12th fail filmfare awards2024: ਸਾਲ 2023 ਦੀ ਸਭ ਤੋਂ ਚਰਚਿਤ ਫਿਲਮ ’12ਵੀਂ ਫੇਲ’ ਨੇ ਵੀ ਫਿਲਮਫੇਅਰ ਅਵਾਰਡਸ ‘ਤੇ ਦਬਦਬਾ ਬਣਾਇਆ। ਵਿਕਰਾਂਤ ਮੈਸੀ ਅਤੇ ਮੇਘਾ ਸ਼ੰਕਰ ਸਟਾਰਰ ਇਸ ਫਿਲਮ ਨੂੰ 69ਵੇਂ ਫਿਲਮਫੇਅਰ ਅਵਾਰਡ ਵਿੱਚ ਸਰਵੋਤਮ ਫਿਲਮ ਦਾ ਖਿਤਾਬ ਮਿਲਿਆ। ਵਿਧੂ ਵਿਨੋਦ ਚੋਪੜਾ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਨੂੰ ਸਰਵੋਤਮ ਫਿਲਮ ਦੇ ਨਾਲ ਕਈ ਹੋਰ ਸ਼੍ਰੇਣੀਆਂ ਵਿੱਚ ਪੁਰਸਕਾਰ ਵੀ ਮਿਲੇ ਹਨ।
12th fail filmfare awards2024
ਵਿਧੂ ਵਿਨੋਦ ਚੋਪੜਾ ਦੁਆਰਾ ਨਿਰਦੇਸ਼ਤ ਫਿਲਮ ’12ਵੀਂ ਫੇਲ’ ਆਪਣੀ ਰਿਲੀਜ਼ ਦੇ ਇੰਨੇ ਮਹੀਨਿਆਂ ਬਾਅਦ ਵੀ ਕਿਸੇ ਨਾ ਕਿਸੇ ਕਾਰਨ ਕਰਕੇ ਸੁਰਖੀਆਂ ਵਿੱਚ ਹੈ। ਫਿਲਮ ਦੇਖਣ ਵਾਲੇ ਹਰ ਕਿਸੇ ਨੇ ਕਹਾਣੀ ਤੋਂ ਲੈ ਕੇ ਨਿਰਦੇਸ਼ਨ ਅਤੇ ਕਥਾਨਕ ਤੱਕ ਇਸ ਦੀ ਤਾਰੀਫ ਕੀਤੀ। ਇਸ ਦੇ ਨਾਲ ਹੀ 12ਵੀਂ ਫੇਲ ਨੇ ਬੈਸਟ ਸਕ੍ਰੀਨਪਲੇਅ ਅਤੇ ਬੈਸਟ ਮੂਵੀ ਐਡੀਟਿੰਗ ਦੀਆਂ ਸ਼੍ਰੇਣੀਆਂ ਵਿੱਚ ਵੀ ਜਿੱਤ ਦਰਜ ਕੀਤੀ ਹੈ। ਇਸ ਤੋਂ ਇਲਾਵਾ ਵਿਕਰਾਂਤ ਮੈਸੀ ਨੂੰ ਫਿਲਮ 12ਵੀਂ ਫੇਲ ਲਈ ਸਰਵੋਤਮ ਅਦਾਕਾਰ (ਆਲੋਚਕ) ਦਾ ਐਵਾਰਡ ਮਿਲਿਆ। ਧਿਆਨ ਯੋਗ ਹੈ ਕਿ 12ਵੀਂ ਫੇਲ ਸਾਲ 2023 ਦੀ ਸਭ ਤੋਂ ਸਫਲ ਅਤੇ ਪ੍ਰਸਿੱਧ ਫਿਲਮਾਂ ਵਿੱਚੋਂ ਇੱਕ ਸੀ। ਹੁਣ ਇਸ ਫਿਲਮ ਨੇ 69ਵੇਂ ਫਿਲਮਫੇਅਰ ਐਵਾਰਡਸ ਵਿੱਚ ਵੀ ਹਲਚਲ ਮਚਾ ਦਿੱਤੀ ਹੈ। ਘੱਟ ਬਜਟ ‘ਚ ਬਣੀ ਇਸ ਫਿਲਮ ਨੇ ਬਾਕਸ ਆਫਿਸ ‘ਤੇ ਵੀ ਜ਼ਬਰਦਸਤ ਕਮਾਈ ਕੀਤੀ ਸੀ। ਇਸ ਫਿਲਮ ਨੂੰ ਦਰਸ਼ਕਾਂ ਦੇ ਨਾਲ-ਨਾਲ ਆਲੋਚਕਾਂ ਵੱਲੋਂ ਵੀ ਕਾਫੀ ਪਸੰਦ ਕੀਤਾ ਗਿਆ ਸੀ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
ਇਸ ਦੇ ਨਾਲ ਹੀ ਸਿਨੇਮਾ ਜਗਤ ਦੇ ਦਿੱਗਜਾਂ ਨੇ ਇਸ ਦੀ ਕਾਫੀ ਤਾਰੀਫ ਕੀਤੀ ਸੀ। ਇਸ ਨੂੰ IMDb ‘ਤੇ 9.2 ਦੀ ਰੇਟਿੰਗ ਵੀ ਮਿਲੀ ਹੈ, ਇਸ ਦੇ ਨਾਲ ਹੀ ਇਹ ਭਾਰਤੀ ਸਿਨੇਮਾ ਦੀਆਂ 250 ਫਿਲਮਾਂ ਦੀ ਸੂਚੀ ‘ਚ IMDb ‘ਤੇ 12ਵੀਂ ਸਭ ਤੋਂ ਉੱਚੀ ਰੇਟਿੰਗ ਵਾਲੀ ਫਿਲਮ ਹੈ। ਗੁਜਰਾਤ ਦੇ ਗਾਂਧੀਨਗਰ ਵਿੱਚ 69ਵੀਂ ਫਿਲਮਫੇਅਰ ਐਵਾਰਡਸ ਰੈੱਡ ਕਾਰਪੇਟ ਨਾਈਟ ਦਾ ਆਯੋਜਨ ਕੀਤਾ ਗਿਆ। ਇਸ ਦੀ ਸ਼ੁਰੂਆਤ 27 ਜਨਵਰੀ ਨੂੰ ਹੋਈ ਅਤੇ 28 ਜਨਵਰੀ ਨੂੰ ਵੱਖ-ਵੱਖ ਵਰਗਾਂ ਵਿੱਚ ਇਨਾਮ ਵੰਡੇ ਗਏ। ਇਨ੍ਹਾਂ ‘ਚ ਅਦਾਕਾਰ ਵਿਕਰਾਂਤ ਮੈਸੀ ਦੀ ’12 ਵੀਂ ਫੇਲ’ ਦਾ ਦਬਦਬਾ ਦੇਖਣ ਨੂੰ ਮਿਲਿਆ। ਫਿਲਮ ਨੇ ਚਾਰ ਵਰਗਾਂ ਵਿੱਚ ਜਿੱਤ ਦਰਜ ਕੀਤੀ ਹੈ।
