ਅਕਸ਼ੈ ਕੁਮਾਰ ਨੇ ਮਹਾਦੇਵ ਦੇ ਰੂਪ ‘ਚ ਗਾਇਆ ‘ਸ਼ੰਭੂ’ ਗੀਤ, ਖੂਬਸੂਰਤ ਟੀਜ਼ਰ ਕੀਤਾ ਸਾਂਝਾ

akshay Shambhu Song Teaser: ਫਿਲਮਾਂ ਤੋਂ ਇਲਾਵਾ ਅਕਸ਼ੈ ਕੁਮਾਰ ਨੂੰ ਮਿਊਜ਼ਿਕ ਵੀਡੀਓਜ਼ ਲਈ ਵੀ ਤਾਰੀਫ ਮਿਲਦੀ ਹੈ। ‘ਫਿਲਹਾਲ’, ‘ਫਿਲਹਾਲ 2’ ਅਤੇ ‘ਕਿਆ ਲੋਗੇ ਤੁਮ’ ਤੋਂ ਬਾਅਦ ਇੱਕ ਵਾਰ ਫਿਰ ਅਕਸ਼ੈ ਕੁਮਾਰ ਇੱਕ ਮਿਊਜ਼ਿਕ ਵੀਡੀਓ ਲੈ ਕੇ ਆ ਰਹੇ ਹਨ। ਇਹ ਰੋਮਾਂਟਿਕ ਨਹੀਂ, ਸਗੋਂ ਸ਼ਰਧਾ ਨਾਲ ਭਰਪੂਰ ਹੈ। ਅਦਾਕਾਰ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੀ ਆਉਣ ਵਾਲੀ ਮਿਊਜ਼ਿਕ ਵੀਡੀਓ ‘ਸ਼ੰਭੂ’ ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ।

ਫਿਲਮ ‘ਓਐਮਜੀ 2’ ‘ ਚ ਭਗਵਾਨ ਸ਼ਿਵ ਦਾ ਕਿਰਦਾਰ ਨਿਭਾਉਣ ਤੋਂ ਬਾਅਦ ਅਕਸ਼ੈ ਕੁਮਾਰ ਇਕ ਵਾਰ ਫਿਰ ਮਹਾਦੇਵ ਦਾ ਕਿਰਦਾਰ ਨਿਭਾ ਕੇ ਦਰਸ਼ਕਾਂ ਦਾ ਮਨ ਮੋਹ ਲੈਣ ਲਈ ਤਿਆਰ ਹਨ। ਅਕਸ਼ੈ ਦੀ ਤਾਜ਼ਾ ਪੋਸਟ ਨੂੰ ਦੇਖ ਕੇ ਪ੍ਰਸ਼ੰਸਕਾਂ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ। ‘ਬੜੇ ਮੀਆਂ ਛੋਟੇ ਮੀਆਂ’ ਅਦਾਕਾਰ ਅਕਸ਼ੈ ਕੁਮਾਰ ਨੇ 3 ਫਰਵਰੀ 2024 ਨੂੰ ਸੋਸ਼ਲ ਮੀਡੀਆ ‘ਤੇ ਆਉਣ ਵਾਲੇ ਗੀਤ ‘ਸ਼ੰਭੂ’ ਦਾ ਖੂਬਸੂਰਤ ਟੀਜ਼ਰ ਸਾਂਝਾ ਕੀਤਾ ਹੈ। ਟੀਜ਼ਰ ‘ਚ ਅਕਸ਼ੈ ਕੁਮਾਰ ਮਹਾਦੇਵ ਦੇ ਕਿਰਦਾਰ ‘ਚ ਤਾਂਡਵ ਕਰਦੇ ਨਜ਼ਰ ਆ ਰਹੇ ਹਨ। ਅਕਸ਼ੈ ਨੇ ਕਦੇ ਬੇਬਾਕ ਤੇ ਕਦੇ ਹੱਸਮੁੱਖ ‘ਸ਼ੰਭੂ’ ਦੇ ਅਵਤਾਰ ‘ਚ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ। ਉਨ੍ਹਾਂ ਨੇ ਗੀਤ ਦੀ ਰਿਲੀਜ਼ ਡੇਟ ਵੀ ਦੱਸ ਦਿੱਤੀ ਹੈ। ਇਹ ਗੀਤ 5 ਫਰਵਰੀ 2024 ਨੂੰ ਰਿਲੀਜ਼ ਹੋਵੇਗਾ। ਅਦਾਕਾਰ ਨੇ ‘ਜੈ ਮਹਾਕਾਲ’ ਕੈਪਸ਼ਨ ਦੇ ਨਾਲ ਪੋਸਟ ਸ਼ੇਅਰ ਕੀਤੀ ਹੈ।

जय महाकाल 🙏🏻

“SHAMBHU” song video releasing on 5th February, 2024. #Shambhu pic.twitter.com/3eGZo70tiV

— Akshay Kumar (@akshaykumar) February 3, 2024

ਇਸ ਗੀਤ ‘ਚ ਅਕਸ਼ੈ ਕੁਮਾਰ ਨਾ ਸਿਰਫ ਮਹਾਦੇਵ ਦੀ ਭੂਮਿਕਾ ‘ਚ ਨਜ਼ਰ ਆ ਰਹੇ ਹਨ, ਸਗੋਂ ਇਸ ਨੂੰ ਖੁਦ ਅਦਾਕਾਰ ਨੇ ਗਾਇਆ ਹੈ। ਜੀ ਹਾਂ, ਅਦਾਕਾਰ ਨੇ ‘ਸ਼ੰਭੂ’ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ। ਅਕਸ਼ੈ ਕੁਮਾਰ ਦੇ ਸਹਿ-ਗਾਇਕ ਹਨ ਸੁਧੀਰ ਯਾਦੂਵੰਸ਼ੀ ਅਤੇ ਵਿਕਰਮ ਮਾਂਟਰੋਜ਼। ਇਸ ਮਿਊਜ਼ਿਕ ਵੀਡੀਓ ਨੂੰ ਗਣੇਸ਼ ਆਚਾਰਿਆ ਨੇ ਡਾਇਰੈਕਟ ਕੀਤਾ ਹੈ। ਇਸ ਗੀਤ ਦੇ ਬੋਲ ਅਭਿਨਵ ਸ਼ੇਖਰ ਨੇ ਲਿਖੇ ਹਨ, ਜਦਕਿ ਸੰਗੀਤਕਾਰ ਵਿਕਰਮ ਮਾਂਟਰੋਜ਼ ਹਨ। ਅਕਸ਼ੇ ਦੇ ਇਸ ਗੀਤ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਕਮੈਂਟ ਬਾਕਸ ‘ਚ ਤਾਰੀਫਾਂ ਦਾ ਹੜ੍ਹ ਆ ਗਿਆ ਹੈ। ਅਕਸ਼ੈ ਕੁਮਾਰ ਦੀਆਂ ਆਉਣ ਵਾਲੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਹ ‘ਬਡੇ ਮੀਆਂ ਛੋਟੇ ਮੀਆਂ’ , ‘ਸਿੰਘਮ 3’ , ‘ਵੈਲਕਮ ਟੂ ਦ ਜੰਗਲ’ , ‘ਸਕਾਈ ਫੋਰਸ’ ਅਤੇ ਸਟਾਰਟਅੱਪ ਵਰਗੀਆਂ ਫਿਲਮਾਂ ਵਿੱਚ ਨਜ਼ਰ ਆਉਣਗੇ।