protest against french president emmanuel macron: ਦੇਸ਼ ਭਰ ‘ਚ ਮੁਸਲਿਮ ਵਰਗ ਵਲੋਂ ਕੀਤੇ ਜਾ ਰਹੇ ਫ੍ਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਦੇ ਵਿਰੋਧ ਦੀ ਅੱਗ ਮੱਧ ਪ੍ਰਦੇਸ਼ ਵੀ ਪਹੁੰਚ ਗਈ ਹੈ।ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਸਥਿਤ ਇਕਬਾਲ ਮੈਦਾਨ ‘ਚ ਵਿਧਾਇਕ ਆਰਿਫ ਮਸੂਦ ਦੀ ਅਗਵਾਈ ‘ਚ ਫ੍ਰਾਂਸ ਦੇ ਰਾਸ਼ਟਰਪਤੀ ਦਾ ਵਿਰੋਧ ਕਰਨ ਲਈ ਸੈਂਕੜੇ ਲੋਕ ਇਕੱਠੇ ਹੋਏ ਸੀ।ਇਨ੍ਹਾਂ ਨੇ ਕੋਰੋਨਾ ਗਾਈਡਲਾਈਨਸ ਦਾ ਉਲੰਘਣ ਕਰਦਿਆਂ ਹੋਏ ਨਾਅਰੇਬਾਜ਼ੀ ਕੀਤੀ ਅਤੇ ਫ੍ਰਾਂਸ ਦੇ ਰਾਸ਼ਟਰਪਤੀ ਦਾ ਪੁਤਲਾ ਸਾੜ ਕੇ ਵਿਰੋਧ ਕੀਤਾ।ਇਸ ‘ਤੇ ਤਲੈਯਾ ਥਾਣਾ ‘ਚ ਵਿਧਾਇਕ ਮਸੂਦ ਸਮੇਤ ਕਰੀਬ 200 ਅਣਪਛਾਤੇ ਲੋਕਾਂ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ।ਪ੍ਰਦਰਸ਼ਨ ‘ਚ ਸ਼ਹਿਰ ਕਾਜੀ ਮੁਸ਼ਤਾਕ ਅਲੀ ਨਦਬੀ, ਮੁਸਤੀ-ਏ-ਸ਼ਹਰ ਅਬੁਲ ਕਲਾਮ ਕਾਸਮੀ ਵੀ ਸ਼ਾਮਿਲ ਸੀ।ਦੂਜੇ ਪਾਸੇ ਸ਼ੁੱਕਰਵਾਰ ਨੂੰ ਮੰਦਸੌਰ ਜ਼ਿਲਾ ਅਧਿਕਾਰੀ ‘ਤੇ ਮੁਸਲਿਮ ਵਰਗ ਨੇ ਸੰਕੇਤਕ ਵਿਰੋਧ
ਕੀਤਾ।ਮੰਦਰ ਰੋਡ ਸਥਿਤ ਗੁਦਰੀ ਗੇਟ ਦੇ ਬਾਹਰ ਸੜਕ ‘ਤੇ ਫ੍ਰਾਸੀਸੀ ਰਾਸ਼ਟਰਪਤੀ ਦਾ ਪੋਸਟਰ ਸੜਕ ‘ਤੇ ਵਿਛਾ ਦਿੱਤਾ।ਫੋਟੋ ‘ਚ ਰਾਸ਼ਟਰਪਤੀ ਦੇ ਮੂੰਹ ‘ਤੇ ਜੁੱਤੀਆਂ ਦਾ ਨਿਸ਼ਾਨ ਵੀ ਬਣਾਇਆ ਸੀ। ਜਾਣਕਾਰੀ ਮਿਲਣ ‘ਤੇ ਪੁਲਸ ਨੇ ਇਸ ਨੂੰ ਤੁਰੰਤ ਹਟਾਇਆ।ਸਾਬਕਾ ਮੁੱਖ ਮੰਤਰੀ ਅਤੇ ਭਾਜਪਾ ਦੀ ਫਾਇਰਬ੍ਰਾਂਡ ਨੇਤਾ ਉਮਾ ਭਾਰਤੀ ਨੇ ਵੀਰਵਾਰ ਨੂੰ ਭੋਪਾਲ ‘ਚ ਕਾਂਗਰਸ ਵਿਧਾਇਕ ਆਰਿਫ ਮਸੂਦ ਨੇ ਅਗਵਾਈ ‘ਚ ਹੋਏ ਪ੍ਰਦਰਸ਼ਨ ਨੂੰ ਰਾਸ਼ਟਰਧ੍ਰੋਹ ਕਰਾਰ ਦਿੱਤਾ ਹੈ।ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਟਵੀਟ ਕਰ ਕੇ ਇਹ ਕਿਹਾ ਕਿ ਮੱਧ ਪ੍ਰਦੇਸ਼ ਸ਼ਾਤੀ ਦਾ ਟਾਪੂ ਹੈ।ਸ਼ਾਂਤੀ ਭੰਗ ਕਰਨ ਵਾਲਿਆਂ ਵਿਰੁੱਧ ਸਖਤ ਕਾਰਵਾਈ ਕੀਤੀ ਜਾਏਗੀ।ਈਦ ਮਿਲਾਦਉਨਬੀ ‘ਤੇ ਟੀਕਮਗੜ ਜ਼ਿਲਾ ‘ਤੇ ਪੁਲਸ ਦੀ ਆਗਿਆ ਦੇ ਬਿਨਾਂ ਜਲੂਸ ਕੱਢਿਆ ਗਿਆ।ਇਸ ‘ਤੇ ਸਿਟੀ ਕੋਤਵਾਲੀ ਪੁਲਸ ਨੇ 40 ਲੋਕਾਂ ਵਿਰੁੱਧ ਨਾਮਜ਼ਦ ਅਤੇ 600 ਹੋਰਨਾਂ ਵਿਰੁੱਧ ਧਾਰਾ 188 ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ।ਇਸ ਤੋਂ ਇਲਾਵਾ ਦਿਗੌੜਾ ਥਾਣਾ ਪੁਲਸ ਨੇ 13 ਨਾਮਜ਼ਦ ਅਤੇ 85 ਹੋਰਾਂ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ।
