ਦੇਸ਼ ਵਿੱਚ 2 ਸਾਲਾ ਵਿਸ਼ੇਸ਼ ਬੀ.ਐਡ ਕੋਰਸ ਬੰਦ ਕਰ ਦਿੱਤਾ ਗਿਆ ਹੈ। ਹੁਣ ਇਸ ਕੋਰਸ ਨੂੰ ਮਾਨਤਾ ਨਹੀਂ ਦਿੱਤੀ ਜਾਵੇਗੀ। ਅਕਾਦਮਿਕ ਸੈਸ਼ਨ 2024-2025 ਤੋਂ ਸਿਰਫ਼ ਚਾਰ ਸਾਲਾ ਵਿਸ਼ੇਸ਼ ਬੀ.ਐੱਡ ਕੋਰਸ ਨੂੰ ਮਾਨਤਾ ਦਿੱਤੀ ਜਾਵੇਗੀ। ਰੀਹੈਬਲੀਟੇਸ਼ਨ ਕੌਂਸਲ ਆਫ ਇੰਡੀਆ (ਆਰਸੀਆਈ) ਨੇ ਇਸ ਸਬੰਧੀ ਇੱਕ ਨੋਟਿਸ ਜਾਰੀ ਕੀਤਾ ਹੈ। ਰੀਹੈਬਲੀਟੇਸ਼ਨ ਕੌਂਸਲ ਆਫ਼ ਇੰਡੀਆ ਦੇਸ਼ ਭਰ ਦੀਆਂ ਵੱਖ-ਵੱਖ ਵਿਦਿਅਕ ਸੰਸਥਾਵਾਂ ਵਿੱਚ ਕਰਵਾਏ ਜਾ ਰਹੇ ਵਿਸ਼ੇਸ਼ ਬੀ.ਐੱਡ ਕੋਰਸਾਂ ਨੂੰ ਮਾਨਤਾ ਦਿੰਦੀ ਹੈ। ਆਰਸੀਆਈ ਨੇ ਸਰਕੂਲਰ ਵਿੱਚ ਕਿਹਾ ਹੈ ਕਿ ਰਾਸ਼ਟਰੀ ਸਿੱਖਿਆ ਨੀਤੀ 2020 ਦੇ ਲਾਗੂ ਹੋਣ ਦੇ ਤਹਿਤ ਹੁਣ ਦੋ ਸਾਲਾਂ ਦੇ ਵਿਸ਼ੇਸ਼ ਬੀ.ਐਡ ਕੋਰਸ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਹੁਣ ਸਿਰਫ਼ ਚਾਰ ਸਾਲਾ ਵਿਸ਼ੇਸ਼ ਬੀ.ਐੱਡ ਕੋਰਸ ਨੂੰ ਹੀ ਮਾਨਤਾ ਮਿਲੇਗੀ। ਦੇਸ਼ ਭਰ ਵਿੱਚ ਲਗਭਗ 1000 ਅਜਿਹੀਆਂ ਸੰਸਥਾਵਾਂ/ਯੂਨੀਵਰਸਿਟੀਆਂ ਹਨ ਜਿੱਥੇ ਇਹ ਕੋਰਸ ਪੇਸ਼ ਕੀਤਾ ਜਾ ਰਿਹਾ ਹੈ।
ਆਰਸੀਆਈ ਦੇ ਮੈਂਬਰ ਸਕੱਤਰ ਵਿਕਾਸ ਤ੍ਰਿਵੇਦੀ ਵੱਲੋਂ ਜਾਰੀ ਸਰਕੂਲਰ ਵਿੱਚ ਲਿਖਿਆ ਗਿਆ ਹੈ ਕਿ ਐਨਸੀਟੀਈ ਨੇ ਐਨਈਪੀ-2020 ਦੇ ਤਹਿਤ ਇੰਟੈਗਰੇਟਿਡ ਟੀਚਰਜ਼ ਐਜੂਕੇਸ਼ਨ ਪ੍ਰੋਗਰਾਮ (ਆਈਟੀਈਪੀ) ਵਿੱਚ ਚਾਰ ਸਾਲਾਂ ਦੇ ਬੀਐੱਡ ਪ੍ਰੋਗਰਾਮ ਦਾ ਪ੍ਰਬੰਧ ਕੀਤਾ ਹੈ। ਇਸ ਦੇ ਮੱਦੇਨਜ਼ਰ ਆਰਸੀਆਈ ਨੇ ਵੀ ਸਿਰਫ਼ ਚਾਰ ਸਾਲਾ ਬੀ.ਐਡ ਕੋਰਸ ਚਲਾਉਣ ਦਾ ਫ਼ੈਸਲਾ ਕੀਤਾ ਹੈ। ਆਉਣ ਵਾਲੇ ਸੈਸ਼ਨ ਤੋਂ ਆਰਸੀਆਈ ਵੱਲੋਂ ਸਿਰਫ਼ ਚਾਰ ਸਾਲਾ ਬੀ.ਐੱਡ (ਵਿਸ਼ੇਸ਼ ਸਿੱਖਿਆ) ਕੋਰਸ ਨੂੰ ਮਾਨਤਾ ਦਿੱਤੀ ਜਾਵੇਗੀ।
