ਉੱਤਰ ਪ੍ਰਦੇਸ਼ ਵਿੱਚ ਇੱਕ ਕੁੜੀ ਨੇ ਮੁੰਡਾ ਬਣ ਕੇ ਆਪਣੀ ਹੀ ਦੋਸਤ ਨਾਲ ਮੰਗਣੀ ਕਰਵਾਈ ਹੈ। ਮੰਗਣੀ ਮਗਰੋਂ ਵਿਆਹ ਦੀ ਤਰੀਕ ਵੀ ਤੈਅ ਹੋ ਗਈ ਹੈ। ਉਸ ਨੇ ਆਪਣਾ ਨਾਂ ਬਦਲ ਕੇ ਹੁਣ ਸਰਿਤਾ ਤੋਂ ਸ਼ਰਦ ਸਿੰਘ ਰੱਖ ਲਿਆ ਹੈ ਤੇ ਆਪਣੇ ਦੋਸਤ ਦੇ ਘਰ ਨਵੰਬਰ ਵਿੱਚ ਬਰਾਤ ਲੈ ਕੇ ਜਾਏਗਾ। ਵਿਆਹ ਨੂੰ ਲੈ ਕੇ ਦੋਵੇਂ ਪਰਿਵਾਰ ਵਾਲੇ ਤਿਆਰੀਆਂ ਵਿੱਚ ਲੱਗ ਗਏ ਹਨ।
ਦੱਸ ਦੇਈਏ ਕਿ ਪਿਛਲੇ ਸਾਲ ਆਪਣਾ ਲਿੰਗ ਬਦਲ ਕੇ ਨਵੀਂ ਪਛਾਣ ਬਣਾਉਣ ਵਾਲੇ ਸ਼ਰਦ ਸਿੰਘ ਨੇ ਬੀਤੇ ਸ਼ੁੱਕਰਵਾਰ ਨੂੰ ਪੀਲੀਭੀਤ ਦੀ ਰਹਿਣ ਵਾਲੀ ਆਪਣੀ ਦੋਸਤ ਸਵਿਤਾ ਸਿੰਘ ਨਾਲ ਮੰਗਣੀ ਕੀਤੀ ਸੀ। ਪਹਿਲਾਂ ਤਾਂ ਦੋਵਾਂ ਦੇ ਪਰਿਵਾਰ ਵਾਲੇ ਇਨ੍ਹਾਂ ਦੇ ਰਿਸ਼ਤੇ ਤੋਂ ਇਨਕਾਰ ਕਰ ਰਹੇ ਸਨ ਪਰ ਹੁਣ ਹਰ ਕੋਈ ਉਨ੍ਹਾਂ ਦੇ ਰਿਸ਼ਤੇ ਤੋਂ ਬਹੁਤ ਖੁਸ਼ ਹੈ। 23 ਨਵੰਬਰ ਨੂੰ ਸ਼ਰਦ ਸਿੰਘ ਦੇ ਵਿਆਹ ਦੀ ਬਰਾਤ ਸ਼ਾਹਜਹਾਂਪੁਰ ਤੋਂ ਪੀਲੀਭੀਤ ਤੱਕ ਜਾਵੇਗੀ।
ਆਪਣੇ ਦੋਸਤ ਨਾਲ ਮੰਗਣੀ ਤੋਂ ਬਾਅਦ ਸ਼ਰਦ ਨੇ ਦੱਸਿਆ ਕਿ ਉਸ ਨੂੰ ਬਚਪਨ ਤੋਂ ਹੀ ਮੁੰਡਿਆਂ ਵਾਲੀ ਫੀਲਿੰਗ ਸੀ। ਇੱਕ ਕੁੜੀ ਹੋਣ ਦੇ ਨਾਤੇ ਉਸ ਨੂੰ ਵੀ ਦੂਜੇ ਮੁੰਡਿਆਂ ਵਾਂਗ ਇੱਕ ਕੁੜੀ ਨਾਲ ਪਿਆਰ ਹੋ ਗਿਆ। ਇਹ ਪਿਆਰ ਇੱਕ ਤਰਫਾ ਨਹੀਂ ਸੀ। ਇਹ ਪਿਆਰ 18 ਸਾਲ ਪੁਰਾਣਾ ਹੈ। ਸ਼ਰਦ ਨੇ ਦੱਸਿਆ ਕਿ ਉਹ ਸਾਲਾਂ ਤੋਂ ਆਪਣੀ ਗਰਲਫ੍ਰੈਂਡ ਨਾਲ ਹੈ। ਉਨ੍ਹਾਂ ਨੂੰ ਆਪਣੇ ਪਰਿਵਾਰ ਦੇ ਵਿਰੋਧ ਦਾ ਵੀ ਸਾਹਮਣਾ ਕਰਨਾ ਪਿਆ ਪਰ ਉਨ੍ਹਾਂ ਦਾ ਸਾਥ ਨਹੀਂ ਛੱਡਿਆ। ਜਦੋਂ ਪ੍ਰੇਮਿਕਾ ਦੇ ਪਰਿਵਾਰ ਵਾਲੇ ਨਰਮ ਪਏ ਤਾਂ ਰਿਸ਼ਤਾ ਤੈਅ ਹੋ ਗਿਆ। ਸ਼ਰਦ ਨੇ ਦੱਸਿਆ ਕਿ ਉਹ 23 ਨਵੰਬਰ ਨੂੰ ਆਪਣੀ ਪ੍ਰੇਮਿਕਾ ਨਾਲ ਵਿਆਹ ਕਰੇਗਾ। ਪ੍ਰੇਮਿਕਾ ਉਸ ਦੇ ਹੀ ਭਾਈਚਾਰੇ ਦੀ ਹੈ ਅਤੇ ਦੂਰ ਦੀ ਰਿਸ਼ਤੇਦਾਰ ਹੈ।
ਸਰਿਤਾ ਸਿੰਘ ਨੇ ਪਿਛਲੇ ਸਾਲ ਆਪਣਾ ਲਿੰਗ ਬਦਲਿਆ ਸੀ। ਸਰਿਤਾ ਸਿੰਘ, ਜਿਸ ਨੇ ਲਿੰਗ ਪਰਿਵਰਤਨ ਕਰਵਾ ਕੇ ਇੱਕ ਲੜਕੇ ਵਜੋਂ ਨਵੀਂ ਪਛਾਣ ਹਾਸਲ ਕੀਤੀ, ਉਹ ਸ਼ਹੀਦ ਠਾਕੁਰ ਰੋਸ਼ਨ ਸਿੰਘ ਦੀ ਪੜਪੋਤੀ ਹੈ। ਸ਼ਰਦ ਉਸਦਾ ਉਪਨਾਮ ਸੀ। ਸਰਿਤਾ ਤੋਂ ਸ਼ਰਦ ਬਣਨ ਤੋਂ ਬਾਅਦ ਉਸ ਨੂੰ ਟਰਾਂਸਜੈਂਡਰ ਕਾਰਡ ਵੀ ਦਿੱਤਾ ਗਿਆ ਅਤੇ ਫਾਈਨਲ ਮੇਲ ਕਾਰਡ ਬਣਾਉਣ ਦੀ ਪ੍ਰਕਿਰਿਆ ਚੱਲ ਰਹੀ ਹੈ। ਸਰਿਤਾ ਸਿੰਘ ਜੋ ਹੁਣ ਸ਼ਰਦ ਬਣ ਚੁੱਕੀ ਹੈ, ਬੇਸਿਕ ਸਿੱਖਿਆ ਵਿਭਾਗ ਵਿੱਚ ਅਧਿਆਪਕ ਹੈ। ਸ਼ਾਹਜਹਾਂਪੁਰ ਜ਼ਿਲ੍ਹੇ ਦੇ ਖੁਦਾਗੰਜ ਬਲਾਕ ਦੇ ਪਿੰਡ ਨਵਾਦਾ ਦਾਰੋਬਸਤ ਦੀ ਰਹਿਣ ਵਾਲੀ ਅਤੇ ਕਾਕੋਰੀ ਕਾਂਡ ਦੇ ਨਾਇਕ ਠਾਕੁਰ ਰੌਸ਼ਨ ਸਿੰਘ ਦੀ ਪੜਪੋਤੀ ਸਰਿਤਾ ਸਿੰਘ ਨੂੰ 2020 ਵਿੱਚ ਬੇਸਿਕ ਐਜੂਕੇਸ਼ਨ ਵਿਭਾਗ ਵਿੱਚ ਅਧਿਆਪਕ ਵਜੋਂ ਨੌਕਰੀ ਮਿਲੀ ਸੀ। ਲੱਤਾਂ ਤੋਂ ਅਪਾਹਜ ਸਰਿਤਾ ਤੋਂ ਸ਼ਰਦ ਬਣਨ ਤੱਕ ਦੇ ਸਫਰ ‘ਚ ਕਈ ਮੁਸ਼ਕਿਲਾਂ ਆਈਆਂ ਪਰ ਸਰਿਤਾ ਨੇ ਸ਼ਰਦ ਬਣਨ ਲਈ ਹਰ ਮੁਸ਼ਕਿਲ ਦਾ ਸਾਹਮਣਾ ਕੀਤਾ।
