Aam Aadmi Party’s : ਚੰਡੀਗੜ੍ਹ : ਆਮ ਆਦਮੀ ਪਾਰਟੀ ਦੇ ਚੰਡੀਗੜ੍ਹ ਸੂਬਾ ਮੀਤ ਪ੍ਰਧਾਨ ਦਲੀਪ ਕੁਮਾਰ ਦਾ ਦਿਹਾਂਤ ਹੋ ਗਿਆ ਹੈ। ਬੀਤੇ ਸ਼ੁੱਕਰਵਾਰ ਰਾਤ ਨੂੰ ਬ੍ਰੇਨ ਹੈਮਰੇਜ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ। ਇਸ ਦੇ ਨਾਲ ਹੀ ਸ਼ਨੀਵਾਰ ਦੁਪਹਿਰ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ। ਸੂਬਾ ਪ੍ਰਧਾਨ ਪ੍ਰੇਮ ਗਰਗ ਨੇ ਦੁੱਖ ਨਾਲ ਕਿਹਾ ਕਿ ਦਲੀਪ ਕੁਮਾਰ ਦੇ ਜਾਣ ਨਾਲ ਆਮ ਆਦਮੀ ਪਾਰਟੀ ਦੇ ਨਾਲ ਨਾਲ ਚੰਡੀਗੜ੍ਹ ਸ਼ਹਿਰ ਨੂੰ ਵੀ ਨੁਕਸਾਨ ਪਹੁੰਚਿਆ ਹੈ। ਦਲੀਪ ਕੁਮਾਰ ਨੇ ਰਾਮਦਰਬਾਰ ਦੇ ਲੋਕਾਂ ਲਈ ਬਹੁਤ ਕੰਮ ਕੀਤਾ। ਰਾਜ ਦੇ ਸੰਗਠਨ ਮੰਤਰੀ ਵਿਕਰਮ ਸਿੰਘ ਪੁੰਡੀਰ ਨੇ ਕਿਹਾ, “ਮੈਨੂੰ ਯਾਦ ਹੈ ਕਿ ਅੰਨਾ ਲਹਿਰ ਵਿਚ ਸ਼ਾਮਲ ਹੋਣ ਦੇ ਜ਼ਜ਼ਬੇ ਤੋਂ ਲੈ ਕੇ ਦੇਸ਼ ਲਈ ਮਰ ਮਿਟਣ ਲਈ ਬਹੁਤ ਹੌਂਸਲੇ ਨਾਲ ਭਰੇ ਰਹਿੰਦੇ ਸੀ। ਦਿਲੀਪ ਜਦੋਂ ਤੱਕ ਜੀਵਤ ਰਹੇ, ਆਮ ਆਦਮੀ ਲਈ ਲੜੇ। ਉਨ੍ਹਾਂ ਦੀ ਘਾਟ ਕਦੇ ਵੀ ਪੂਰੀ ਨਹੀਂ ਕੀਤੀ ਜਾ ਸਕਦੀ। ਅਸੀਂ ਪ੍ਰਾਰਥਨਾ ਕਰਦੇ ਹਾਂ ਕਿ ਪ੍ਰਮਾਤਮਾ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਵੇ। ਰਾਮਦਰਬਾਰ ਵਾਰਡ ਨੰਬਰ 19 ਦੇ ਪ੍ਰਧਾਨ ਵਰਿੰਦਰ ਸਿੰਘ ਵੀਰੂ ਨੇ ਕਿਹਾ, “ਅੱਜ ਅਸੀਂ ਆਪਣੇ ਵੱਡੇ ਭਰਾ ਨੂੰ ਗੁਆ ਚੁੱਕੇ ਹਾਂ।” ਦਲੀਪ ਪਰਿਵਾਰ ਦੇ ਨਾਲ -ਨਾਲ ਰਾਮਦਰਬਾਰ ਅਤੇ ਪਾਰਟੀ ਦੀ ਜ਼ਿੰਮੇਵਾਰੀ ਸਾਡੇ ਸਾਰਿਆਂ ਤੇ ਛੱਡ ਗਏ ਹਨ। ਅਸੀਂ ਕੋਸ਼ਿਸ਼ ਕਰਾਂਗੇ ਤਾਂ ਕਿ ਅਸੀਂ ਇੱਕ ਖੁਸ਼ਹਾਲ ਸਮਾਜ ਦੇ ਸੁਪਨੇ ਨੂੰ ਪੂਰਾ ਕਰ ਸਕੀਏ।
ਉਨ੍ਹਾਂ ਦੀ ਆਖਰੀ ਫੇਰੀ ਵਿੱਚ ਸਥਾਨਕ ਨਿਵਾਸੀਆਂ ਦੇ ਨਾਲ ਨਾਲ ਸਾਰੇ ਪਾਰਟੀ ਅਧਿਕਾਰੀ, ਕਾਰਕੁੰਨਾਂ, ਖੇਤਰ ਦੇ ਸਲਾਹਕਾਰ ਭਰਤ ਕੁਮਾਰ, ਸਾਬਕਾ ਕੌਂਸਲਰ ਅਤੇ ਭਾਜਪਾ ਦੇ ਪ੍ਰਦੇਸ਼ ਉਪ ਪ੍ਰਧਾਨ ਰਾਮਲਾਲ, ਭਾਜਪਾ ਦੇ ਜਨਰਲ ਮੰਤਰੀ ਦੇਵੀ ਸਿੰਘ, ਵਾਲਮੀਕਿ ਸਭਾ ਦੇ ਸਾਬਕਾ ਚੇਅਰਮੈਨ ਗੁਰਚਰਨ ਸਿੰਘ, ਕਾਂਗਰਸ ਆਗੂ ਹਰਜਿੰਦਰ ਸਿੰਘ ਬਾਵਾ, ਬੈਰਾਵਾ ਸਮਾਜ ਦੇ ਆਗੂ ਕੁੰਦਨ ਸਿੰਘ ਬੈਰਵਾ, ਬਸਪਾ ਦੇ ਸਾਬਕਾ ਉਮੀਦਵਾਰ ਅਤੇ ਆਗੂ ਬ੍ਰਿਜਪਾਲ ਆਦਿ ਹਾਜ਼ਰ ਸਨ।
