delhi police acts against hotels: ਰਾਸ਼ਟਰੀ ਰਾਜਧਾਨੀ ਦਿੱਲੀ ‘ਚ ਕੋਰੋਨਾ ਸੰਕਰਮਣ ਇੱਕ ਵਾਰ ਫਿਰ ਤੇਜ ਰਫਤਾਰ ਦੇ ਨਾਲ ਵੱਧ ਰਹੀ ਹੈ।ਇੱਕ ਪਾਸੇ ਜਿੱਥੇ ਕੇਜਰੀਵਾਲ ਸਰਕਾਰ ਨੇ ਫਿਲਹਾਲ ਕਿਸੇ ਤਰ੍ਹਾਂ ਦੀ ਰੋਕ ਦੇ ਸੰਕੇਤ ਤਾਂ ਨਹੀਂ ਦਿੱਤੇ ਪਰ ਦਿੱਲੀ ਪੁਲਿਸ ਪੂਰੀ ਤਰ੍ਹਾਂ ਨਾਲ ਐਕਸ਼ਨ ‘ਚ ਆ ਗਈ ਹੈ।ਦਿੱਲੀ ਪੁਲਿਸ ਵਲੋਂ ਵੱਖ-ਵੱਖ ਜ਼ਿਲਿਆਂ ‘ਚ ਲਗਾਤਾਰ ਹੋਟਲ ਅਤੇ ਰੈਸਟੋਰੈਂਟ ਦੀ ਜਾਂਚ ਕਰ ਕੇ ਕੋਰੋਨਾ ਦੇ ਨਿਯਮਾਂ ਦੇ ਉਲੰਘਣ ਕਰਨ ਵਾਲਿਆਂ ਦੇ ਵਿਰੁੱਧ ਕਾਰਵਾਈ ਕੀਤੀ ਜਾ ਰਹੀ ਹੈ।
ਇਸੇ ਕਾਰਵਾਈ ‘ਚ ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਦੀ ਰਾਤ ਨਵੀਂ ਦਿੱਲੀ ਜ਼ਿਲਾ ‘ਚ ਵੱਡੀ ਗਿਣਤੀ ‘ਚ ਪੁਲਿਸ ਨੇ ਹੋਟਲ ਅਤੇ ਰੈਸਟੋਰੈਂਟ ਦੀ ਚੈਕਿੰਗ ਕੀਤੀ ਅਤੇ ਕਨਾਟ ਪਲੇਸ, ਬਾਰਾਖੰਬਾ ਰੋਡ ਅਤੇ ਖਾਨ ਮਾਰਕੀਟ ਵਰਗੇ ਪਾਸ਼ ਇਲਾਕਿਆਂ ਦੇ 5 ਵੱਖ ਵੱਖ ਰੈਸਟੋਰੈਂਟ ਦੇ ਵਿਰੁੱਧ ਮਹਾਮਾਰੀ ਅਧਿਨਿਯਮ ਦੇ ਤਹਿਤ ਮੁਕੱਦਮਾ ਦਰਜ ਕੀਤਾ।ਇੰਨਾ ਹੀ ਨਹੀਂ ਪੁਲਿਸ ਨੇ ਚਾਣਕਯਪੁਰੀ ਦੇ ਹੋਟਲ ਅਸ਼ੋਕਾ ਅਤੇ ਖਾਨ ਮਾਰਕੀਟ ‘ਚ 12 ਲੋਕਾਂ ਦੇ ਮਾਸਕ ਨਾ ਪਹਿਨਣ ‘ਤੇ ਚਾਲਾਨ ਵੀ ਕੱਟੇ।ਇੱਧਰ, ਦਿੱਲੀ ਦੀ ਸਾਊਥ ਈਸਟ ਡਿਸਿਟ੍ਰਕਟ ‘ਚ ਵੀ ਨਿਯਮਾਂ ਦਾ ਉਲੰਘਣ ਕਰਨ ਵਾਲਿਆਂ ਵਿਰੁੱਧ ਪੁਲਿਸ ਨੇ ਵੱਡੀ ਗਿਣਤੀ ‘ਚ ਚਾਲਾਨ ਕੱਟੇ ਹਨ।ਦਿੱਲੀ ਦੀ ਸਾਊਥ ਦੀ ਡਿਸਿਟ੍ਰਕਟ ‘ਚ ਵੀ ਪੁਲਿਸ ਨੇ ਵੱਖ-ਵੱਖ ਰੈਸਟੋਰੈਂਟ ਅਤੇ ਹੋਟਲਸ ਦੀ ਚੈਕਿੰਗ ਕੀਤੀ ਅਤੇ ਇਸ ਦੌਰਾਨ 10 ਮੁਕੱਦਮੇ ਦਰਜ ਕੀਤੇ ਗਏ।
ਇੰਨਾ ਹੀ ਨਹੀਂ 29 ਲੋਕਾਂ ਨੂੰ ਮਾਸਕ ਨਾ ਪਾਉਣ ਅਤੇ 330 ਲੋਕਾਂ ਨੂੰ ਸੋਸ਼ਲ ਡਿਸਟੈਸਿੰਗ ਦਾ ਪਾਲਨ ਨਾ ਕਰਨ ਦੇ ਚੱਲਦਿਆਂ ਚਾਲਾਨ ਕੀਤੇ ਗਏ।ਪੁਲਿਸ ਮੁਤਾਬਕ ਇਸ ਦੌਰਾਨ ਅੋਖਲਾ ਮੰਡੀ ਦੀ ਵੀ ਰੈਂਡਮ ਚੈਕਿੰਗ ਕੀਤੀ ਗਈ ਅਤੇ ਉੱਥੇ 20 ਲੋਕਾਂ ਦੇ ਚਾਲਾਨ ਕੱਟੇ ਗਏ।ਮਹੱਤਵਪੂਰਨ ਹੈ ਕਿ ਦੇਸ਼ ‘ਚ ਕੋਰੋਨਾ ਸੰਕਰਮਣ ਦੀ ਲਹਿਰ ਇੱਕ ਵਾਰ ਫਿਰ ਦੇਖੀ ਜਾ ਰਹੀ ਹੈ।ਲਗਾਤਾਰ ਕੋਰੋਨਾ ਦੇ ਮਾਮਲੇ ਜਿਸ ਤੇਜੀ ਨਾਲ ਵੱਧ ਰਹੇ ਹਨ ਉਹ ਬੇਹੱਦ ਚਿੰਤਾਜਨਕ ਹਨ।ਅਜਿਹੇ ‘ਚ ਲੋੜ ਹੈ ਕਿ ਲੋਕ ਖੁਦ ਇਸ ਗੱਲ ਨੂੰ ਸਮਝਣ ਇਸ ਬਿਮਾਰੀ ਤੋਂ ਬਚਾਅ ਲਈ ਮਾਸਕ ਪਾਉਣ ਅਤੇ ਲਗਾਤਾਰ ਹੱਥ ਧੋਣ ਅਤੇ ਸੋਸ਼ਲ ਡਿਸਟੈਸਿੰਗ ਮੇਂਟੇਨ ਰੱਖ ਕੇ ਹੀ ਕੀਤਾ ਜਾ ਸਕਦਾ ਹੈ।
