ਮੈਕਸੀਕੋ ਨੂੰ ਮਿਲਿਆ ਪਹਿਲਾ ਰਾਮ ਮੰਦਿਰ, ਭਾਰਤ ਤੋਂ ਲਿਆਂਦੀਆਂ ਗਈਆਂ ਮੂਰਤੀਆਂ

ਅਯੁੱਧਿਆ ‘ਚ ਰਾਮ ਮੰਦਿਰ ਦੇ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਦੀਆਂ ਤਿਆਰੀਆਂ ਪੂਰੀਆਂ ਹੋ ਚੁੱਕੀਆਂ ਹਨ। ਦੁਨੀਆ ਭਰ ਦੇ ਦੇਸ਼ਾਂ ਵਿੱਚ ਇਸ ਪ੍ਰੋਗਰਾਮ ਨੂੰ ਲੈ ਕੇ ਕਾਫੀ ਉਤਸ਼ਾਹ ਹੈ। ਅਮਰੀਕਾ, ਮੈਕਸੀਕੋ, ਕੈਨੇਡਾ ਅਤੇ ਆਸਟ੍ਰੇਲੀਆ ਦੇ ਮੰਦਰਾਂ ਵਿਚ ਵੀ ਸੁੰਦਰਕਾਂਡ, ਰਾਮਚਰਿਤਮਾਨਸ ਦਾ ਪਾਠ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ ਮੈਕਸੀਕੋ ਨੂੰ ਆਪਣਾ ਪਹਿਲਾ ਰਾਮ ਮੰਦਰ ਮਿਲ ਗਿਆ ਹੈ। ਮੈਕਸੀਕੋ ਦੇ ਕਵੇਰੇਟਾਰੋ ‘ਚ ਬਣਨ ਵਾਲੇ ਨਵੇਂ ਰਾਮ ਮੰਦਿਰ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਕਈ ਪ੍ਰਤੀਕਰਮ ਸਾਹਮਣੇ ਆ ਰਹੇ ਹਨ।

After Pran Pratishtha in Ayodhya

ਭਾਰਤ ਤੋਂ ਲਿਆਂਦੀਆਂ ਮੂਰਤੀਆਂ ਨੂੰ ਮੈਕਸੀਕੋ ਵਿੱਚ ਬਣੇ ਮੰਦਿਰ ਵਿੱਚ ਸਥਾਪਿਤ ਕੀਤਾ ਗਿਆ ਸੀ। ਇਸ ਸਮੇਂ ਦੌਰਾਨ, ਇੱਕ ਅਮਰੀਕੀ ਭਾਰਤੀ ਪੁਜਾਰੀ ਨੇ ਪ੍ਰਾਣ ਪ੍ਰਤਿਸ਼ਠਾ ਦੀ ਰਸਮ ਨਿਭਾਈ। ਇਸ ਦੌਰਾਨ ਪ੍ਰਵਾਸੀ ਭਾਰਤੀਆਂ ਵੱਲੋਂ ਭਜਨ, ਕੀਰਤਨ ਅਤੇ ਸ਼ਾਸਤਰੀ ਸੰਗੀਤ ਦਾ ਆਯੋਜਨ ਕੀਤਾ ਗਿਆ। ਇਸ ਪ੍ਰੋਗਰਾਮ ਵਿੱਚ ਵੱਡੀ ਗਿਣਤੀ ਵਿੱਚ ਭਾਰਤੀ ਭਾਈਚਾਰੇ ਦੇ ਨਾਲ-ਨਾਲ ਮੈਕਸੀਕੋ ਦੇ ਨਾਗਰਿਕਾਂ ਨੇ ਸ਼ਮੂਲੀਅਤ ਕੀਤੀ।

After Pran Pratishtha in Ayodhya

ਮੈਕਸੀਕੋ ‘ਚ ਭਾਰਤੀ ਦੂਤਾਵਾਸ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਕਿਹਾ ਕਿ ਮੈਕਸੀਕੋ ‘ਚ ਪਹਿਲਾ ਭਗਵਾਨ ਰਾਮ ਮੰਦਿਰ ਹੈ। ਕਵੇਰੇਟਾਰੋ ਸ਼ਹਿਰ ਨੂੰ ਅਯੁੱਧਿਆ ਵਿੱਚ ਪਵਿੱਤਰ ਸਮਾਰੋਹ ਦੀ ਪੂਰਵ ਸੰਧਿਆ ‘ਤੇ ਆਪਣਾ ਪਹਿਲਾ ਭਗਵਾਨ ਰਾਮ ਮੰਦਰ ਮਿਲਿਆ। ਕਵੇਰੇਟਾਰੋ ਪਹਿਲੇ ਭਗਵਾਨ ਹਨੂੰਮਾਨ ਮੰਦਰ ਦੀ ਮੇਜ਼ਬਾਨੀ ਵੀ ਕਰਦਾ ਹੈ। ਇਸ ਦੌਰਾਨ ਅਯੁੱਧਿਆ ਵਿੱਚ ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ ਲਈ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਹਨ।

ਇਹ ਵੀ ਪੜ੍ਹੋ : ਸ਼੍ਰੀ ਰਾਮ ਪ੍ਰਤੀ ਆਸਥਾ! ਗੁਰਦਾਸਪੁਰ ‘ਚ ਈ-ਰਿਕਸ਼ਾ ਚਾਲਕ ਯਾਤਰੀਆਂ ਨੂੰ ਦੇ ਰਿਹਾ ਮੁਫਤ ਸੇਵਾ

ਇਸ ਪ੍ਰੋਗਰਾਮ ‘ਚ ਹਿੱਸਾ ਲੈਣ ਲਈ ਵੱਡੀ ਗਿਣਤੀ ‘ਚ ਲੋਕ ਮੰਦਿਰ ਪਰਿਸਰ ‘ਚ ਮੌਜੂਦ ਹਨ। ਅਯੁੱਧਿਆ ਦੀਆਂ ਸੜਕਾਂ ‘ਤੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਗੂੰਜ ਰਹੇ ਹਨ। ਅਯੁੱਧਿਆ ‘ਚ ਕਈ ਥਾਵਾਂ ‘ਤੇ ਸੁੰਦਰਕਾਂਡ ਅਤੇ ਰਾਮਚਰਿਤਮਾਨਸ ਦਾ ਪਾਠ ਕੀਤਾ ਜਾ ਰਿਹਾ ਹੈ। ਇਸ ਵਿਸ਼ੇਸ਼ ਪ੍ਰੋਗਰਾਮ ‘ਚ ਪੀਐੱਮ ਮੋਦੀ, ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਸਮੇਤ ਕਈ ਹਸਤੀਆਂ ਮੌਜੂਦ ਰਹੇ।

ਵੀਡੀਓ ਲਈ ਕਲਿੱਕ ਕਰੋ –

“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”