A special menu is made in the name of Dhoni : ਚੰਡੀਗੜ੍ਹ : ਕ੍ਰਿਕੇਟ ਜਗਤ ਦੇ ਮਸ਼ਹੂਰ ਖਿਡਾਰੀ ਮਹਿੰਦਰ ਸਿੰਘ ਧੋਨੀ ਦਾ ਪੂਰਾ ਦੇਸ਼ ਦੀਵਾਨਾ ਹੈ। ਧੋਨੀ ਪ੍ਰਤੀ ਕ੍ਰਿਕਟ ਪ੍ਰੇਮੀਆਂ ਦੇ ਜਨੂਨ ਨੂੰ ਦੇਖਦੇ ਹੋਏ ਚੰਡੀਗੜ੍ਹ ਦੇ ਮਸ਼ਹੂਰ ਏਲਾਂਤੇ ਮੌਲ ਵਿਚ ਸਥਿਤ ਹੋੱਪਿਨ ਰੈਸਟੋਰੈਂਟ ਵਿਚ ਹਰ ਵੱਡੇ ਮੈਚ ਦੌਰਾਨ ਆਪਣੇ ਵੱਲੋਂ ਖਾਸ ਤਿਆਰੀਆਂ ਕਰਦਾ ਹੈ। ਰੈਸਟਰੈਂਟ ਮੈਨੇਜਮੈਂਟ ਵੱਲੋਂ ਪੂਰੇ ਰੈਸਟੋਰੈਂਟ ਦੀ ਦੀਵਾਰ ਨੂੰ ਭਾਰਤ ਦੇ ਮੈਪ ਨਾਲ ਸਜਾ ਦਿੱਤਾ ਜਾਂਦਾ ਹੈ, ਵੇਟਰਾਂ ਨੂੰ ਭਾਰਤੀ ਟੀਮ ਦੀ ਜਰਸੀ ਪਹਿਨਾਈ ਜਾਂਦੀ ਹੈ। ਇੰਨਾ ਹੀ ਨਹੀਂ, ਰੈਸਟੋਰੈਂਟ ਵਿਚ ਮੈਨਿਊ ਵੀ ਕ੍ਰਿਕਟ ਅਤੇ ਧੋਨੀ ਦੀ ਤਰਜ ’ਤੇ ਹੀ ਤਿਆਰ ਕੀਤਾ ਜਾਂਦਾ ਹੈ। ਇਸ ਮੈਨਿਊ ਵਿਚ ਉੰਝ ਤਾਂ ਹਰ ਡਿਸ਼ ਕ੍ਰਿਕਟ ਦੇ ਨਾਂ ’ਤੇ ਰਖੀ ਸੀ, ਪਰ ਧੋਨੀ ਦੀ ਲੋਕਪ੍ਰਿਯਤਾ ਨੂੰ ਦੇਖਦੇ ਹੋਏ ਇਨ੍ਹਾਂ ਵਿਚ ਵਧੇਰੇ ਡਿਸ਼ ਦਾ ਨਾਂ ਉਨ੍ਹਾਂ ਦੇ ਨਾਂ ’ਤੇ ਹੀ ਹੁੰਦਾ ਹੈ।
ਧੋਨੀ ਹੈਲੀਕਾਪਟਰ ਚਿਕਨ, ਬਿਰਆਨੀ 22 ਯਾਰਡ, ਕੈਪਟਨ ਕੂਲ ਕੋਲਡ ਕੌਫੀ, ਧੋਨੀ ਦਾਲ ਫ੍ਰਾਈ 20-20, ਲਾਰਡਸ ਸਟੇਡੀਅਮ ਪਾਸਤਾ, ਗੁਗਲੀ ਮੋਜੇਟੋ, ਬਾਊਂਸਰ ਚੀਜ਼ ਬੌਲ, ਸਿਕਸਰ ਚੀਜ਼ ਕਬਾਬ, ਸਕਵਾਇਰ ਕਟ ਕਲਮੀ ਕਬਾਬ, ਟੀਮ ਇੰਡੀਆ ਮਿਕਸ ਵੈੱਜ, ਸਪਿਨਰ ਚਾਉਮਿਨ ਵਰਗੀਆਂ ਕਈ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਨੂੰ ਕ੍ਰਿਕੇਟ ਟੀਮ ਇੰਡੀਆ ਅਤੇ ਧੋਨੀ ਦੇ ਨਾਂ ’ਤੇ ਹੁੰਦੀਆਂ ਹਨ।
ਮਹਿੰਦਰ ਸਿੰਘ ਧੋਨੀ ਦੇ ਰਿਟਾਇਰਮੈਂਟ ਦੇ ਫੈਸਲੇ ’ਤੇ ਨਿਰਾਸ਼ਾ ਜ਼ਾਹਿ ਕਰਦੇ ਹੋਏ ਰੈਸਟੋਰੈਂਟ ਪ੍ਰਬੰਧਨ ਨੇ ਕਿਹਾ ਕਿ ਧੋਨੀ ਨੂੰ ਲੋਕ ਖੂਬ ਪਸੰਦ ਕਰੇਦ ਹਨ। ਦੇਸ਼ ਲਈ ਉਨ੍ਹਾਂ ਨੇ ਕਈ ਮੁਕਾਬਲੇ ਜਿੱਤੇ ਹਨ। ਅਸੀਂ ਭਵਿੱਖ ਵਿਚ ਅਜਿਹੇ ਵੱਡੇ ਮੈਚਾਂ ਦੌਰਾਨ ਉਨ੍ਹਾਂ ਦੇ ਨਾਂ ਨਾਲ ਜੁੜੀਆਂ ਡਿਸ਼ੇਜ਼ ਕ੍ਰਿਕੇਟ ਪ੍ਰੇਮੀਆਂ ਨੂੰ ਪਰੋਸਦੇ ਰਹਾਂਗੇ। ਖਾਸ ਆਯੋਜਨਾ ’ਤੇ ਇਹ ਸਭ ਤਿਆਰ ਕਰਨਾ ਚੰਗਾ ਲੱਗਦਾ ਹੈ।