ਪਿਆਜ਼ ਦਾ ਰਸ ਵਾਲਾਂ ਦੀ ਗ੍ਰੋਥ ਵਧਾਉਣ ਲਈ ਜਾਣਿਆ ਜਾਂਦਾ ਹੈ ਕਿਉਂਕਿ ਇਸ ਵਿਚ ਸਲਫਰ ਚੰਗੀ ਮਾਤਰਾ ਵਿਚ ਪਾਇਆ ਜਾਂਦਾ ਹੈ। ਇਹ ਸਕੈਲਪ ਨੂੰ ਹੈਲਦੀ ਬਣਾਉਂਦਾ ਹੈ ਤੇ ਵਾਲਾਂ ਦੀਆਂ ਜੜ੍ਹਾਂ ਨੂੰ ਮਜ਼ਬੂਤ ਕਰਨ ਵਿਚ ਮਦਦ ਕਰਦਾ ਹੈ।
ਹਾਲਾਂਕਿ ਪਿਆਜ਼ ਦੇ ਰਸ ਦੀ ਤੇਜ਼ ਤੇ ਤਿੱਖੀ ਗੰਧ ਦੀ ਵਜ੍ਹਾ ਤੋਂ ਕਈ ਲੋਕ ਇਸ ਦਾ ਇਸਤੇਮਾਲ ਕਰਨ ਤੋਂ ਬਚਦੇ ਹਨ। ਬਦਬੂ ਦੀ ਚਿੰਤਾ ਤੋਂ ਲੋਕ ਇਸ ਦੇ ਫਾਇਦੇ ਜਾਣਦੇ ਹੋਏ ਇਸ ਨੂੰ ਅਪਨਾਉਣ ਵਿਚ ਹਿਚਕਦੇ ਹਨ।
ਚੰਗੀ ਗੱਲ ਇਹ ਹੈ ਕਿ ਪਿਆਜ ਦੇ ਰਸ ਨੂੰ ਕੁਝ ਨੈਚੁਰਲ ਚੀਜ਼ਾਂ ਨਾਲ ਮਿਲਾ ਕੇ ਇਸ ਦੀ ਗੰਧ ਨੂੰ ਕਾਫੀ ਹੱਦ ਤੱਕ ਘੱਟ ਕੀਤਾ ਜਾ ਸਕਦਾ ਹੈ। ਐਲੋਵੇਰਾ ਜੈੱਲ, ਨਾਰੀਅਲ ਤੇਲ ਜਾਂ ਨਿੰਬੂ ਦਾ ਰਸ ਇਸ ਵਿਚ ਮਿਲਾਉਣ ਨਾਲ ਬਦਬੂ ਘੱਟ ਹੁੰਦੀ ਹੈ ਤੇ ਵਾਲਾਂ ਨੂੰ ਵਾਧੂ ਪੌਸ਼ਣ ਵੀ ਮਿਲਦਾ ਹੈ।
ਪਿਆਜ ਦਾ ਰਸ ਲਗਾਉਣ ਲਈ ਕਾਟਨ ਪੈਡ ਜਾਂ ਡ੍ਰੈਪਰ ਦਾ ਇਸਤੇਮਾਲ ਕਰਨਾ ਬੇਹਤਰ ਰਹਿੰਦਾ ਹੈ। ਇਸ ਨਾਲ ਰਸ ਸਿੱਧੇ ਸਕੈਲਪ ਤਕ ਪਹੁੰਚਦਾ ਹੈ ਤੇ ਜ਼ਿਆਦਾ ਗੰਦਗੀ ਵੀ ਨਹੀਂ ਫੈਲਦੀ। ਲਗਾਉਣ ਦੇ ਬਾਅਦ ਹਲਕੇ ਹੱਥਾਂ ਨਾਲ ਮਸਾਜ ਕਰਨਾ ਫਾਇਦੇਮੰਦ ਹੁੰਦਾ ਹੈ। ਰਸ ਲਗਾਉਣ ਦੇ ਬਾਅਦ ਇਸ ਨੂੰ 20 ਤੋਂ 30 ਮਿੰਟ ਤਕ ਸਕੈਲਪ ‘ਤੇ ਛੱਡ ਦੇਣਾ ਚਾਹੀਦਾ। ਇਸ ਦੌਰਾਨ ਇਸ ਦੇ ਪੋਸ਼ਕ ਤੱਤ ਵਾਲਾਂ ਦੀਆਂ ਜੜ੍ਹਾਂ ਵਿਚ ਚੰਗੀ ਤਰ੍ਹਾਂ ਸਮਾ ਜਾਂਦੇ ਹਨ ਤੇ ਅਸਰ ਦਿਖਾਉਣ ਲੱਗਦੇ ਹਨ।
ਵਾਲ ਧੋਂਦੇ ਸਮੇਂ ਮਾਈਲਡ ਜਾਂ ਹਰਬਲ ਸ਼ੈਂਪੂ ਦਾ ਇਸਤੇਮਾਲ ਕਰੋ ਤਾਂ ਕਿ ਗੰਧ ਪੂਰੀ ਤਰ੍ਹਾਂ ਨਿਕਲ ਜਾਵੇ। ਲੋੜ ਹੋਵੇ ਤਾਂ ਸੇਬ ਦੇ ਸਿਰਕੇ ਨੂੰ ਪਾਣੀ ਵਿਚ ਮਿਲਾ ਕੇ ਨਿੰਬੂ ਵਾਲੇ ਪਾਣੀ ਨਾਲ ਰਿੰਸ ਕੀਤਾ ਜਾ ਸਕਦਾ ਹੈ ਪਰ ਗਰਮ ਪਾਣੀ ਤੋਂ ਬਚੋ।
ਬੇਹਤਰ ਨਤੀਜਿਆਂ ਲਈ ਹਫਤੇ ਵਿਚ ਇਕ ਵਾਰ ਪਿਆਜ ਦੇ ਰਸ ਦਾ ਇਸਤੇਮਾਲ ਕਾਫੀ ਹੁੰਦਾ ਹੈ। ਵਾਰ-ਵਾਰ ਲਗਾਉਣ ਨਾਲ ਸਕੈਲਪ ਵਿਚ ਜਲਨ ਹੋ ਸਕਦੀ ਹੈ ਤੇ ਬਦਬੂ ਦੀ ਸਮੱਸਿਆ ਵੀ ਵਧ ਸਕਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
