ਬੀਜਿੰਗ Winter Olympics ਸ਼ੁਰੂ ਹੋਣ ਤੋਂ ਦੋ ਹਫ਼ਤੇ ਪਹਿਲਾਂ ਚੀਨ ਨੇ ਓਮੀਕ੍ਰੋਨ ਵੇਰੀਐਂਟ ਨੂੰ ਲੈ ਕੇ ਸਖ਼ਤੀ ਕਰਨੀ ਸ਼ੁਰੂ ਕਰ ਦਿੱਤੀ ਹੈ । ਇੱਥੇ ਹੁਣ ਇੱਕ ਵਾਰ ਫਿਰ ਐਨਲ ਸਵੈਬ ਯਾਨੀ ਗੁਦਾ ਤੋਂ ਸੈਂਪਲ ਲੈਣ ਦਾ ਵਿਵਾਦਤ ਨਿਯਮ ਲਾਗੂ ਕਰ ਦਿੱਤਾ ਗਿਆ ਹੈ । ਚੀਨੀ ਅਖਬਾਰ ਮੁਤਾਬਕ ਬੀਜਿੰਗ ਦੇ ਇੱਕ ਅਪਾਰਟਮੈਂਟ ਵਿੱਚ ਗੁਦਾ ਤੋਂ ਘੱਟੋ-ਘੱਟ 27 ਲੋਕਾਂ ਦੇ ਸੈਂਪਲ ਲਏ ਗਏ । ਇਨ੍ਹਾਂ ਵਿੱਚ ਇੱਕ 26 ਸਾਲਾਂ ਔਰਤ ਵੀ ਸ਼ਾਮਿਲ ਸੀ।
ਗੁਦਾ ਦੀ ਜਾਂਚ ਦੇ ਤਹਿਤ ਇੱਕ ਟੈਸਟਿੰਗ ਕਿੱਟ ਗੁਦਾ ਵਿੱਚ ਦੋ ਇੰਚ (5 ਸੈਂਟੀਮੀਟਰ) ਤੱਕ ਪਾਈ ਜਾਂਦੀ ਹੈ ਅਤੇ ਇਸਨੂੰ ਕਈ ਵਾਰ ਘੁਮਾਇਆ ਜਾਂਦਾ ਹੈ । ਲੈਬ ਵਿੱਚ ਜਾਂਚ ਕਰਨ ਤੋਂ ਪਹਿਲਾਂ ਸਵਾਬ ਨੂੰ ਹਟਾ ਦਿੱਤਾ ਜਾਂਦਾ ਹੈ । ਚੀਨੀ ਡਾਕਟਰਾਂ ਦਾ ਮੰਨਣਾ ਹੈ ਕਿ ਇਸ ਤਰੀਕੇ ਨਾਲ ਕੋਰੋਨਾ ਦੀ ਜਾਂਚ ਜ਼ਿਆਦਾ ਸਹੀ ਹੁੰਦੀ ਹੈ।
ਇਹ ਵੀ ਪੜ੍ਹੋ: ਓਮੀਕ੍ਰੋਨ ਦੀ ਲਪੇਟ ‘ਚ ਆਏ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ, ਕੁਝ ਦਿਨ ਰਹਿਣਗੇ ICU ‘ਚ
ਚੀਨ ਦੇ ਸਿਹਤ ਮਾਹਿਰਾਂ ਦਾ ਮੰਨਣਾ ਹੈ ਕਿ ਕੁਝ ਲੱਛਣ ਰਹਿਤ ਕੋਰੋਨਾ ਮਰੀਜ਼ ਜਲਦੀ ਠੀਕ ਹੋ ਜਾਂਦੇ ਹਨ । ਉਨ੍ਹਾਂ ਦੇ ਗਲੇ ਜਾਂ ਨੱਕ ਵਿੱਚ 3 ਤੋਂ 5 ਦਿਨਾਂ ਬਾਅਦ ਵਾਇਰਸ ਨਹੀਂ ਪਾਇਆ ਜਾਂਦਾ, ਪਰ ਇਹ ਵਾਇਰਸ ਉਨ੍ਹਾਂ ਦੇ ਸਰੀਰ ਵਿੱਚ ਮੌਜੂਦ ਰਹਿੰਦਾ ਹੈ । ਇਸ ਲਈ ਗੁਦਾ ਤੋਂ ਲਏ ਗਏ ਸੈਂਪਲਾਂ ਦੀ ਜਾਂਚ ਕਰਕੇ ਕੋਰੋਨਾ ਵਾਇਰਸ ਦੀ ਆਸਾਨੀ ਨਾਲ ਪਛਾਣ ਕੀਤੀ ਜਾ ਸਕਦੀ ਹੈ । ਐਨਲ ਸਵੈਬ ਨਾਲ ਕੋਰੋਨਾ ਵਾਇਰਸ ਦੀ ਮੌਜੂਦਗੀ ਵਧੇਰੇ ਸਹੀ ਹੁੰਦੀ ਹੈ। ਇਹ ਵਿਧੀ ਗਲੇ ਜਾਂ ਨੱਕ ਦੀ ਸਵੈਬ ਟੈਸਟਿੰਗ ਨਾਲੋਂ ਵਧੇਰੇ ਸੰਵੇਦਨਸ਼ੀਲ ਹੈ।
