ਜਲੰਧਰ : ਕੋਰੋਨਾ ਤੇ ਬਲੈਕ ਫੰਗਸ ਤੋਂ ਬਾਅਦ ਹੁਣ ਬੱਚਿਆਂ ’ਤੇ ਵੀ ਇੱਕ ਨਵੀਂ ਬੀਮਾਰੀ ਦਾ ਕਹਿਰ ਵਰ੍ਹ ਰਿਹਾ ਹੈ। ਇਸ ਦੀ ਲਪੇਟ ਵਿੱਚ ਉਹ ਬੱਚੇ ਆ ਰਹੇ ਹਨ ਜੋ ਜਾਂ ਤਾਂ ਕੋਰੋਨਾ ਤੋਂ ਠੀਕ ਹੋ ਚੁੱਕੇ ਹਨ ਜਾਂ ਜਿਨ੍ਹਾਂ ਦੇ ਘਰ ਦੇ ਲੋਕ ਕੋਰੋਨਾ ਦੀ ਲਪੇਟ ਵਿੱਚ ਆਏ ਸਨ। ਇਸ ਬੀਮਾਰੀ ਦਾ ਨਾਂ ਹੈ ਮਲਟੀ ਸਿਸਟਮ ਇਨਫਲੇਮੈਟਰੀ ਸਿੰਡਰੋਮ ਇਨ ਚਿਲਡਰਸਨ (MIS-C)।
ਹਾਲਾਂਕਿ ਇਲਾਜ ਤੋਂ ਬਾਅਦ ਬੱਚੇ ਠੀਕ ਹੋ ਰਹੇ ਹਨ। ਇਸ ਸਾਲ ਤੱਕ ਹੁਣ ਤੱਕ 350 ਬੱਚੇ ਇਸ ਦੀ ਲਪੇਟ ਵਿੱਚ ਆ ਚੁੱਕੇ ਹਨ। ਇਸ ਬਿਮਾਰੀ ਦੇ 35 ਬੱਚਿਆਂ ਦਾ ਸਫਲਤਾਪੂਰਵਕ ਇਲਾਜ ਕਰਨ ਵਾਲੇ ਡਾ: ਗੁਰਦੇਵ ਚੌਧਰੀ ਨੇ ਦੱਸਿਆ ਕਿ ਐਮਆਈਐਸ-ਸੀ ਬੱਚਿਆਂ ਵਿੱਚ ਕੋਰੋਨਾ ਪਾਜ਼ੀਟਿਵ ਹੋਣ ਦੇ ਛੇ ਤੋਂ ਅੱਠ ਹਫ਼ਤਿਆਂ ਬਾਅਦ ਹੁੰਦਾ ਹੈ।
ਇਹ ਇਕ ਨਵੀਂ ਬਿਮਾਰੀ ਹੈ, ਇਸ ਲਈ ਇਸ ਬਾਰੇ ਸਹੀ ਜਾਣਕਾਰੀ ਅਜੇ ਨਹੀਂ ਹੈ। ਕੋਵਿਡ-19 ਦੇ ਪਾਜ਼ੀਟਿਵ ਬੱਚਿਆਂ ਵਿਚੋਂ ਇਕ ਫੀਸਦੀ ਵਿੱਚ ਐਮਆਈਐਸ-ਸੀ ਦੇ ਕੇਸ ਸਾਹਮਣੇ ਆ ਰਹੇ ਹਨ। ਇਲਾਜ ਨਾ ਹੋਣ ’ਤੇ ਇਨ੍ਹਾਂ ਬੱਚਿਆਂ ਵਿੱਚੋਂ ਲਗਭਗ ਇੱਕ ਫੀਸਦੀ ਦੇ ਕਰੀਬ ਮੌਤ ਦੀ ਦਰ ਦਾ ਅਨੁਮਾਨ ਹੈ। ਇਸ ਬਿਮਾਰੀ ’ਤੇ ਕੰਟਰੋਲ ਅਤੇ ਰੋਕਥਾਮ ਲਈ ਯੂਐਸ ਸੈਂਟਰ ਦੀਆਂ ਟੀਮਾਂ ਅਤੇ ਨੈਸ਼ਨਲ ਇੰਸਟੀਚਿਊਟ ਆਫ਼ ਹੈਲਥ ਕੰਮ ਕਰ ਰਹੀਆਂ ਹਨ।
