ਜਿੱਥੇ ਇੱਕ ਪਾਸੇ ਪੰਜਾਬ ਵਿੱਚ ਨੌਜਵਾਨ ਨਸ਼ਿਆਂ ਦੇ ਆਦੀ ਹੋ ਰਹੇ ਹਨ, ਉੱਥੇ ਹੀ ਦੂਜੇ ਪਾਸੇ ਪੰਜਾਬ ਦਾ ਇੱਕ 85 ਸਾਲਾ ਬਜ਼ੁਰਗ ਆਪਣੇ ਅਨੋਖੇ ਕਾਰਨਾਮੇ ਨਾਲ ਪੂਰੇ ਬਾਲੀਵੁੱਡ ਵਿੱਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਲੁਧਿਆਣਾ ਦੇ ਰਹਿਣ ਵਾਲੇ 85 ਸਾਲਾ ਨਿਹੰਗ ਜਥੇਦਾਰ ਸਤਨਾਮ ਸਿੰਘ ਨੇ ਆਪਣੇ ਦੰਦਾਂ ਨਾਲ 1.25 ਕੁਇੰਟਲ ਤੋਂ ਵੱਧ ਭਾਰ ਚੁੱਕਣ ਦਾ ਰਿਕਾਰਡ ਬਣਾਇਆ ਹੈ। ਇਸ ਤੋਂ ਇਲਾਵਾ ਉਸ ਨੇ ਇੱਕ ਟਰੱਕ ਅਤੇ ਇੱਕ ਵੱਡਾ 709 ਟੈਂਪੂ ਵੀ ਖਿੱਚ ਲਿਆ ਹੈ।
ਜਦੋਂ ਸਤਨਾਮ ਸਿੰਘ ਨੂੰ ਉਸ ਦੇ ਕਾਰਨਾਮੇ ਅਤੇ ਉਸ ਦੀ ਤਾਕਤ ਦੇ ਪ੍ਰੇਰਨਾ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਉਸ ਨੇ ਜਨਮ ਤੋਂ ਲੈ ਕੇ ਅੱਜ ਤੱਕ ਕਿਸੇ ਵੀ ਨਸ਼ੇ ਦਾ ਸੇਵਨ ਨਹੀਂ ਕੀਤਾ ਹੈ। ਇਸ ਤੋਂ ਇਲਾਵਾ ਉਹ ਰੋਜ਼ਾਨਾ ਸਵੇਰੇ ਕਾਜੂ, ਬਦਾਮ, ਕਾਲੇ ਚਨੇ ਅਤੇ ਕਾਲੀ ਮਿਰਚ ਤੋਂ ਬਣਿਆ ਪਾਊਡਰ ਪੀਂਦਾ ਹੈ। ਉਹ ਇਸ ਪਾਊਡਰ ਦਾ ਸ਼ਰਬਤ ਦਿਨ ਵਿੱਚ ਦੋ ਵਾਰ ਪੀਂਦਾ ਹੈ।
ਇਸ ਕਾਰਨਾਮੇ ਦੀ ਪ੍ਰੇਰਨਾ ਬਾਰੇ ਦੱਸਦੇ ਹੋਏ ਸਤਨਾਮ ਸਿੰਘ ਨੇ ਦੱਸਿਆ ਕਿ ਅਜਿਹਾ ਕੰਮ ਕਰਨ ਦਾ ਖ਼ਿਆਲ ਉਨ੍ਹਾਂ ਨੂੰ ਇੱਕ ਟੀਵੀ ਸ਼ੋਅ ਦੇਖਦਿਆਂ ਆਇਆ। ਟੀਵੀ ‘ਤੇ ਉਸ ਨੇ ਦੇਖਿਆ ਕਿ ਇਕ ਬਜ਼ੁਰਗ 40 ਕਿੱਲੋ ਭਾਰ ਚੁੱਕ ਰਿਹਾ ਸੀ। ਬਸ ਉਸ ਵਿਅਕਤੀ ਨੂੰ ਦੇਖ ਕੇ ਉਸ ਨੇ ਵੀ ਅਜਿਹਾ ਹੀ ਕੁਝ ਕਰਨ ਬਾਰੇ ਸੋਚਿਆ। ਇਸ ਤੋਂ ਬਾਅਦ ਉਸ ਨੇ ਬਹੁਤ ਸਾਰੇ ਪੱਥਰ ਇਕੱਠੇ ਕੀਤੇ ਅਤੇ ਡੇਢ ਕੁਇੰਟਲ ਭਾਰ ਆਪਣੇ ਦੰਦਾਂ ਨਾਲ ਚੁੱਕਿਆ।
