ਕਰਨਾਟਕ ਵਿੱਚ ਇੱਕ ਔਰਤ ਨੂੰ ਆਪਣੀ ਟੈਕਸੀ ਰਾਈਡ ਕੈਂਸਲ ਕਰਨੀ ਭਾਰੀ ਪੈ ਗਈ। ਜਿਵੇਂ ਹੀ ਉਸ ਨੇ ਟੈਕਸੀ ਦੀ ਰਾਈਡ ਕੈਂਸਲ ਕੀਤੀ, ਉਸ ਦਾ ਵ੍ਹਾਟਸਐਪ ਨੰਬਰ ਅਸ਼ਲੀਲ ਤਸਵੀਰਾਂ ਅਤੇ ਵੀਡੀਓ ਨਾਲ ਭਰ ਗਿਆ। 32 ਸਾਲਾਂ ਔਰਤ ਦੀ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਹੁਣ ਉਸ ਟੈਕਸੀ ਡਰਾਈਵਰ ਦੀ ਭਾਲ ਕਰ ਰਹੀ ਹੈ ਜਿਸ ਨੇ ਔਰਤ ਨੂੰ ਇਹ ਤਸਵੀਰਾਂ ਅਤੇ ਵੀਡੀਓ ਭੇਜੇ ਸਨ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਔਰਤ ਨੇ ਦੱਸਿਆ ਕਿ ਉਸ ਨੇ ਰਾਈਡ ਸ਼ੇਅਰਿੰਗ ਐਪ ਰਾਹੀਂ Cab ਬੁੱਕ ਕਰਵਾਈ ਸੀ। ਪਰ ਉਸ ਨੇ ਬਾਅਦ ਵਿੱਚ ਰਾਈਡ ਰੱਦ ਕਰ ਦਿੱਤੀ, ਜਿਸ ਤੋਂ ਬਾਅਦ ਉਸ ਦੇ ਵ੍ਹਾਟਸਐਪ ਨੰਬਰ ‘ਤੇ ਅਸ਼ਲੀਲ ਫੋਟੋਆਂ ਅਤੇ ਵੀਡੀਓ ਭੇਜੇ ਗਏ।
ਔਰਤ ਨੇ ਦੱਸਿਆ ਕਿ ਉਸ ਦੀ ਧੀ ਸਕੂਲ ਤੋਂ ਘਰ ਆਉਂਦੇ ਸਮੇਂ ਪੈਦਲ ਚੱਲਣ ਤੋਂ ਮਨ੍ਹਾ ਕਰ ਰਹੀ ਸੀ, ਜਿਸ ਤੋਂ ਬਾਅਦ ਉਸ ਨੇ Cab ਬੁੱਕ ਕਰਵਾਈ। ਕੈਬ ਬੁੱਕ ਕਰਨ ਦੇ ਕਰੀਬ ਤਿੰਨ ਮਿੰਟ ਬਾਅਦ ਉਸ ਦਾ 6 ਮਹੀਨੇ ਦਾ ਬੱਚਾ ਰੋਣ ਲੱਗ ਪਿਆ। ਉਸ ਨੇ ਲੰਘ ਰਹੇ ਇੱਕ ਆਟੋ ਨੂੰ ਹੱਥ ਦਿੱਤਾ ਅਤੇ ਉਸ ਵਿੱਚ ਬੈਠ ਕੇ ਘਰ ਚਲੀ ਗਈ। ਪਰ ਇਸ ਤੋਂ ਪਹਿਲਾਂ ਉਸ ਨੇ ਕੈਬ ਦੀ ਬੁਕਿੰਗ ਰੱਦ ਕਰ ਦਿੱਤੀ ਸੀ। ਰਾਈਡ ਕੈਂਸਲ ਹੋਣ ਤੋਂ ਬਾਅਦ ਉਸ ਦੀਆਂ ਮੁਸ਼ਕਲਾਂ ਸ਼ੁਰੂ ਹੋ ਗਈਆਂ।
ਔਰਤ ਨੇ ਦੱਸਿਆ ਕਿ ਦੋਸ਼ੀ ਡਰਾਈਵਰ ਦਿਨੇਸ਼ ਨੇ ਉਸ ਨੂੰ ਵਾਰ-ਵਾਰ ਫੋਨ ਕੀਤਾ। ਉਸਨੇ ਉਸਨੂੰ ਟੈਕਸੀ ਲੈਣ ਦੀ ਮੰਗ ਕੀਤੀ ਕਿਉਂਕਿ ਉਸ ਨੇ ਪਹਿਲਾਂ ਹੀ 5 ਕਿਲੋਮੀਟਰ ਚਲਾ ਚੁੱਕਾ ਸੀ ਅਤੇ ਜ਼ੋਰ ਦੇ ਕੇ ਕਿਹਾ ਕਿ ਇਹ ਉਸਦੀ ਜਗ੍ਹਾ ਦੇ ਨੇੜੇ ਹੈ। ਔਰਤ ਨੇ ਉਸ ਤੋਂ ਮੁਆਫੀ ਮੰਗੀ। ਔਰਤ ਨੇ ਦੱਸਿਆ ਕਿ ਮੈਂ ਉਸ ਨੂੰ ਜਲਦੀ ਆਉਣ ਲਈ ਕਿਹਾ ਕਿਉਂਕਿ ਮੇਰਾ ਬੱਚਾ ਰੋ ਰਿਹਾ ਸੀ। ਮੈਂ ਦੋ ਮਿੰਟ ਹੋਰ ਉਡੀਕ ਕੀਤੀ, ਪਰ ਰਸਤੇ ਵਿੱਚ ਕੋਈ ਕੈਬ ਨਹੀਂ ਮਿਲੀ, ਇਸ ਲਈ ਮੈਂ ਇੱਕ ਆਟੋਰਿਕਸ਼ਾ ਲੈ ਲਿਆ। ਉਸ ਦੇ ਸਮਝਾਉਣ ਅਤੇ ਮੁਆਫ਼ੀ ਮੰਗਣ ਦੇ ਬਾਵਜੂਦ ਡਰਾਈਵਰ ਦੀਆਂ ਲਗਾਤਾਰ ਕਾਲਾਂ ਅਤੇ ਮੈਸੇਜ ਆਉਂਦੇ ਰਹੇ। ਇਸ ਤੋਂ ਬਾਅਦ ਉਸਨੇ 9 ਅਕਤੂਬਰ ਨੂੰ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਔਰਤ ਕੋਲ ਡਾਊਨਲੋਡ ਕੀਤੀ ਫੋਟੋ ਦਾ ਸਕਰੀਨ ਸ਼ਾਟ ਸੀ ਜੋ ਉਸ ਨੇ ਉਸਨੂੰ ਭੇਜਿਆ ਸੀ।
ਇਹ ਵੀ ਪੜ੍ਹੋ : ਪਤੀ ਬਹੁਤ ਪਿਆਰ ਕਰਦੈ, ਹਨੀਮੂਨ ਡ੍ਰੈੱਸ ਵਲਗਰ, ਵਕੀਲ ਨੇ ਸ਼ੇਅਰ ਕੀਤੇ ਤਲਾਕ ਦੇ ਹੈਰਾਨ ਕਰਨ ਵਾਲੇ ਕਾਰਨ
ਔਰਤ ਨੇ ਦੱਸਿਆ ਕਿ ਮੈਂ ਉਦੋਂ ਤੱਕ ਰੋ ਰਹੀ ਸੀ। ਮੇਰੇ ਗੁਆਂਢੀਆਂ ਨੇ ਮੇਰਾ ਫ਼ੋਨ ਲੈ ਲਿਆ ਅਤੇ ਡਰਾਈਵਰ ਨੂੰ ਝਿੜਕਿਆ। ਮੇਰੇ ਗੁਆਂਢੀਆਂ ਵੱਲੋਂ ਚੇਤਾਵਨੀ ਦਿੱਤੇ ਜਾਣ ਤੋਂ ਬਾਅਦ ਕਿ ਉਹਨਾਂ ਕੋਲ ਸਾਰੇ ਮੈਸੇਜਿਸ ਦੇ ਸਕਰੀਨ ਸ਼ਾਟ ਸਨ, ਉਸ ਨੇ ਤੁਰੰਤ ਮੈਸੇਜਿਸ ਨੂੰ ਮਿਟਾ ਦਿੱਤਾ ਅਤੇ ਕਾਲ ਨੂੰ ਕੱਟ ਦਿੱਤੀ। ਔਰਤ ਨੇ ਪੁੱਛਿਆ ਕਿ ਰਾਈਡ ਕੈਂਸਲ ਕਰਨ ਤੋਂ ਬਾਅਦ ਡਰਾਈਵਰ ਉਸ ਦਾ ਨੰਬਰ ਕਿਵੇਂ ਲੈ ਸਕਦਾ ਹੈ। ਪੁਲਿਸ ਨੇ ਐਗਰੀਗੇਟਰ ਤੋਂ ਡਰਾਈਵਰ ਦਾ ਵੇਰਵਾ ਮੰਗਿਆ ਹੈ। ਉਸ ਵਿਰੁੱਧ ਆਈਪੀਸੀ ਦੀ ਧਾਰਾ 354 ਅਤੇ ਆਈਟੀ ਐਕਟ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਗਾਇਕ ਕਿਉਂ ਨਹੀਂ ਕਰਾਉਣ ਦਿੰਦੇ ਨਾਲ ਗਾਉਣ ਵਾਲੀ ਕੁੜੀ ਨੂੰ ਵਿਆਹ, ਕੀ ਕੋਈ ਸੁਰਿੰਦਰ ਮਾਨ-ਕਰਮਜੀਤ ਕੰਮੋ ਦੀ ਜੋੜੀ…
