ਧਨਤੇਰਸ ਤੇ ਦੀਵਾਲੀ ਤੋਂ ਪਹਿਲਾਂ ਸੋਨਾ ਖਰੀਦਣ ਵਾਲਿਆਂ ਲਈ ਚੰਗੀ ਖਬਰ ਹੈ । ਯੂਪੀ ਦੇ ਵਾਰਾਣਸੀ ਵਿੱਚ ਬੁੱਧਵਾਰ ਨੂੰ ਸੋਨੇ ਦੀਆਂ ਕੀਮਤਾਂ ਵਿੱਚ ਫਿਰ ਤੋਂ ਗਿਰਾਵਟ ਦਰਜ ਕੀਤੀ ਗਈ ਹੈ । ਸਰਾਫਾ ਬਾਜ਼ਾਰ ਖੁੱਲ੍ਹਣ ਨਾਲ ਸੋਨਾ 100 ਰੁਪਏ ਪ੍ਰਤੀ 10 ਗ੍ਰਾਮ ਸਸਤਾ ਹੋਇਆ । ਇਸ ਤੋਂ ਪਹਿਲਾਂ ਵੀ 7 ਨਵੰਬਰ ਨੂੰ ਸੋਨੇ ਦੀਆਂ ਕੀਮਤਾਂ ਵਿੱਚ 150 ਰੁਪਏ ਦੀ ਕਮੀ ਆਈ ਸੀ। ਜੇ ਇੱਥੇ ਚਾਂਦੀ ਦੀ ਗੱਲ ਕੀਤੀ ਜਾਵੇ ਤਾਂ ਇਸਦੀ ਕੀਮਤ ਵਿੱਚ ਵੀ ਗਿਰਾਵਟ ਆਈ ਹੈ । ਬੁੱਧਵਾਰ ਨੂੰ ਚਾਂਦੀ 700 ਰੁਪਏ ਪ੍ਰਤੀ ਕਿਲੋ ਡਿੱਗ ਕੇ 75,500 ਰੁਪਏ ਹੋ ਗਈ ਹੈ ।
Gold silver price today
ਵਾਰਾਣਸੀ ਦੇ ਸਰਾਫਾ ਬਾਜ਼ਾਰ ਵਿੱਚ 8 ਨਵੰਬਰ ਨੂੰ 22 ਕੈਰੇਟ 10 ਗ੍ਰਾਮ ਸੋਨੇ ਦੀ ਕੀਮਤ 100 ਰੁਪਏ ਡਿੱਗ ਕੇ 56,400 ਰੁਪਏ ਹੋ ਗਈ । ਉੱਥੇ ਹੀ 7 ਨਵੰਬਰ ਨੂੰ ਇਸ ਦੀ ਕੀਮਤ 56,500 ਰੁਪਏ ਸੀ । ਇਸ ਤੋਂ ਪਹਿਲਾਂ 6 ਨਵੰਬਰ ਨੂੰ ਇਸ ਦੀ ਕੀਮਤ 56,650 ਰੁਪਏ ਸੀ। ਉੱਥੇ ਹੀ 4 ਅਤੇ 5 ਨਵੰਬਰ ਨੂੰ ਇਸ ਦੀ ਕੀਮਤ 56,750 ਰੁਪਏ ਸੀ।
ਇਹ ਵੀ ਪੜ੍ਹੋ: ਤਰਨਤਾਰਨ ਦੇ ਤੁੰਗ ਪਿੰਡ ‘ਚ ਵੱਡੀ ਵਾ.ਰਦਾਤ, ਇੱਕੋ ਪਰਿਵਾਰ ਦੇ ਤਿੰਨ ਜੀਆਂ ਦਾ ਬੇ.ਰਹਿਮੀ ਨਾਲ ਕ.ਤਲ
22 ਕੈਰੇਟ ਤੋਂ ਇਲਾਵਾ ਜੇਕਰ 24 ਕੈਰੇਟ 10 ਗ੍ਰਾਮ ਸ਼ੁੱਧ ਸੋਨੇ ਦੀ ਗੱਲ ਕੀਤੀ ਜਾਵੇ ਤਾਂ ਬੁੱਧਵਾਰ ਨੂੰ ਇਸ ਦੀ ਕੀਮਤ 110 ਰੁਪਏ ਡਿੱਗ ਕੇ 59,990 ਰੁਪਏ ਹੋ ਗਈ। ਇਸ ਤੋਂ ਪਹਿਲਾਂ 7 ਨਵੰਬਰ ਨੂੰ ਇਸ ਦੀ ਕੀਮਤ 60,100 ਰੁਪਏ ਸੀ। ਵਾਰਾਣਸੀ ਦੇ ਸਰਾਫਾ ਕਾਰੋਬਾਰੀ ਨਿਤਿਨ ਅਗਰਵਾਲ ਨੇ ਦੱਸਿਆ ਕਿ ਨਵੰਬਰ ਦੇ ਇਸ ਹਫਤੇ ਵਿੱਚ ਹੌਲੀ ਰਫਤਾਰ ਨਾਲ ਗਿਰਾਵਟ ਦਾ ਦੌਰ ਜਾਰੀ ਹੈ। ਉਮੀਦ ਹੈ ਕਿ ਭਵਿੱਖ ਵਿੱਚ ਇਸ ਦੀ ਕੀਮਤ ਵਿੱਚ ਕੁਝ ਉਤਰਾਅ-ਚੜ੍ਹਾਅ ਹੋ ਸਕਦਾ ਹੈ।
Gold silver price today
ਸੋਨੇ ਤੋਂ ਇਲਾਵਾ ਜੇਕਰ ਇੱਥੇ ਚਾਂਦੀ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਬੁੱਧਵਾਰ ਨੂੰ ਇਸ ਦੀ ਕੀਮਤ 700 ਰੁਪਏ ਪ੍ਰਤੀ ਕਿਲੋ ਦੀ ਕਮੀ ਆਈ ਹੈ, ਜਿਸ ਤੋਂ ਬਾਅਦ ਇਸ ਦੀ ਕੀਮਤ 75,500 ਰੁਪਏ ਹੋ ਗਈ। ਜਦੋਂ ਕਿ 7 ਨਵੰਬਰ ਨੂੰ ਇਸ ਦੀ ਕੀਮਤ 78,200 ਰੁਪਏ ਸੀ। ਇਸ ਤੋਂ ਪਹਿਲਾਂ 6 ਨਵੰਬਰ ਨੂੰ ਇਸ ਦੀ ਕੀਮਤ 78,000 ਰੁਪਏ ਸੀ।
ਵੀਡੀਓ ਲਈ ਕਲਿੱਕ ਕਰੋ : –