ਇਹ ਵੀ ਪੜ੍ਹੋ : ਫਾਜ਼ਿਲਕਾ ‘ਚ ਮਜ਼ਦੂਰ ਦੀ ਚਮਕੀ ਕਿਸਮਤ, ਲੱਗੀ 5 ਲੱਖ ਰੁਪਏ ਦੀ ਲਾਟਰੀ
ਇਸ ਤੋਂ ਬਾਅਦ ਉਸ ਦਾ ਮਨੋਬਲ ਹੋਰ ਵੀ ਵਧ ਗਿਆ ਅਤੇ ਉਸ ਨੇ 709 ਟੈਂਪੂ ਨੂੰ ਖਿੱਚਿਆ। ਇਸ ਕਾਰਨਾਮੇ ਤੋਂ ਕੁਝ ਦਿਨ ਹੀ ਲੰਘੇ ਸਨ ਜਦੋਂ ਉਸ ਨੇ 45 ਨਿਹੰਗ ਸਿੰਘ ਬੇਠਕਰਾਂ ਵਾਲਾ 32 ਫੁੱਟ ਵੱਡਾ ਟਰੱਕ ਖਿੱਚਿਆ। ਇਸ ਕਾਰਨਾਮੇ ਤੋਂ ਬਾਅਦ ਸਤਨਾਮ ਸਿੰਘ ਨੂੰ ਬਾਲੀਵੁੱਡ ਨੇ ਮੁੰਬਈ ਬੁਲਾਇਆ। ਜਿੱਥੇ ਉਸਦਾ ਸਾਰਾ ਖਰਚਾ ਬਾਲੀਵੁੱਡ ਕੰਪਨੀ ਨੇ ਚੁੱਕਿਆ ਸੀ।
ਸਤਨਾਮ ਸਿੰਘ ਨੇ ਦੱਸਿਆ ਕਿ ਉਹ ਦਿੱਲੀ ਵਿੱਚ ਕਿਸਾਨ ਮੋਰਚੇ ਵਿੱਚ ਲਾਈਵ ਹੋ ਕੇ ਆਏ ਸਨ ਅਤੇ ਐਲਾਨ ਕੀਤਾ ਸੀ ਕਿ ਜਦੋਂ ਕਿਸਾਨ ਇਸ ਮੋਰਚੇ ਨੂੰ ਜਿੱਤਣਗੇ ਤਾਂ ਉਹ ਰੇਲਵੇ ਦਾ ਇੰਜਣ ਪੁੱਟ ਦੇਣਗੇ। ਉਨ੍ਹਾਂ ਨੇ ਰੇਲਵੇ ਵਿਭਾਗ ਨੂੰ ਇਸ ਦੀ ਮਨਜ਼ੂਰੀ ਲਈ ਕਈ ਵਾਰ ਸਿਫਾਰਿਸ਼ ਕੀਤੀ ਪਰ ਅਜੇ ਤੱਕ ਮਨਜ਼ੂਰੀ ਨਹੀਂ ਮਿਲੀ। ਜਿਵੇਂ ਹੀ ਉਸ ਨੂੰ ਰੇਲਵੇ ਤੋਂ ਇਜਾਜ਼ਤ ਮਿਲੇਗੀ, ਉਹ ਰੇਲਵੇ ਇੰਜਣ ਨੂੰ ਖਿੱਚਣਗੇ।
ਵੀਡੀਓ ਲਈ ਕਲਿੱਕ ਕਰੋ -:
ਜੇ ਤੁਸੀਂ ਇਥੇ ਇਕ ਵਾਰੀ ਚਲੇ ਗਏ ਤਾਂ ਉਂਗਲਾਂ ਤੱਕ ਚੱਟ ਜਾਉਗੇ, ਇਕੋ ਜਗ੍ਹਾ ‘ਤੇ ਮੌਜੂਦ ਹੈ ਹਰ ਤਰ੍ਹਾਂ ਦੀ Dish
