Aircraft Threat From Locust: ਪਾਕਿਸਤਾਨ ਤੋਂ ਦੇਸ਼ ਵਿੱਚ ਘੁੱਸ ਕੇ ਹਰਿਆਲੀ ‘ਤੇ ਕਹਿਰ ਵਰ੍ਹਾ ਕੇ ਟਿੱਡੀ ਦਲ ਨਾਲ ਹੁਣ ਜਹਾਜ਼ਾਂ ਲਈ ਵੀ ਮੁਸੀਬਤ ਖੜ੍ਹੀ ਕਰ ਦਿੱਤੀ ਹੈ । ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸ਼ਹਿਰੀ ਹਵਾਬਾਜ਼ੀ ਦੇ ਡਾਇਰੈਕਟੋਰੇਟ ਜਨਰਲ (DGCA) ਨੇ ਸ਼ੁੱਕਰਵਾਰ ਨੂੰ ਪਾਇਲਟਾਂ ਅਤੇ ਹਵਾਈ ਆਵਾਜਾਈ ਕੰਟਰੋਲਰਾਂ ਆਦਿ ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ । ਜਿਸ ਵਿੱਚ ਡੀਜੀਸੀਏ ਨੇ ਪਾਇਲਟਾਂ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਉਹ ਉਡਾਣ ਭਰਨ ਅਤੇ ਲੈਂਡਿੰਗ ਕਰਨ ਸਮੇਂ ਵਧੇਰੇ ਸਾਵਧਾਨੀ ਵਰਤਣ । ਇਸਦੇ ਨਾਲ ਹੀ ਇੱਕ ਐਡਵਾਈਜ਼ਰੀ ਵੀ ਜਾਰੀ ਕੀਤੀ ਗਈ ਹੈ, ਜਿਸ ਵਿੱਚ ਟਿੱਡੀ ਦਲਾਂ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਉਨ੍ਹਾਂ ਦੇ ਸਮੂਹ ਵਿੱਚੋਂ ਉਡਾਣ ਨਾ ਭਰਨ ਦੇ ਆਦੇਸ਼ ਦਿੱਤੇ ਗਏ ਹਨ । ਅਜਿਹਾ ਕਰਨ ਵਾਲੇ ਪਾਇਲਟਾਂ ਦੀ ਲੌਗ ਬੁੱਕ ਵਿੱਚ ਇਸ ਨੂੰ ਗਲਤੀ ਵਜੋਂ ਦਾਖਲ ਕਰਨ ਅਤੇ ਇੰਜੀਨੀਅਰਾਂ ਦੁਆਰਾ ਜਹਾਜ਼ ਦੀ ਜਾਂਚ ਕਰਵਾਉਣ ਲਈ ਨਿਰਦੇਸ਼ ਦਿੱਤੇ ਗਏ ਹਨ ।
ਦੱਸ ਦੇਈਏ ਕਿ ਦੇਸ਼ ਵਿੱਚ ਪਿਛਲੇ 26 ਸਾਲਾਂ ਵਿੱਚ ਟਿੱਡੀ ਦਲ ਦਾ ਇਹ ਪਹਿਲਾ ਵੱਡਾ ਹਮਲਾ ਹੈ । ਰਾਜਸਥਾਨ ਵਿੱਚ ਇਸ ਤੋਂ ਫਸਲਾਂ ਨੂੰ ਨੁਕਸਾਨ ਪਹੁੰਚਿਆ ਹੈ । ਹੁਣ ਇਨ੍ਹਾਂ ਦਾ ਰੁਖ਼ ਪੰਜਾਬ, ਗੁਜਰਾਤ, ਮਹਾਰਾਸ਼ਟਰ ਅਤੇ ਮੱਧ ਪ੍ਰਦੇਸ਼ ਵੱਲ ਹੈ । ਡੀ.ਜੀ.ਸੀ.