ਨਵੇਂ ਸਾਲ ਦੀ ਚੜ੍ਹਦੀ ਸਵੇਰ ਹੀ ਆਮ ਲੋਕਾਂ ਲਈ ਰਾਹਤ ਭਰੀ ਖਬਰ ਆਈ ਹੈ। LPG (ਤਰਲ ਪੈਟਰੋਲੀਅਮ ਗੈਸ) ਸਿਲੰਡਰ ਅੱਜ ਤੋਂ 14 ਰੁਪਏ 50 ਪੈਸੇ ਸਸਤਾ ਹੋ ਗਿਆ ਹੈ। ਸਿਲੰਡਰ ਦੇ ਰੇਟਾਂ ਵਿੱਚ ਇਹ ਕਟੌਤੀ ਦਿੱਲੀ ਤੋਂ ਪਟਨਾ ਜਾਂ ਇੰਝ ਕਹੀਏ ਕਿ ਪੂਰੇ ਦੇਸ਼ ਵਿੱਚ ਹੋਈ ਹੈ। LPG ਗੈਸ ਸਿਲੰਡਰ ਦੇ ਰੇਟਾਂ ‘ਚ ਇਹ ਰਾਹਤ ਸਿਰਫ 19 ਕਿਲੋ ਦੇ ਕਮਰਸ਼ੀਅਲ LPG ਸਿਲੰਡਰ ‘ਚ ਹੀ ਮਿਲੀ ਹੈ। ਘਰੇਲੂ ਗੈਸ ਸਿਲੰਡਰ ਯਾਨੀ 14 ਕਿਲੋ ਦੇ ਐਲਪੀਜੀ ਸਿਲੰਡਰ ਦੀ ਕੀਮਤ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਦਿੱਲੀ ਵਿੱਚ ਅੱਜ 1 ਜਨਵਰੀ ਤੋਂ 19 ਕਿਲੋ ਦਾ ਇੰਡੇਨ ਐਲਪੀਜੀ ਸਿਲੰਡਰ 1804 ਰੁਪਏ ਵਿੱਚ ਮਿਲੇਗਾ। ਪਿਛਲੇ ਮਹੀਨੇ ਇਹ 1818.50 ਰੁਪਏ ਸੀ। ਇਹੀ ਕਮਰਸ਼ੀਅਲ ਸਿਲੰਡਰ ਹੁਣ ਕੋਲਕਾਤਾ ਵਿੱਚ 1911 ਰੁਪਏ ਹੈ। ਦਸੰਬਰ ਵਿੱਚ ਇਹ 1927 ਰੁਪਏ ਹੋ ਗਿਆ ਸੀ। ਨਵੰਬਰ ਵਿੱਚ ਵੀ ਇਹ 1911.50 ਰੁਪਏ ਸੀ।
ਮੁੰਬਈ ਵਿੱਚ ਐਲਪੀਜੀ ਸਿਲੰਡਰ ਦੀ ਕੀਮਤ ਵਿੱਚ 16 ਰੁਪਏ ਦੀ ਕਮੀ ਆਈ ਹੈ। ਇੱਥੇ ਇਹ ਕਮਰਸ਼ੀਅਲ ਐਲਪੀਜੀ ਸਿਲੰਡਰ 1771 ਰੁਪਏ ਦੀ ਬਜਾਏ 1756 ਰੁਪਏ ਵਿੱਚ ਮਿਲੇਗਾ। ਕੋਲਕਾਤਾ ‘ਚ ਇਸ ਦੀ ਕੀਮਤ 1 ਜਨਵਰੀ ਤੋਂ 1980.50 ਰੁਪਏ ਦੀ ਬਜਾਏ 1966 ਰੁਪਏ ਹੋ ਗਈ ਹੈ। ਹੁਣ ਪਟਨਾ ਵਿੱਚ ਉਹੀ ਸਿਲੰਡਰ 2072.5 ਰੁਪਏ ਦੀ ਬਜਾਏ 2057 ਰੁਪਏ ਵਿੱਚ ਮਿਲੇਗਾ।
ਇਹ ਵੀ ਪੜ੍ਹੋ : ਨਵੇਂ ਸਾਲ ਦੇ ਜਸ਼ਨ ਵਿਚਾਲੇ ਵੰਡਰਲੈਂਡ ਨੂੰ ਬੰ/ਬ ਨਾਲ ਉ.ਡਾ/ਉਣ ਦੀ ਧ.ਮ/ਕੀ, ਲਿਖਿਆ-‘ਓਪਨ ਚੈਲੰਜ’
6 ਮਹੀਨਿਆਂ ਬਾਅਦ ਕਮਰਸ਼ੀਅਲ ਗੈਸ ਸਿਲੰਡਰ ਦੀ ਕੀਮਤ ‘ਚ ਕਟੌਤੀ ਕੀਤੀ ਗਈ ਹੈ। ਜਨਵਰੀ ਤੋਂ ਪਹਿਲਾਂ, ਕਮਰਸ਼ੀਅਲ ਗੈਸ ਸਿਲੰਡਰ ਲਗਾਤਾਰ 6 ਮਹੀਨਿਆਂ ਯਾਨੀ ਜੁਲਾਈ ਤੋਂ ਦਸੰਬਰ ਤੱਕ ਮਹਿੰਗਾ ਹੋ ਰਿਹਾ ਸੀ।
2025 ਦੇ ਪਹਿਲੇ ਦਿਨ ਵੀ ਘਰੇਲੂ ਐਲਪੀਜੀ ਸਿਲੰਡਰ ਦੀ ਕੀਮਤ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਅੱਜ ਵੀ ਇਹ ਪਟਨਾ ਵਿੱਚ 892.50 ਰੁਪਏ ਵਿੱਚ ਉਪਲਬਧ ਹੈ। ਇਸ ਦੇ ਨਾਲ ਹੀ ਦਿੱਲੀ ‘ਚ 1 ਅਗਸਤ ਨੂੰ ਉਸੇ ਰੇਟ ‘ਤੇ 14 ਕਿਲੋ ਦਾ LPG ਸਿਲੰਡਰ ਉਪਲਬਧ ਹੈ। ਅੱਜ 1 ਜਨਵਰੀ ਨੂੰ ਵੀ ਇਹ ਸਿਰਫ 803 ਰੁਪਏ ਵਿੱਚ ਵਿਕ ਰਿਹਾ ਹੈ। ਕੋਲਕਾਤਾ ਵਿੱਚ ਐਲਪੀਜੀ ਸਿਲੰਡਰ ਦੀ ਕੀਮਤ 829 ਰੁਪਏ, ਮੁੰਬਈ ਵਿੱਚ 802.50 ਰੁਪਏ ਅਤੇ ਚੇਨਈ ਵਿੱਚ 818.50 ਰੁਪਏ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
