IND Vs AUS 3rd Test : ਬਾਰਡਰ-ਗਾਵਸਕਰ ਲੜੀ ਦੇ ਦੋ ਮੈਚ ਟੀਮ ਇੰਡੀਆ ਅਤੇ ਆਸਟ੍ਰੇਲੀਆ ਵਿਚਕਾਰ ਖੇਡੇ ਜਾ ਚੁੱਕੇ ਹਨ। ਦੋਵਾਂ ਟੀਮਾਂ ਵਿਚਾਲੇ ਤੀਜਾ ਮੈਚ ਸਿਡਨੀ ਕ੍ਰਿਕਟ ਮੈਦਾਨ ਵਿੱਚ 7 ਜਨਵਰੀ ਤੋਂ ਖੇਡਿਆ ਜਾਵੇਗਾ। ਪਰ ਟੀਮ ਇੰਡੀਆ ਅਤੇ ਆਸਟ੍ਰੇਲੀਆ ਦੇ ਖਿਡਾਰੀ ਕੁੱਝ ਦਿਨ ਮੈਲਬੌਰਨ ਵਿੱਚ ਰਹਿਣਗੇ। ਕ੍ਰਿਕਟ ਆਸਟ੍ਰੇਲੀਆ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਤੀਜਾ ਟੈਸਟ ਮੈਚ ਸ਼ਡਿਉਲ ਅਨੁਸਾਰ ਸਿਡਨੀ ਵਿੱਚ ਖੇਡਿਆ ਜਾਵੇਗਾ। ਪਹਿਲਾਂ ਇਹ ਸੰਭਾਵਨਾ ਸੀ ਕਿ ਕੋਵਿਡ -19 ਦੇ ਵੱਧ ਰਹੇ ਕੇਸਾਂ ਦੇ ਕਾਰਨ, ਤੀਸਰਾ ਟੈਸਟ ਮੈਚ ਸਿਡਨੀ ਵਿੱਚ ਨਹੀਂ, ਬਲਕਿ ਮੈਲਬਰਨ ਵਿੱਚ ਆਯੋਜਿਤ ਕੀਤਾ ਜਾ ਸਕਦਾ ਹੈ। ਸੀਰੀਜ਼ ਦਾ ਦੂਜਾ ਟੈਸਟ ਮੈਲਬੌਰਨ ਕ੍ਰਿਕਟ ਮੈਦਾਨ ਵਿੱਚ ਖੇਡਿਆ ਗਿਆ ਜਿਸ ਵਿੱਚ ਭਾਰਤ ਨੇ ਜਿੱਤ ਹਾਸਿਲ ਕੀਤੀ ਹੈ। ਇਸ ਦੌਰਾਨ ਮੈਲਬੌਰਨ ਕ੍ਰਿਕਟ ਗਰਾਉਂਡ ਦੇ ਪਿਚ ਕਿਉਰੇਟਰ ਨੇ ਵੀ ਤੀਜੇ ਟੈਸਟ ਮੈਚ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਹਾਕਲੇ ਨੇ ਕਿਹਾ, “ਬੀਤੀ ਰਾਤ ਐਲਾਨ ਕੀਤਾ ਗਿਆ ਸੀ ਕਿ ਅਸੀਂ ਸਿਡਨੀ ਜਾ ਰਹੇ ਹਾਂ। ਅਸੀਂ ਆਪਣੀ ਰਣਨੀਤੀ ਨੂੰ ਸੁਰੱਖਿਅਤ ਢੰਗ ਨਾਲ ਲਾਗੂ ਕਰ ਰਹੇ ਹਾਂ। ਖਿਡਾਰੀ ਕੁੱਝ ਹੋਰ ਦਿਨਾਂ ਲਈ ਮੈਲਬੌਰਨ ਵਿੱਚ ਰੁਕਣਗੇ ਅਤੇ ਉਸ ਤੋਂ ਬਾਅਦ ਟੈਸਟ ਮੈਚ ਤੋਂ ਕੁੱਝ ਦਿਨ ਪਹਿਲਾਂ ਸਿਡਨੀ ਜਾਣਗੇ।”
ਨਿਊ ਸਾਊਥ ਵੇਲਜ਼ ਦੀ ਪ੍ਰੀਮੀਅਰ ਗਲੇਡੀ ਬੇਰੇਜਿਕਲਿਅਨ ਨੇ ਬੁੱਧਵਾਰ ਨੂੰ ਕਿਹਾ ਕਿ ਰਾਜ ਸਰਕਾਰ ਐਸਸੀਜੀ ਵਿੱਚ 50 ਫੀਸਦੀ ਦਰਸ਼ਕਾਂ ਨੂੰ ਆਗਿਆ ਦੇ ਸਕਦੀ ਹੈ। ਉਨ੍ਹਾਂ ਕਿਹਾ, “ਮੈਨੂੰ ਲਗਦਾ ਹੈ ਕਿ ਐਨਐਸਡਬਲਯੂ ਦੇ ਪ੍ਰੀਮੀਅਰ ਦੀ ਟਿੱਪਣੀ ਹੀ ਅਧਾਰ ਹੈ। ਅਸੀਂ ਆਉਣ ਵਾਲੇ ਦਿਨਾਂ ਵਿੱਚ ਐਨਐਸਡਬਲਯੂ ਅਤੇ ਐਸਸੀਜੀ ਨਾਲ ਨੇੜਿਓਂ ਕੰਮ ਕਰਾਂਗੇ। ਅੰਤ ਵਿੱਚ ਅਸੀਂ ਸਰਕਾਰ ਨਾਲ ਸਲਾਹ ਕਰਾਂਗੇ ਕਿ ਸਾਨੂੰ ਸੁਰੱਖਿਆ ਕਿਵੇਂ ਮਿਲ ਸਕਦੀ ਹੈ।” ਹਾਕਲੇ ਨੇ ਕਿਹਾ, “ਅਸੀਂ ਚਾਹੁੰਦੇ ਹਾਂ ਕਿ ਨਵੇਂ ਸਾਲ ਵਿੱਚ ਵੱਧ ਤੋਂ ਵੱਧ ਲੋਕ ਟੈਸਟ ਦਾ ਆਨੰਦ ਲੈਣ। ਇਸ ਲਈ ਸੁਰੱਖਿਆ ਸਾਡਾ ਟੀਚਾ ਹੈ। 50 ਪ੍ਰਤੀਸ਼ਤ ਮੁੱਢਲੀ ਚੀਜ ਹੈ। ਜੇ ਅਸੀਂ ਵਧੇਰੇ ਲੋਕਾਂ ਨੂੰ ਲਿਆ ਸਕਦੇ ਹਾਂ, ਤਾਂ ਅਸੀਂ ਇਸ ਉੱਤੇ ਕੰਮ ਕਰਾਂਗੇ, ਪਰ ਸੁਰੱਖਿਆ ਨੂੰ ਪਹਿਲ ਹੈ।”
ਇਹ ਵੀ ਦੇਖੋ : ਮੇਰਾ ਭਰਾ ਅੱਤਵਾਦੀ ਨਹੀਂ ਸੱਤਵਾਦੀ ਸੀ’-ਸੰਤਾਂ ਦੇ ਵੱਡੇ ਭਾਈ ਸਾਹਿਬ ਦੇ ਸੁਣੋ ਖੁਲਾਸੇ !