ਦੱਸ ਦੇਈਏ ਕਿ ਕੋਰੋਨਾ ਦੀ ਦਹਿਸ਼ਤ ਦੇ ਵਿਚਕਾਰ ਹੁਣ ਸਿਰਫ ਚੋਣਵੇਂ ਦਰਸ਼ਕਾਂ ਨੂੰ ਸਟੇਡੀਅਮ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ, ਕਿਉਂਕਿ ਦੇਸ਼ ਵਿੱਚ ਕੋਰੋਨਾ ਦੇ ਮਾਮਲਿਆਂ ਦੀ ਗਿਣਤੀ ਮਾਰਚ 2020 ਤੋਂ ਬਾਅਦ ਸਭ ਤੋਂ ਉੱਚੇ ਪੱਧਰ ‘ਤੇ ਪਹੁੰਚ ਗਈ ਹੈ । ਇਸ ਹਫਤੇ ਦੇ ਸ਼ੁਰੂ ਵਿੱਚ ਚੀਨ ਨੇ ਆਮ ਦਰਸ਼ਕਾਂ ਲਈ ਓਲੰਪਿਕ ਲਈ ਟਿਕਟਾਂ ਦੀ ਵਿਕਰੀ ਨੂੰ ਰੱਦ ਕਰ ਦਿੱਤਾ ਸੀ । ਓਲੰਪਿਕ ਮਸ਼ਾਲ ਰਿਲੇਅ ਨੂੰ ਵੀ ਆਮ ਲੋਕਾਂ ਤੋਂ ਦੂਰ ਰੱਖਿਆ ਗਿਆ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਰਾਜਪਾਲ ਨੂੰ ਮਿਲੇ ਰਾਘਵ ਚੱਢਾ, ਕਿਹਾ- “CM ਚੰਨੀ ‘ਤੇ FIR ਤੇ ਨਿਰਪੱਖ ਜਾਂਚ ਹੋਵੇ”
ਗੌਰਤਲਬ ਹੈ ਕਿ ਚੀਨ ਵਿੱਚ ‘ਜ਼ੀਰੋ ਕੋਰੋਨਾ ਪਾਲਿਸੀ’ ਲਾਗੂ ਹੈ ਯਾਨੀ ਕੋਰੋਨਾ ਦਾ ਇੱਕ ਮਰੀਜ਼ ਮਿਲਣ ‘ਤੇ ਵੀ ਸਖਤ ਲਾਕਡਾਊਨ ਲਗਾਉਣ ਦੀ ਵਿਵਸਥਾ ਹੈ । ਇਸ ਦੌਰਾਨ ਲੋਕਾਂ ਨੂੰ ਘਰਾਂ ਵਿੱਚ ਕੈਦ ਰਹਿਣਾ ਪੈਂਦਾ ਹੈ। ਹੁਣ ਓਲੰਪਿਕ ਦੌਰਾਨ ਚੀਨ ਦੀ ਸਾਖ ਕਿਸੇ ਵੀ ਤਰ੍ਹਾਂ ਦੀ ਲਾਪਰਵਾਹੀ ਨਾਲ ਘੱਟ ਨਾ ਹੋਵੇ, ਇਸ ਲਈ ਗੁਦਾ ਸਵੈਬ ਦਾ ਨਿਯਮ ਲਾਗੂ ਕੀਤਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਕੀ ਭਗਵੰਤ ਮਾਨ AAP ਦੀ ਬੇੜੀ ਲਾ ਸਕਣਗੇ ਪਾਰ ? ਭਗਵੰਤ ਮਾਨ ‘ਤੇ ਆਪ ਨੇ ਕਿਉਂ ਖੇਡਿਆ ਦਾਅ ? ਕੀ ਹੋਵੇਗਾ ਆਮ ਆਦਮੀ ਪਾਰਟੀ ਨੂੰ ਫਾਇਦਾ ? “