ਡਾ: ਸੌਰਭ ਦਾ ਕਹਿਣਾ ਹੈ ਕਿ ਬਹੁਤੇ ਬੱਚਿਆਂ ਵਿੱਚ ਕੋਰੋਨਾ ਹੋਣ ’ਤੇ ਲੱਛਣ ਨਹੀਂ ਆਉਂਦੇ। ਬਿਮਾਰੀ ਤੋਂ ਬਾਅਦ ਉਨ੍ਹਾਂ ਵਿੱਚ ਐਂਟੀ-ਬਾਡੀ ਬਣ ਜਾਂਦੇ ਹਨ, ਜਿਸ ਕਾਰਨ ਉਨ੍ਹਾਂ ਦੇ ਸਰੀਰ ਦੇ ਵੱਖ-ਵੱਖ ਅੰਗ ਪ੍ਰਭਾਵਿਤ ਹੋਣੇ ਸ਼ੁਰੂ ਹੋ ਜਾਂਦੇ ਹਨ। ਉਨ੍ਹਾਂ ਕੋਰੋਨਾ ਹੋਣ ’ਤੇ ਬੱਚਿਆਂ ਨੂੰ ਆਪਣੇ ਤੋਂ ਦੂਰ ਰੱਖਣ ਲਈ ਕਿਹਾ ਹੈ ਅਤੇ ਬੱਚਿਆਂ ਦੇ ਕੋਰੋਨਾ ਪਾਜ਼ੀਟਿਵ ਹੋਣ ’ਤੇ ਠੀਕ ਹੋਣ ਦੇ ਬਾਅਦ ਵੀ ਉਸ ਦੀ ਨਿਗਰਾਨੀ ਕਰਨ ਲਈ ਕਿਹਾ। ਜੇ ਉਸ ਦੀ ਤਬੀਅਤ ਖਰਾਬ ਹੁੰਦੀ ਹੈ ਤਾਂ ਤੁਰੰਤ ਇਲਾਜ ਕਰਵਾਉਣ।
ਕੇਸ -1
ਮੁਕੇਰੀਆਂ ਦਾ ਦੋ ਸਾਲਾ ਬੱਚਾ ਅਰਮਾਨ ਦਾ ਲਿਵਰ ਪ੍ਰਭਾਵਿਤ ਹੋ ਚੁੱਕਾ ਸੀ। ਉਸ ਨੂੰ ਪੀਲੀਆ ਹੋਣ ਦੇ ਨਾਲ-ਨਾਲ ਦੌਰੇ ਪੈਣ ਲੱਗੇ। ਡਾਕਟਰ ਤੋਂ ਦਵਾਈ ਲੈਣ ਤੋਂ ਬਾਅਦ ਅਗਲੇ ਦਿਨ ਬੱਚੇ ਨੂੰ ਸਾਹ ਲੈਣ ਵਿੱਚ ਮੁਸ਼ਕਲ ਆਉਣ ਲੱਗੀ। ਉਸ ਨੂੰ ਜਲੰਧਰ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਜਿਥੇ ਉਸ ਨੂੰ ਵੈਂਟੀਲੇਟਰ ‘ਤੇ ਰੱਖਿਆ ਗਿਆ। ਉਸ ਦੇ ਗੁਰਦੇ ਵੀ ਪ੍ਰਭਾਵਿਤ ਹੋ ਰਹੇ ਸਨ। ਇਸਦੇ ਨਾਲ ਹੀ ਪੇਸ਼ਾਬ ਵਿੱਚ ਖੂਨ ਆਉਣਾ ਸ਼ੁਰੂ ਹੋ ਗਿਆ। ਜਾਂਚ ਦੌਰਾਨ ਬੱਚੇ ਨੂੰ ਐਮਆਈਐਸ-ਸੀ ਦਾ ਮਾਮਲਾ ਨਿਕਲਿਆ। ਇਲਾਜ ਦੇ ਪੰਜਵੇਂ ਦਿਨ ਉਹ ਵੈਂਟੀਲੇਟਰ ਤੋਂ ਬਾਹਰ ਆ ਗਿਆ ਅਤੇ ਠੀਕ ਹੋਣ ਲੱਗ ਪਿਆ।
ਕੇਸ -2
ਉਥੇ ਹੀ ਜਲੰਧਰ ਦਾ ਰਹਿਣ ਵਾਲਾ ਸੱਤ ਸਾਲਾ ਫੈਜਾ ਨੂੰ ਵੀ ਦੌਰੇ ਪੈ ਰਹੇ ਸਨ। ਕਿਡਨੀ ਦੀ ਸਮੱਸਿਆ ਕਾਰਨ ਪੇਸ਼ਾਬ ਵਿੱਚ ਖੂਨ ਅਤੇ ਦਿਮਾਗ ਵਿੱਚ ਸੋਜਿਸ਼ ਦੇ ਨਾਲ ਬਲੱਡ ਪ੍ਰੈਸ਼ਰ ਡਾਊਨ ਜਾਮ ਲੱਗਾ ਸੀ। ਸਿਹਤ ਖ਼ਰਾਬ ਹੋਣ ਕਾਰਨ ਉਸ ਨੂੰ ਜਲੰਧਰ ਦੇ ਨਿੱਜੀ ਹਸਪਤਾਲ ਲਿਆਂਦਾ ਗਿਆ। ਪਰਿਵਾਰ ਦੀ ਆਰਥਿਕ ਸਥਿਤੀ ਵੀ ਬਹੁਤ ਕਮਜ਼ੋਰ ਸੀ। ਹਸਪਤਾਲ ਦੇ ਡਾਕਟਰਾਂ ਦੀ ਇੱਕ ਟੀਮ ਅਤੇ ਇੱਕ ਸਵੈ-ਸੇਵੀ ਸੰਸਥਾ ਦੀ ਸਹਾਇਤਾ ਨਾਲ ਮਰੀਜ਼ ਦਾ ਇਲਾਜ ਕੀਤਾ ਗਿਆ। ਡਾਕਟਰਾਂ ਨੇ ਉਸ ਨੂੰ ਐਮਆਈਐਸ-ਸੀ ਦੇ ਚੱਕਰਵਿਊ ਤੋਂ ਬਾਹਰ ਕੱਢਣ ਵਿੱਚ ਸਫਲਤਾ ਹਾਸਲ ਕੀਤੀ। ਫੈਜ਼ਾ ਵੀ ਕੋਰੋਨਾ ਦੀ ਮਰੀਜ਼ ਰਹਿ ਚੁੱਕੀ ਸੀ।
ਐਮਆਈਐਸ-ਸੀ ਕੀ ਹੈ
ਬੱਚਿਆਂ ਵਿੱਚ ਮਲਟੀਸਿਸਟਮ ਇਨਫਲੇਮੇਟਰੀ ਸਿੰਡਰੋਮ (ਐਮਆਈਐਸ-ਸੀ) ਇੱਕ ਅਜਿਹੀ ਸਥਿਤੀ ਹੈ ਜਿਸ ਵਿੱਚ ਦਿਲ, ਫੇਫੜੇ, ਗੁਰਦੇ, ਦਿਮਾਗ, ਚਮੜੀ, ਅੱਖਾਂ ਜਾਂ ਅੰਤੜੀਆਂ ਸਮੇਤ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਸੋਜ਼ਿਸ਼ ਹੋ ਸਕਦੀ ਹੈ।
ਪਛਾਣ ਕਿਵੇਂ ਕਰੀਏ-
- ਤੇਜ਼ ਬੁਖਾਰ ਤਿੰਨ ਦਿਨਾਂ ਤੋਂ ਵੱਧ ਸਮੇਂ ਤੱਕ ਰਹੇ
- ਪੇਟ (ਅੰਤੜੀ) ਵਿੱਚ ਦਰਦ
- ਉਲਟੀਆਂ, ਦਸਤ
- ਗਰਦਨ ਵਿਚ ਦਰਦ
- ਧੱਫੜ
- ਅੱਖਾਂ ਅਤੇ ਜੀਭ ਵਿਚ ਲਾਲੀ
- ਸੋਜ ਅਤੇ ਹੱਥ ਅਤੇ ਪੈਰ ਦੀ ਚਮੜੀ ਵਿੱਚ ਸੋਜ ਅਤੇ ਛਿਲ ਜਾਣਾ
- ਥਕਾਵਟ ਮਹਿਸੂਸ ਹੋਣਾ
- ਗੰਭੀਰ ਪੇਟ ਦਰਦ
- ਸਾਹ ਚੜ੍ਹਣਾ
- ਤੇਜ਼ ਧੜਕਣ
- ਬੁੱਲ੍ਹਾਂ ਜਾਂ ਨਹੁੰ ਦਾ ਰੰਗ ਪੀਲਾ ਜਾਂ ਨੀਲਾ
ਇਹ ਵੀ ਪੜ੍ਹੋ : ਭਾਰਤੀ ਨਾਗਰਿਕਤਾ ਹਾਸਲ ਕਰਨ ਸਿੱਖ ਸ਼ਰਨਾਰਥੀਆਂ ‘ਚ ਉਤਸ਼ਾਹ, ਸਰਕਾਰ ਦਾ ਤਹਿ ਦਿਲੋਂ ਕੀਤਾ ਧੰਨਵਾਦ
ਇਸ ਤੋਂ ਬਚਾਅ ਦਾ ਸਭ ਤੋਂ ਵਧੀਆ ਤਰੀਕਾ ਹੈ ਖੁਦ ਨੂੰ ਕੋਰੋਨਾ ਦੀ ਲਾਗ ਤੋਂ ਬਚਾਉਣਾ। ਅੱਜ ਕੱਲ ਬੱਚੇ ਘਰ ਤੋਂ ਬਾਹਰ ਨਹੀਂ ਜਾ ਰਹੇ ਹਨ। ਉਹ ਸਿਰਫ ਆਪਣੇ ਪਰਿਵਾਰ ਦੇ ਮੈਂਬਰਾਂ ਤੋਂ ਹੀ ਲਾਗ ਵਿੱਚ ਆ ਸਕਦੇ ਹਨ।
