ਕੈਂਸਰ ਦੇ ਨਕਲੀ ਟੀਕੇ ਨੂੰ ਲੈ ਕੇ WHO ਦੇ ਅਲਰਟ ਤੋਂ ਬਾਅਦ ਭਾਰਤ ਨੇ ਵੀ ਆਪਣੀ ਸਖਤੀ ਵਧਾ ਦਿੱਤੀ ਹੈ। ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ (ਡਬਲਯੂਐਚਓ) ਵੱਲੋਂ ਡਰੱਗ ਸੁਰੱਖਿਆ ਚਿਤਾਵਨੀ ਕਾਰਨ, ਨਕਲੀ ਕੈਂਸਰ ਦੇ ਟੀਕੇ ਐਡਸੇਟ੍ਰਿਸ ਦੀ ਆਵਾਜਾਈ ਅਤੇ ਵਿਕਰੀ ‘ਤੇ ਨਿਗਰਾਨੀ ਵਧਾ ਦਿੱਤੀ ਗਈ ਹੈ। ਗਲੋਬਲ ਹੈਲਥ ਬਾਡੀ ਭਾਵ WHO ਨੇ ਭਾਰਤ ਨੂੰ ਦੱਸਿਆ ਕਿ ਦੇਸ਼ ਵਿੱਚ ਘੱਟੋ-ਘੱਟ ਅੱਠ ਵੱਖ-ਵੱਖ ਬੈਚ ਨੰਬਰਾਂ ਦੇ ਨਕਲੀ ਟੀਕਿਆਂ ਦੇ ਸੰਸਕਰਣ ਪ੍ਰਚਲਿਤ ਹਨ।
ਦਰਅਸਲ, WHO ਯਾਨੀ ਵਿਸ਼ਵ ਸਿਹਤ ਸੰਗਠਨ ਵੱਲੋਂ ਭਾਰਤ ਸਮੇਤ ਚਾਰ ਦੇਸ਼ਾਂ ਵਿੱਚ ਨਕਲੀ ਟੀਕੇ ਪਾਏ ਜਾਣ ਤੋਂ ਬਾਅਦ, ਕੇਂਦਰੀ ਡਰੱਗ ਸਟੈਂਡਰਡ ਕੰਟਰੋਲ ਆਰਗੇਨਾਈਜ਼ੇਸ਼ਨ (CDSCO) ਨੇ 5 ਸਤੰਬਰ ਨੂੰ ਇੱਕ ਅਲਰਟ ਜਾਰੀ ਕਰਕੇ ਦੇਸ਼ ਭਰ ਦੇ ਡਰੱਗ ਰੈਗੂਲੇਟਰਾਂ ਨੂੰ ਰੈਂਡਮ ਸੈਂਪਲ ਲੈਣ ਦਾ ਨਿਰਦੇਸ਼ ਦਿੱਤਾ ਸੀ। ਰਾਸ਼ਟਰੀ ਰੈਗੂਲੇਟਰੀ ਏਜੰਸੀ ਨੇ ਡਾਕਟਰਾਂ ਅਤੇ ਸਿਹਤ ਸੰਭਾਲ ਪੇਸ਼ੇਵਰਾਂ ਨੂੰ ਇਹ ਵੀ ਕਿਹਾ ਕਿ ਉਹ ਦਵਾਈ ਨੂੰ ‘ਸਾਵਧਾਨੀ ਨਾਲ ਲਿਖਣ’ ਅਤੇ ਆਪਣੇ ਮਰੀਜ਼ਾਂ ਨੂੰ ਦਵਾਈ ਦੇ ਕਿਸੇ ਵੀ ਮਾੜੇ ਸਾਈਡ ਇਫੈਕਟ ਦੀ ਰਿਪੋਰਟ ਕਰਨ ਲਈ ਜਾਗਰੂਕ ਕਰਨ।