ਏ. ਨੇ ਕਿਹਾ ਹਾਲਾਂਕਿ ਇੱਕ ਇਕੱਲੀ ਟਿੱਡੀ ਆਕਾਰ ਵਿੱਚ ਕਾਫ਼ੀ ਛੋਟੀ ਹੁੰਦੀ ਹੈ ਪਰ ਵੱਡੀ ਗਿਣਤੀ ਵਿੱਚ ਟਿੱਡੀਆਂ ਦੇ ਹੋਣ ਨਾਲ ਪਾਇਲਟ ਨੂੰ ਸਾਹਮਣੇ ਠੀਕ ਤਰੀਕੇ ਨਾਲ ਦਿਖਾਈ ਨਹੀਂ ਦਿੰਦਾ । ਇਹ ਜਹਾਜ਼ ਦੇ ਉਡਾਣ ਭਰਨ, ਉਤਰਨ ਅਤੇ ਉਸ ਨੂੰ ਪਾਰਕਿੰਗ ਤੱਕ ਲਿਜਾਣ ਦੌਰਾਨ ਕਾਫ਼ੀ ਮੁਸ਼ਕਲ ਪੈਦਾ ਕਰਨ ਵਾਲਾ ਹੈ । ਸ਼ਹਿਰੀ ਹਵਾਬਾਜ਼ੀ ਖੇਤਰ ਦੇ ਰੈਗੂਲੇਟਰ ਨੇ ਕਿਹਾ ਕਿ ਅਜਿਹੇ ਸਮੇਂ ਵਿੱਚ ਵਾਈਪਰ ਦਾ ਇਸਤੇਮਾਲ ਕਰਨ ਨਾਲ ਪਾਇਲਟ ਦੇ ਸਾਹਮਣੇ ਕੱਚ ਤੇ ਟਿੱਡੀਆਂ ਦੇ ਧੱਬੇ ਹੋਰ ਫੈਲ ਸਕਦੇ ਹਨ । ਇਹ ਉਨ੍ਹਾਂ ਦੀ ਦੇਖਣ ਦੀ ਸਮਰੱਥਾ ਨੂੰ ਹੋਰ ਖ਼ਰਾਬ ਕਰ ਸਕਦਾ ਹੈ । ਇਸ ਲਈ ਪਾਇਲਟ ਨੂੰ ਵਾਈਪਰ ਦਾ ਇਸਤੇਮਾਲ ਕਰਨ ਤੋਂ ਪਹਿਲਾਂ ਇਸ ਬਾਰੇ ਵਿਚ ਵਿਚਾਰ ਕਰਨਾ ਚਾਹੀਦਾ ਹੈ । ਵੱਡੀ ਗਿਣਤੀ ਵਿਚ ਟਿੱਡੀਆਂ ਦੇ ਹੋਣ ਨਾਲ ਪਾਇਲਟ ਦਾ ਜ਼ਮੀਨ ਦਾ ਦ੍ਰਿਸ਼ ਵੀ ਕਮਜ਼ੋਰ ਹੁੰਦਾ ਹੈ । ਇਸ ਲਈ ਵੀ ਉਨ੍ਹਾਂ ਨੂੰ ਸੁਚੇਤ ਰਹਿਣਾ ਚਾਹੀਦਾ ਹੈ ।
ਡੀ.ਜੀ.ਸੀ.ਏ. ਨੇ ਹਵਾਈ ਆਵਾਜਾਈ ਕੰਟਰੋਲਰਾਂ ਨੂੰ ਉਨ੍ਹਾਂ ਦੇ ਨਿਯੰਤਰਣ ਵਾਲੇ ਹਵਾਈ ਅੱਡਿਆਂ ‘ਤੇ ਟਿੱਡੀਆਂ ਨਾਲ ਜੁੜੀ ਜਾਣਕਾਰੀ ਹਰ ਆਉਣ ਅਤੇ ਜਾਣ ਵਾਲੀ ਉਡਾਣ ਨਾਲ ਸਾਂਝੀ ਕਰਨ ਦੀ ਸਲਾਹ ਦਿੱਤੀ ਹੈ । ਨਾਲ ਹੀ ਪਾਇਲਟ ਵੀ ਜੇਕਰ ਕਿਤੇ ਟਿੱਡੀਆਂ ਨੂੰ ਦੇਖਦੇ ਹਨ ਤਾਂ ਉਨ੍ਹਾਂ ਨੂੰ ਉਨ੍ਹਾਂ ਦੇ ਸਥਾਨ ਦੀ ਜਾਣਕਾਰੀ ਸਾਂਝੀ ਕਰਨ ਲਈ ਕਿਹਾ ਗਿਆ ਹੈ ।
ਡੀਜੀਸੀਏ ਦਾ ਕਹਿਣਾ ਹੈ ਕਿ ਟਿੱਡੀ ਦਲਾਂ ਨਾਲ ਰਾਤ ਦੀਆਂ ਉਡਾਣਾਂ ਵਿੱਚ ਹਵਾਈ ਜਹਾਜ਼ਾਂ ਨੂੰ ਖਤਰਾ ਪਹੁੰਚਾਉਣ ਦੀ ਘੱਟ ਸੰਭਾਵਨਾ ਹੁੰਦੀ ਹੈ, ਕਿਉਂਕਿ ਉਹ ਰਾਤ ਨੂੰ ਜ਼ਿਆਦਾਤਰ ਸਰਗਰਮ ਹੁੰਦੀਆਂ ਹਨ । ਪਰ ਇਸ ਦੌਰਾਨ ਡੀਜੀਸੀਏ ਨੇ ਕਿਹਾ ਹੈ ਕਿ ਹਵਾਈ ਅੱਡੇ ‘ਤੇ ਪਾਰਕਿੰਗ ਵਿੱਚ ਖੜ੍ਹੇ ਜਹਾਜ਼ਾਂ ਨੂੰ ਟਿੱਡੀ ਦਲ ਤੋਂ ਖਤਰਾ ਹੈ । ਇਸ ਕਾਰਨ ਜ਼ਮੀਨੀ ਹੈਂਡਲਿੰਗ ਏਜੰਸੀਆਂ ਨੂੰ ਜਹਾਜ਼ ਦੇ ਸਾਰੇ ਏਅਰ ਇਨਲੇਟਾਂ ਅਤੇ ਜਾਂਚਾਂ ਨੂੰ ਕਵਰ ਕਰਨ ਲਈ ਕਿਹਾ ਗਿਆ ਹੈ ।