ਅਧਿਆਪਕਾਂ ਨੂੰ ਵਿਸ਼ੇਸ਼ ਬੀ.ਐਡ ਕੋਰਸ ਵਿੱਚ ਅਪਾਹਜ ਬੱਚਿਆਂ ਨੂੰ ਪੜ੍ਹਾਉਣ ਦੀ ਸਿਖਲਾਈ ਦਿੱਤੀ ਜਾਂਦੀ ਹੈ। ਇਸ ਕੋਰਸ ਦੀ ਸਿਖਲਾਈ ਅਪਾਹਜ ਬੱਚਿਆਂ ਦੀਆਂ ਵਿਸ਼ੇਸ਼ ਲੋੜਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਦਿੱਤੀ ਜਾਂਦੀ ਹੈ। ਇਸ ਵਿੱਚ, ਸੁਣਨ, ਬੋਲਣ, ਨਜ਼ਰ ਦੀ ਕਮਜ਼ੋਰੀ, ਮਾਨਸਿਕ ਅਪੰਗਤਾ ਆਦਿ ਵਾਲੇ ਅਪਾਹਜ ਲੋਕਾਂ ਲਈ ਸਿਲੇਬਸ ਚਲਾਇਆ ਜਾਂਦਾ ਹੈ।
ਇਹ ਵੀ ਪੜ੍ਹੋ : AIIMS ਦਾ ਰਿਕਾਰਡ, ਪਹਿਲੀ ਵਾਰ ਮਰੀਜ਼ ਦੀ ਹੋਸ਼ ‘ਚ ਕੀਤੀ ਸਰਜਰੀ, 5 ਸਾਲਾਂ ਬੱਚੀ ਦਾ ਹੋਇਆ ਆਪ੍ਰੇਸ਼ਨ
ਆਰਸੀਆਈ ਨੇ ਕਿਹਾ ਹੈ ਕਿ ਕੋਈ ਵੀ ਸੰਸਥਾਨ ਜੋ ਚਾਰ ਸਾਲਾਂ ਦਾ ਏਕੀਕ੍ਰਿਤ ਬੀ.ਐੱਡ ਸਪੈਸ਼ਲ ਐਜੂਕੇਸ਼ਨ ਕੋਰਸ (ਜਿਵੇਂ ਕਿ ਐਨਸੀਟੀਈ ਦੇ ਚਾਰ ਸਾਲਾ ਆਈਟੀਈਪੀ ਕੋਰਸ) ਦੀ ਪੇਸ਼ਕਸ਼ ਕਰਨਾ ਚਾਹੁੰਦੇ ਹਨ, ਅਗਲੇ ਅਕਾਦਮਿਕ ਸੈਸ਼ਨ ਲਈ ਅਪਲਾਈ ਕਰ ਸਕਣਗੇ। ਆਨਲਾਈਨ ਪੋਰਟਲ ਖੁੱਲ੍ਹਣ ‘ਤੇ ਉਨ੍ਹਾਂ ਨੂੰ ਅਪਲਾਈ ਕਰਨ ਦਾ ਮੌਕਾ ਮਿਲੇਗਾ।
ਦੱਸਿਆ ਜਾ ਰਿਹਾ ਹੈ ਕਿ NCTE ਸਪੈਸ਼ਲ ਬੀ.ਐੱਡ ਇੰਟੀਗ੍ਰੇਟਿਡ ਕੋਰਸ ਲਈ ਨਵਾਂ ਸਿਲੇਬਸ ਤਿਆਰ ਕਰ ਰਿਹਾ ਹੈ। ਆਰਸੀਆਈ ਇਸ ਕੋਰਸ ਨੂੰ ਲਾਗੂ ਕਰੇਗਾ। NCTE ਦੇ ਸਿਲੇਬਸ ਨੂੰ ਵਿਸ਼ੇਸ਼ ਤੌਰ ‘ਤੇ ਵਿਦਿਆਰਥੀਆਂ ਦੀਆਂ ਲੋੜਾਂ ਮੁਤਾਬਕ ਤਿਆਰ ਕੀਤਾ ਜਾ ਰਿਹਾ ਹੈ।
ਇਸ ਸਬੰਧੀ ਡਾ. ਸ਼ਕੁੰਤਲਾ ਮਿਸ਼ਰਾ ਨੈਸ਼ਨਲ ਰੀਹੈਬਲੀਟੇਸ਼ਨ ਯੂਨੀਵਰਸਿਟੀ, ਲਖਨਊ ਦੇ ਬੁਲਾਰੇ ਡਾ. ਯਸ਼ਵੰਤ ਵੀਰੋਦਏ ਦਾ ਕਹਿਣਾ ਹੈ ਕਿ ਦੋ ਸਾਲਾ ਬੀ.ਐਡ (ਵਿਸ਼ੇਸ਼ ਸਿੱਖਿਆ) ਕੋਰਸ ਦੇ ਭਵਿੱਖ ਬਾਰੇ ਫ਼ੈਸਲਾ ਕਾਰਜਕਾਰੀ ਕੌਂਸਲ ਦੀ ਮੀਟਿੰਗ ਵਿਚ ਲਿਆ ਜਾਵੇਗਾ।
ਵੀਡੀਓ ਲਈ ਕਲਿੱਕ ਕਰੋ –
“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”
