Toronto Raptors Superfan Nav Bhatia: NBA ਚੈਂਪੀਅਨ ਟੋਰਾਂਟੋ ਰੈਪਟਰਜ਼ ਅਤੇ ਕੈਨੇਡਾ ਦਾ ਮਸ਼ਹੂਰ ਇੰਡੋ-ਕੈਨੇਡੀਅਨ ਚਿਹਰਾ ਨਵ ਭਾਟੀਆ ਨੇ 50,000 ਡਾਲਰ ਦਾ ਗਲੋਬਲ ਇੰਡੀਅਨ ਅਵਾਰਡ ਨੂੰ ਸਵੀਕਾਰ ਕਰਨ ਤੋਂ ਬਾਅਦ ਠੁਕਰਾ ਦਿੱਤਾ । ਦਰਅਸਲ, ਕੈਨੇਡਾ-ਇੰਡੀਆ ਫਾਉਂਡੇਸ਼ਨ ਵੱਲੋਂ ਐਤਵਾਰ ਨੂੰ ਆਪਣੇ ਵਰਚੁਅਲ ਗਾਲਾ ਵਿਖੇ ਭਾਟੀਆ ਨੂੰ ਇਹ ਪੁਰਸਕਾਰ ਦਿੱਤਾ ਗਿਆ ਸੀ। ਇਸ ਪੁਰਸਕਾਰ ਨੂੰ ਸਵੀਕਾਰ ਕਰਦਿਆਂ ਭਾਟੀਆ ਨੇ ਆਪਣੇ ਪੂਰਵ-ਰਿਕਾਰਡ ਕੀਤੇ ਭਾਸ਼ਣ ਵਿੱਚ ਕਿਹਾ ਕਿ ਪਿਛਲੇ ਪੁਰਸਕਾਰ ਰਤਨ ਟਾਟਾ, ਦੀਪਕ ਚੋਪੜਾ, ਨਰਾਇਣਾ ਮੂਰਤੀ, ਅਤੇ ਮੋਂਟੇਕ ਸਿੰਘ ਆਹਲੂਵਾਲੀਆ ਦੀ ਕੰਪਨੀ ਵਿੱਚ ਸ਼ਾਮਿਲ ਹੋਣ ਲਈ ਉਨ੍ਹਾਂ ਨੂੰ ਬਹੁਤ ਮਾਣ ਮਿਲਿਆ ਸੀ ।
ਉਨ੍ਹਾਂ ਨੇ ਇਸ ਤੋਂ ਪਹਿਲਾਂ ਮਿਲੇ ਅਵਾਰਡ ਦੇ ਪੈਸੇ ਦਾਨ ਕੀਤੇ ਸਨ। ਇਸ ਵਾਰ ਭਾਟੀਆ ਨੇ ਵੀ ਇਸ ਨੂੰ ਆਪਣੀ ‘ਡੌਟਰਸ ਆਫ਼ ਇੰਡੀਆ ਇਨੀਸ਼ੀਏਟਿਵ’ ਨਾਲ ਪੰਜਾਬ ਅਤੇ ਰਾਜਸਥਾਨ ਵਿੱਚ ਪੇਂਡੂ ਲੜਕੀਆਂ ਲਈ ਸਕੂਲ ਦੇ ਵਾਸ਼ਰੂਮ ਬਣਾਉਣ ਦਾ ਵਾਅਦਾ ਕੀਤਾ ਸੀ । ਪਰ ਇੱਕ ਦਿਨ ਬਾਅਦ ਭਾਟੀਆ ਨੇ ਭਾਰਤ ਵਿੱਚ ਜਾਰੀ ਕਿਸਾਨ ਅੰਦੋਲਨ ਦੇ ਸਮਰਥਨ ਵਿੱਚ ਪੁਰਸਕਾਰ ਨੂੰ ਸਵੀਕਾਰ ਕਰਨ ਤੋਂ ਇਨਕਾਰ ਕਰ ਦਿੱਤਾ ।
ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਮੈਂ ਇਮਾਨਦਾਰੀ ਨਾਲ ਕਹਿੰਦਾ ਹਾਂ ਕਿ ਮੈਂ ਰਾਜਨੀਤੀ ਤੋਂ ਦੂਰ ਰਹਿੰਦਾ ਹਾਂ । ਪਰ ਮੈਂ ਇੱਕ ਮਾਣਮੱਤਾ ਸਿੱਖ ਹਾਂ ਅਤੇ ਇਹ ਸਭ ਤੋਂ ਪਹਿਲਾਂ ਅਤੇ ਸਭ ਤੋਂ ਜ਼ਰੂਰੀ ਹੈ। ਨਤੀਜੇ ਵਜੋਂ, ਮੇਰਾ ਦਿਲ ਇਸ ਸਮੇਂ ਇਸ ਪੁਰਸਕਾਰ ਨੂੰ ਸਵੀਕਾਰ ਨਹੀਂ ਕਰ ਸਕਦਾ । ਉਨ੍ਹਾਂ ਕਿਹਾ ਕਿ ਮੈਂ ਭਾਰਤ ਦੇ ਸਾਰੇ ਕਿਸਾਨਾਂ ਦੇ ਨਾਲ ਖੜ੍ਹਾ ਹਾਂ। ਮੈਂ ਇੱਕ ਸੁਰੱਖਿਅਤ ਅਤੇ ਸ਼ਾਂਤੀਪੂਰਵਕ ਸੰਕਲਪ ਲਈ ਦੁਆ ਕਰਦਾ ਹਾਂ।
ਦੱਸ ਦੇਈਏ ਕਿ ਕੈਨੇਡਾ-ਇੰਡੀਆ ਫਾਉਂਡੇਸ਼ਨ ਟੋਰਾਂਟੋ ਸਥਿਤ ਇੱਕ ਇੰਡੋ-ਕੈਨੇਡੀਅਨ ਐਡਵੋਕੇਸੀ ਸਮੂਹ ਹੈ, ਜੋ ਸਾਲ 2009 ਤੋਂ ਹਰ ਸਾਲ ਇੱਕ ਸ਼ਾਨਦਾਰ ਭਾਰਤੀ ਚਿਹਰੇ ਨੂੰ ਆਪਣੇ ਗਲੋਬਲ ਇੰਡੀਅਨ ਅਵਾਰਡ ਨਾਲ ਸਨਮਾਨਿਤ ਕਰਦਾ ਹੈ।
ਇਹ ਵੀ ਦੇਖੋ: ਲੱਖੇ ਸਿਧਾਣੇ ਦਾ ਪਿਆ ਸਟੇਜ ਸੈਕਟਰੀ ਨਾਲ ਪੇਚਾ, ਹੇਠਾਂ ਉਤਰਿਆ ਤਾਂ ਪੈ ਗਿਆ ਘੇਰਾ,ਦੇਖੋ LIVE
