫ ਕੇ.ਸੀਵਾਨ ਨੇ ਕਿਹਾ ਪੁਲਾੜ ਖੇਤਰ ਜਿੱਥੇ ਭਾਰਤ ਉੱਨਤ ਪੁਲਾੜ ਤਕਨਾਲੋਜੀ ਵਾਲੇ ਦੇਸ਼ਾਂ ਵਿੱਚੋਂ ਇੱਕ ਹੈ । ਇਹ ਭਾਰਤ ਦੇ ਉਦਯੋਗਿਕ ਆਧਾਰ ਵਿੱਚ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾ ਸਕਦਾ ਹੈ । ਸਰਕਾਰ ਨੇ ਨਿੱਜੀ ਉੱਦਮਾਂ ਲਈ ਪੁਲਾੜ ਖੇਤਰ ਖੋਲ੍ਹ ਕੇ ਇਸਰੋ ਲਈ ਸੁਧਾਰ ਉਪਾਵਾਂ ਨੂੰ ਲਾਗੂ ਕਰਨ ਦਾ ਫੈਸਲਾ ਲਿਆ ਹੈ । ਉਨ੍ਹਾਂ ਕਿਹਾ ਕਿ ਲੰਬੇ ਸਮੇਂ ਦੇ ਸਮਾਜਿਕ-ਆਰਥਿਕ ਸੁਧਾਰਾਂ ਦੇ ਹਿੱਸੇ ਵਜੋਂ ਪੁਲਾੜ ਸੁਧਾਰ ਭਾਰਤ ਦੇ ਵਿਕਾਸ ਲਈ ਪੁਲਾੜ-ਅਧਾਰਤ ਸੇਵਾਵਾਂ ਦੀ ਪਹੁੰਚ ਵਿੱਚ ਸੁਧਾਰ ਕਰਨਗੇ । ਲੰਬੇ ਸਮੇਂ ਦੇ ਸੁਧਾਰ ਭਾਰਤ ਨੂੰ ਕੁਝ ਦੇਸ਼ਾਂ ਦੀਆਂ ਪੁਲਾੜ ਗਤੀਵਿਧੀਆਂ ਲਈ ਕੁਸ਼ਲ ਪ੍ਰਚਾਰ ਅਤੇ ਅਧਿਕਾਰ ਪ੍ਰਣਾਲੀ ਵਿੱਚ ਸ਼ਾਮਿਲ ਕਰਨਗੇ ।
ਇਸ ਤੋਂ ਅੱਗੇ ਉਨ੍ਹਾਂ ਕਿਹਾ ਸਰਕਾਰ ਨੇ ਪੁਲਾੜ ਖੇਤਰ ਵਿੱਚ ਨਿੱਜੀ ਕੰਪਨੀਆਂ ਦੀਆਂ ਗਤੀਵਿਧੀਆਂ ਨੂੰ ਮਨਜ਼ੂਰੀ ਦੇਣ ਅਤੇ ਨਿਯਮਤ ਕਰਨ ਦੇ ਸਬੰਧ ਵਿੱਚ ਸੁਤੰਤਰ ਫੈਸਲਾ ਲੈਣ ਲਈ ਇੱਕ ਖੁਦਮੁਖਿਤਆਰੀ ਨੋਡਲ ਏਜੰਸੀ ਦੀ ਸਥਾਪਨਾ ਨੂੰ ਮਨਜ਼ੂਰੀ ਦਿੱਤੀ ਹੈ । ਜਿਸ ਦਾ ਨਾਂ ਹੈ ਭਾਰਤੀ ਰਾਸ਼ਟਰੀ ਪੁਲਾੜ, ਪ੍ਰਮੋਸ਼ਨ ਅਤੇ ਅਥਾਰਟੀ ਕੇਂਦਰ । ਇਹ ਪੁਲਾੜ ਕੋਸ਼ਿਸ਼ਾਂ ਵਿੱਚ ਨਿੱਜੀ ਖੇਤਰ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਰਾਸ਼ਟਰੀ ਨੋਡਲ ਏਜੰਸੀ ਦੇ ਰੂਪ ਵਿੱਚ ਕੰਮ ਕਰੇਗਾ ਅਤੇ ਇਸ ਲਈ ਇਸਰੋ ਆਪਣੀ ਤਕਨੀਕੀ ਮਾਹਰਤਾ ਦੇ ਨਾਲ-ਨਾਲ ਸਹੂਲਤਾਂ ਨੂੰ ਵੀ ਸਾਂਝਾ ਕਰੇਗਾ ।
ਕੇ. ਸੀਵਨ ਨੇ ਕਿਹਾ ਪੁਲਾੜ ਵਿਭਾਗ, ਰਾਕੇਟ ਅਤੇ ਸੈਟੇਲਾਈਟਾਂ ਦੇ ਨਿਰਮਾਣ ਅਤੇ ਪ੍ਰੀਖਣ ਦੇ ਨਾਲ-ਨਾਲ ਵਪਾਰਕ ਆਧਾਰ ‘ਤੇ ਸੇਵਾਵਾਂ ਪ੍ਰਦਾਨ ਕਰਨ ਸਮੇਤ ਪੁਲਾੜ ਸੇਵਾਵਾਂ ਨੂੰ ਪ੍ਰਦਾਨ ਕਰਨ ਵਿੱਚ ਸਮਰੱਥ ਕਰਨ ਲਈ ਖੇਤਰ ਦੀਆਂ ਪੁਲਾੜ ਗਤੀਵਿਧੀਆਂ ਨੂੰ ਉਤਸ਼ਾਹ ਦੇਵੇਗਾ । ਇਸਰੋ ਚੀਫ ਨੇ ਕਿਹਾ ਜੇਕਰ ਪੁਲਾੜ ਖੇਤਰ ਖੋਲ੍ਹਿਆ ਜਾਂਦਾ ਹੈ ਤਾਂ ਪੂਰੇ ਦੇਸ਼ ਦੀ ਸਮਰੱਥਾ ਦੀ ਵਰਤੋਂ ਪੁਲਾੜ ਤਕਨਾਲੋਜੀ ਤੋਂ ਲਾਭ ਪ੍ਰਾਪਤ ਕਰਨ ਲਈ ਕੀਤਾ ਜਾ ਸਕਦਾ ਹੈ । ਇਹ ਨਾ ਸਿਰਫ਼ ਖੇਤਰ ਦੇ ਤੁਰੰਤ ਵਿਕਾਸ ਵਿੱਚ ਨਤੀਜੇ ਦੇਵੇਗਾ ਸਗੋਂ ਭਾਰਤੀ ਉਦਯੋਗ ਨੂੰ ਗਲੋਬਲ ਅਰਥ ਵਿਵਸਥਾ ਵਿੱਚ ਮਹੱਤਵਪੂਰਨ ਖਿਡਾਰੀ ਬਣਾਉਣ ਵਿੱਚ ਸਮਰੱਥ ਕਰੇਗਾ । ਇਸ ਦੇ ਨਾਲ ਤਕਨਾਲੋਜੀ ਖੇਤਰ ਚ ਵੱਡੇ ਪੈਮਾਨੇ ‘ਤੇ ਰੋਜ਼ਗਾਰ ਅਤੇ ਭਾਰਤ ਦੇ ਇੱਕ ਗਲੋਬਲ ਤਕਨੀਕੀ ਪਾਵਰਹਾਊਸ ਬਣਨ ਦਾ ਮੌਕਾ ਹੈ ।
