ਥਾਣਾ ਸਿਵਲ ਲਾਈਨ ਅਧੀਨ ਪੈਂਦੇ ਕੂਪਰ ਰੋਡ ‘ਤੇ ਸਥਿਤ ਰਾਇਲ ਗੰਨ ਹਾਊਸ ‘ਚ ਤਾਲਾ ਤੋੜ ਕੇ 9 ਡਬਲ ਬੈਰਲ, 3 ਪੰਪ ਐਕਸ਼ਨ ਗੰ.ਨ ਅਤੇ 6 ਲੱਖ ਰੁਪਏ ਦੀ ਚੋਰੀ ਦੇ ਮਾਮਲੇ ਨੂੰ ਪੁਲਸ ਨੇ 15 ਦਿਨਾਂ ‘ਚ ਮਕਬੂਲਪੁਰਾ ਤੋਂ 2 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
amritsar police arrest thief
ਮੁਲਜ਼ਮਾਂ ਕੋਲੋਂ ਚੋਰੀ ਕੀਤੇ ਸਾਰੇ ਹਥਿਆਰ, 21 ਜਿੰਦਾ ਕਾਰਤੂਸ, 8,000 ਰੁਪਏ, ਸਪਲਿੰਟਰ ਅਤੇ 2 ਸੋਨੇ ਦੀਆਂ ਵਾਲੀਆਂ ਬਰਾਮਦ ਕੀਤੀਆਂ ਗਈਆਂ ਹਨ। ਮੁਲਜ਼ਮਾਂ ਦੀ ਪਛਾਣ ਅਜੀਤ ਸਿੰਘ (19) ਉਰਫ ਗੋਲੂ ਵਾਸੀ ਕੋਟ ਹਰਨਾਮਦਾਸ ਸੁਲਤਾਨਵਿੰਡ ਰੋਡ ਅਤੇ ਮਨਦੀਪ ਕੁਮਾਰ (20) ਉਰਫ ਵਾੜਾ ਵਾਸੀ ਜਵਾਲਾ ਮਾਤਾ ਮੰਦਰ ਪਿੰਡ ਖਾਪਰਖੇੜੀ ਵਜੋਂ ਹੋਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
ਇਹ ਚੋਰੀ 21/22 ਫਰਵਰੀ ਦੀ ਰਾਤ ਨੂੰ ਹੋਈ ਸੀ। ਪੁਲੀਸ ਕਮਿਸ਼ਨਰ ਗੁਰਪ੍ਰੀਤ ਸਿੰਘ ਭੁੱਲਰ ਨੇ ਦੱਸਿਆ ਕਿ ਮੁਲਜ਼ਮ ਗੋਲੂ ਖ਼ਿਲਾਫ਼ ਪਹਿਲਾਂ ਵੀ ਥਾਣਾ ਬੀ-ਡਵੀਜ਼ਨ ਵਿੱਚ 4 ਕਿਲੋ 500 ਗ੍ਰਾਮ ਸੋਨਾ ਚੋਰੀ ਕਰਨ ਦਾ ਕੇਸ ਦਰਜ ਹੈ। ਇਸ ਮਾਮਲੇ ‘ਚ ਉਹ ਦਸੰਬਰ ‘ਚ ਹੀ ਜ਼ਮਾਨਤ ‘ਤੇ ਜੇਲ੍ਹ ਤੋਂ ਬਾਹਰ ਆਇਆ ਸੀ। ਸੀਪੀ ਨੇ ਦੱਸਿਆ ਕਿ ਗੋਲੂ ਚੋਰੀ ਦੀ ਵਾਰਦਾਤ ਦਾ ਮਾਸਟਰਮਾਈਂਡ ਸੀ। ਚੋਰੀ ਕਰਨ ਤੋਂ ਪਹਿਲਾਂ ਉਸ ਨੇ ਰੇਕੀ ਕੀਤੀ ਸੀ ਅਤੇ ਭੱਜਣ ਦਾ ਰੂਟ ਪਲਾਨ ਵੀ ਤਿਆਰ ਕੀਤਾ ਸੀ। ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੁਲਜ਼ਮ ਗੰਨ ਹਾਊਸ ਨੇੜੇ ਭੰਡਾਰੀ ਪੁਲ ਦੇ ਹੇਠਾਂ ਰੇਲਵੇ ਟ੍ਰੈਕ ਰਾਹੀਂ ਜੋਦਾ ਫਾਟਕ ਵੱਲ ਨੂੰ ਚਲੇ ਗਏ।
