pawandeep arunita legal trouble: ਸਿੰਗਿੰਗ ਰਿਐਲਿਟੀ ਸ਼ੋਅ ‘ਇੰਡੀਅਨ ਆਈਡਲ 12’ ਦੇ ਜੇਤੂ ਪਵਨਦੀਪ ਰਾਜਨ ‘ਤੇ ਪਹਿਲੀ ਰਨਰ ਅੱਪ ਅਰੁਣਿਤਾ ਕਾਂਜੀਲਾਲ ਕਾਨੂੰਨੀ ਮੁਸੀਬਤ ‘ਚ ਫਸਦੇ ਨਜ਼ਰ ਆ ਰਹੇ ਹਨ। ਦੱਸਿਆ ਗਿਆ ਹੈ ਕਿ ਅਰੁਣਿਤਾ-ਪਵਨਦੀਪ ਨੇ ਔਕਟੋਪਸ ਐਂਟਰਟੇਨਮੈਂਟ ਕੰਪਨੀ ਨਾਲ ਮਿਊਜ਼ਿਕ ਐਲਬਮ ਦੀ ਸ਼ੂਟਿੰਗ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਕੰਪਨੀ ਨੇ ਅਦਾਲਤ ਦਾ ਸਹਾਰਾ ਲਿਆ ਹੈ।
ਇੱਕ ਰਿਪੋਰਟ ਦੇ ਅਨੁਸਾਰ, ਪਵਨਦੀਪ ਅਤੇ ਅਰੁਣਿਤਾ ਦੁਆਰਾ ਪ੍ਰਾਪਤ ਕਾਨੂੰਨੀ ਨੋਟਿਸ ਵਿੱਚ ਕਿਹਾ ਗਿਆ ਹੈ ਕਿ ਇੰਡੀਅਨ ਮੋਸ਼ਨ ਪਿਕਚਰ ਪ੍ਰੋਡਿਊਸਰਜ਼ ਐਸੋਸੀਏਸ਼ਨ ਨੂੰ ਔਕਟੋਪਸ ਐਂਟਰਟੇਨਮੈਂਟ ਪ੍ਰਾਈਵੇਟ ਲਿਮਟਿਡ ਦੁਆਰਾ ਸੰਪਰਕ ਕੀਤਾ ਗਿਆ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਦੱਸਿਆ ਕਿ ਸੋਨੀ ਪਿਕਚਰਜ਼ ਨੈੱਟਵਰਕਸ ਇੰਡੀਆ ਪ੍ਰਾਈਵੇਟ ਲਿਮਟਿਡ ਨੇ ਪਵਨਦੀਪ ਅਤੇ ਅਰੁਣਿਤਾ ਦੀ ਸਰਵਿਸ ਦੇਣ ਲਈ ਇੱਕ ਸਮਝੌਤਾ ਕੀਤਾ ਸੀ। ਔਕਟੋਪਸ ਕੰਪਨੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ‘ਇੰਡੀਅਨ ਆਈਡਲ 12’ ਦੇ ਵਿਜੇਤਾ ਨੂੰ 20 ਰੋਮਾਂਟਿਕ ਗੀਤਾਂ ਲਈ ਸਾਈਨ ਕੀਤਾ ਹੈ। ਪਵਨਦੀਪ ਅਤੇ ਅਰੁਣਿਤਾ ਲਈ ਆਕਟੋਪਸ ਐਂਟਰਟੇਨਮੈਂਟ ਦੇ ਸੋਨੀ ਪਿਕਚਰਜ਼ ਨਾਲ ਹੋਏ ਸਮਝੌਤੇ ਦੇ ਅਨੁਸਾਰ, ਸੋਨੀ ਨੇ ਦੋਵਾਂ ਅਦਾਕਾਰਾਂ ਦੀਆਂ ਸੇਵਾਵਾਂ ਪ੍ਰਦਾਨ ਕਰਨ ਲਈ ਸਹਿਮਤੀ ਦਿੱਤੀ ਹੈ। ਪਰ ਇਹ ਕੰਮੀਟਮੈਂਟ ਇੰਡੀਅਨ ਆਈਡਲ ਦੇ ਜੇਤੂ ਬਣਨ ਤੋਂ ਪਹਿਲਾਂ ਦਿੱਤੀ ਗਈ ਸੀ।
ਕੰਪਨੀ ਨੇ ਕਾਫੀ ਪੈਸਾ ਖਰਚ ਕੇ ਪ੍ਰੈੱਸ ਕਾਨਫਰੰਸ ‘ਚ ਐਲਬਮ ਨੂੰ ਲਾਂਚ ਕਰਨ ਦਾ ਐਲਾਨ ਕੀਤਾ ਸੀ ਪਰ ਹੁਣ ਕਿਹਾ ਜਾ ਰਿਹਾ ਹੈ ਕਿ ਗੀਤ ਦੀ ਸ਼ੂਟਿੰਗ ਤੋਂ ਬਾਅਦ ਕਲਾਕਾਰਾਂ ਨੇ ਨਿਰਮਾਤਾ ਨਾਲ ਸਹਿਯੋਗ ਨਹੀਂ ਕੀਤਾ। ਰਿਪੋਰਟ ਮੁਤਾਬਕ, ਪਹਿਲਾਂ ਅਰੁਣਿਤਾ ਅਤੇ ਫਿਰ ਪਵਨਦੀਪ ਨੇ ਸੋਨੀ ਦੀ ਕੰਮੀਟਮੈਂਟ ਦੇ ਬਾਵਜੂਦ ਸ਼ੂਟਿੰਗ ਵਿੱਚ ਨਿਰਮਾਤਾਵਾਂ ਨਾਲ ਸਹਿਯੋਗ ਕਰਨਾ ਬੰਦ ਕਰ ਦਿੱਤਾ ਅਤੇ ਫਿਰ ਗੀਤ ਦੇ ਰਿਲੀਜ਼ ਅਤੇ ਪ੍ਰਮੋਸ਼ਨ ਤੋਂ ਇਨਕਾਰ ਕਰ ਦਿੱਤਾ। ਸੋਨੀ ਨੂੰ ਸੂਚਿਤ ਕਰਨ ‘ਤੇ ਵੀ ਉਨ੍ਹਾਂ ਨੇ ਕੋਈ ਕਾਰਵਾਈ ਨਹੀਂ ਕੀਤੀ, ਸਗੋਂ ਕਲਾਕਾਰਾਂ ਦਾ ਸਮਰਥਨ ਕੀਤਾ। ਇਸ ਦੇ ਨਾਲ ਹੀ ਜਦੋਂ IMPPA ਨੇ ਸੋਨੀ ਤੋਂ ਜਵਾਬ ਮੰਗਿਆ ਤਾਂ ਉਨ੍ਹਾਂ ਨੇ ਅਜਿਹਾ ਕਰਨ ਤੋਂ ਇਹ ਕਹਿ ਕੇ ਇਨਕਾਰ ਕਰ ਦਿੱਤਾ ਕਿ ਇਹ ਖਾਸ ਸੋਨੀ ਕੰਪਨੀ IMPPA ਦੀ ਮੈਂਬਰ ਨਹੀਂ ਹੈ।