ਦੱਸ ਦੇਈਏ ਕਿ ਜਪਾਨੀ ਦਵਾਈ ਕੰਪਨੀ ਟਾਕੇਡਾ ਫਾਰਮਾਸਿਊਟਿਕਲਸ ਵੱਲੋਂ ਬਣਾਈ ਐਡਸੇਟ੍ਰਿਸ ਇੰਜੈਕਸ਼ਨ ਇੱਕ ਅਹਿਮ ਦਵਾਈ ਹੈ, ਜਿਸ ਦੀ ਵਰਤੋਂ ਕੀਮੋਥੈਰੇਪੀ ਦੇ ਨਾਲ ਸੁਮੇਲ ਵਿੱਚ ਪਹਿਲਾਂ ਤੋਂ ਅਨਟ੍ਰੀਟੇਡ ਸਟੇਜ 3 ਜਾਂ 4 ਦੇ ਕਲਾਸੀਕਲ ਹਾਜਕਿਨ ਲਿੰਫੋਮਾ ਵਾਲੇ ਬਾਲਗ ਰੋਗੀਆਂ ਦੇ ਇਲਾਜ ਲਈ ਕੀਤੀ ਜਾਂਦੀ ਹੈ, ਇਹ ਪਹਿਲਾਂ ਤੋਂ ਅਨਟ੍ਰੀਟੇਡ ਹਾਈ ਰਿਸਕ ਵਾਲੇ ਕਲਾਸੀਕਲ ਹਾਜਕਿਨ ਲਿੰਫੋਮਾ ਵਾਲੇ ਦੋ ਸਾਲਾਂ ਤੋਂ ਵੱਧ ਉਮਰ ਦੇ ਬੱਚਿਆਂ ਨੂੰ ਵੀ ਦਿੱਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : ‘ਭਾਰਤ ਨੇ 47 ਸਾਲਾਂ ਦਾ ਕੰਮ 6 ਸਾਲਾਂ ‘ਚ ਕਰ ਵਿਖਾਇਆ’- ਵਰਲਡ ਬੈਂਕ ਨੇ ਮੋਦੀ ਸਰਕਾਰ ਦੀ ਕੀਤੀ ਖ਼ੂਬ ਤਾਰੀਫ਼
ਇੱਕ ਈਮੇਲ ਦੇ ਜਵਾਬ ਵਿੱਚ ਜਾਪਾਨੀ ਫਾਰਮਾਸਿਊਟੀਕਲ ਕੰਪਨੀ ਟੇਕੇਡਾ ਦੇ ਇੱਕ ਬੁਲਾਰੇ ਨੇ ਇੱਕ ਨਿਊਜ਼ ਚੈਨਲ ਨੂੰ ਦੱਸਿਆ ਕਿ ਅਸੀਂ ਜ਼ੋਰਦਾਰ ਸਿਫ਼ਾਰਿਸ਼ ਕਰਦੇ ਹਾਂ ਕਿ ਐਡਸੇਟ੍ਰਿਸ ਨੂੰ ਸਿਰਫ ਟੇਕੇਡਾ-ਅਧਿਕਾਰਤ ਵੰਡ ਸਰੋਤਾਂ ਤੋਂ ਹੀ ਖਰੀਦਿਆ ਜਾਣਾ ਚਾਹੀਦਾ ਹੈ। ਬੁਲਾਰੇ ਨੇ ਅੱਗੇ ਕਿਹਾ ਕਿ ‘ਨਕਲੀ ਮੈਡੀਕਲ ਉਤਪਾਦ ਜਨਤਕ ਸਿਹਤ ਲਈ ਮਹੱਤਵਪੂਰਨ ਖ਼ਤਰਾ ਹਨ। ਟੇਕੇਡਾ ਇੰਡੀਆ ਆਪਣੇ ਉਤਪਾਦਾਂ ਦੀ ਅਖੰਡਤਾ ਅਤੇ ਮਰੀਜ਼ਾਂ ਦੀ ਸੁਰੱਖਿਆ ਦੀ ਰੱਖਿਆ ਕਰਨ ਲਈ ਨਕਲੀ ਦਵਾਈਆਂ ਵਿਰੁੱਧ ਲੜਾਈ ਦਾ ਸਮਰਥਨ ਕਰਨ ਲਈ ਵਚਨਬੱਧ ਹੈ, ਜੋ ਕਿ ਸਾਡੀ ਪ੍ਰਮੁੱਖ ਤਰਜੀਹ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
ਜਗਰਾਤੇ ਵਾਲੀ ਵੀਡੀਓ ਦੇ ਵਿਵਾਦ ਤੋਂ ਬਾਅਦ ਮਾਸਟਰ ਸਲੀਮ ਦਾ ਪਹਿਲਾ Interview, ਘੱਨਈਆ ਮਿੱਤਲ ਦੇ ਕੱਲੇ-ਕੱਲੇ ਸਵਾਲਾਂ ਦੇ ਦਿੱਤੇ ਠੋਕਵੇਂ ਜਵਾਬ…