ਇਹ ਵੀ ਪੜ੍ਹੋ : ਕਰਵਾ ਚੌਥ ‘ਤੇ ‘ਸੱਤ ਜਨਮਾਂ ਦੇ ਰਿਸ਼ਤੇ’ ਦਾ ਦਰ.ਦਨਾਕ ਅੰਤ, ਪਤਨੀ ਨੇ ਨਹੀਂ ਰੱਖਿਆ ਵਰਤ, ਫੌਜੀ ਨੇ ਦੇ ਦਿੱਤੀ ਜਾ.ਨ
ਲਿੰਗ ਪਰਿਵਰਤਨ ਕਰਾਉਣ ਵਾਲੀ ਸਰਿਤਾ ਤੋਂ ਸ਼ਰਤ ਨੇ ਦੱਸਿਆ ਸੀ ਕਿ ਉਸ ਨੂੰ ਬਚਪਨ ਤੋਂ ਹੀ ਮੁੰਡਿਆਂ ਵਾਲੀ ਫੀਲਿੰਗ ਸੀ। ਕੁਦਰਤ ਨੇ ਭਾਵੇਂ ਉਸ ਨੂੰ ਕੁੜੀ ਬਣਾਇਆ ਸੀ ਪਰ ਜਦੋਂ ਵੀ ਕੋਈ ਉਸ ਨੂੰ ਕੁੜੀ ਸਮਝਦਾ ਸੀ ਤਾਂ ਉਸ ਨੂੰ ਬਹੁਤ ਬੁਰਾ ਲੱਗਦਾ ਸੀ। ਉਸ ਨੂੰ ਆਪਣੇ ਚਿਹਰੇ ‘ਤੇ ਦਾੜ੍ਹੀ ਅਤੇ ਮੁੱਛਾਂ ਪਸੰਦ ਸਨ। ਲਿੰਗ ਪਰਿਵਰਤਨ ਤੋਂ ਬਾਅਦ ਉਸ ਦੇ ਚਿਹਰੇ ‘ਤੇ ਦਾੜ੍ਹੀ ਅਤੇ ਮੁੱਛਾਂ ਵੀ ਆ ਗਈਆਂ।
ਸ਼ਰਦ ਰੋਸ਼ਨ ਸਿੰਘ ਨੇ ਦੱਸਿਆ ਕਿ ਉਹ ਆਪਣਾ ਲਿੰਗ ਬਦਲ ਕੇ ਮਰਦ ਬਣਨਾ ਚਾਹੁੰਦਾ ਸੀ ਪਰ ਪਰਿਵਾਰ ਵਿੱਚ ਆਪਣੀ ਮਾਂ ਨੂੰ ਮਨਾਉਣਾ ਬਹੁਤ ਮੁਸ਼ਕਲ ਸੀ। ਇਸ ਕਾਰਨ ਮਾਂ ਨੂੰ ਮਨਾਉਣ ਵਿੱਚ ਕੁਝ ਸਮਾਂ ਲੱਗਿਆ। ਭਰਾ ਪੜ੍ਹੇ ਲਿਖੇ ਹਨ, ਇਸ ਲਈ ਉਹ ਝੱਟ ਮੰਨ ਗਏ। ਦੂਜੇ ਪਾਸੇ, ਭਰਾਵਾਂ ਨੂੰ ਯਕੀਨਨ ਚਿੰਤਾ ਸੀ ਕਿ ਕੋਈ ਵੱਡੀ ਸਮੱਸਿਆ ਨਾ ਆ ਜਾਵੇ। ਮਾਂ ਨੂੰ ਮਨਾਉਣ ਤੋਂ ਬਾਅਦ ਕੌਂਸਲਿੰਗ ਆਦਿ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ।
ਵੀਡੀਓ ਲਈ ਕਲਿੱਕ ਕਰੋ : –
