SBI ICICI Bank Cut: ਸਟੇਟ ਬੈਂਕ ਆਫ਼ ਇੰਡੀਆ (SBI) ਅਤੇ ICICI ਬੈਂਕ ਨੇ ਬਚਤ ਖਾਤਾ ਜਮ੍ਹਾਂ ‘ਤੇ ਮਿਲਣ ਵਾਲੇ ਵਿਆਜ ਵਿੱਚ ਕਮੀ ਦਾ ਐਲਾਨ ਕੀਤਾ ਹੈ । SBI ਨੇ ਵਿਆਜ ਦਰ ਨੂੰ ਪੰਜ ਅਧਾਰ ਅੰਕਾਂ ਅਤੇ ICICI ਨੇ 25 ਅਧਾਰ ਅੰਕਾਂ ਦੀ ਕਟੌਤੀ ਕੀਤੀ ਹੈ। ਇਸ ਕਟੌਤੀ ਤੋਂ ਬਾਅਦ SBI ਦੀ ਜਮ੍ਹਾ ਵਿਆਜ ਦਰ 2.70 ਹੋ ਗਈ ਹੈ । ਬੈਂਕ ਨੇ ਅਪ੍ਰੈਲ ਵਿੱਚ ਵਿਆਜ ਦੀਆਂ ਦਰਾਂ ਵਿੱਚ ਵੀ ਕਟੌਤੀ ਕੀਤੀ ਸੀ । ਉਸ ਸਮੇਂ SBI ਨੇ ਵਿਆਜ ਦਰ ਨੂੰ 3.0 ਪ੍ਰਤੀਸ਼ਤ ਤੋਂ ਘਟਾ ਕੇ 2.75 ਪ੍ਰਤੀਸ਼ਤ ਕਰ ਦਿੱਤਾ ਸੀ ।
ICICI ਬੈਂਕ ਨੇ 50 ਲੱਖ ਤੋਂ ਘੱਟ ‘ਤੇ ਜਮ੍ਹਾਂ ਵਿਆਜ ‘ਤੇ 3.25 ਫ਼ੀਸਦੀ ਤੋਂ ਘਟਾ ਕੇ 3.0 ਫ਼ੀਸਦੀ ਕਰ ਦਿੱਤਾ ਹੈ । 50 ਲੱਖ ਜਾਂ ਇਸ ਤੋਂ ਵੱਧ ਜਮ੍ਹਾਂ ਰਾਸ਼ੀ ਲਈ ਵਿਆਜ ਦਰ ਨੂੰ 3.75 ਤੋਂ ਘਟਾ ਕੇ 3.50 ਪ੍ਰਤੀਸ਼ਤ ਕਰ ਦਿੱਤਾ ਗਿਆ ਹੈ । ਇਸ ਤੋਂ ਪਹਿਲਾਂ SBI ਨੇ ਪਿਛਲੇ ਹਫ਼ਤੇ ਸਾਰੇ ਮਿਆਦ ਦੇ ਜਮ੍ਹਾਂ ਰਕਮਾਂ ਲਈ ਵਿਆਜ ਦਰਾਂ ਵਿੱਚ 40 ਅਧਾਰ ਅੰਕਾਂ ਦੀ ਕਟੌਤੀ ਕੀਤੀ ਸੀ ।
ਇਸ ਦੌਰਾਨ SBI ਨੇ ਪੇਂਡੂ ਅਤੇ ਅਰਧ-ਸ਼ਹਿਰੀ ਖੇਤਰਾਂ ਵਿੱਚ ਗਾਹਕਾਂ ਦੀ ਬਿਹਤਰ ਸੇਵਾ ਪ੍ਰਦਾਨ ਕਰਨ ਲਈ ਵਿੱਤੀ ਸ਼ਮੂਲੀਅਤ ਅਤੇ ਮਾਈਕਰੋ ਮਾਰਕੇਟ (ਐਫਆਈ ਐਂਡ ਐਮਐਮ) ਵਿਭਾਗ ਬਣਾਉਣ ਦੀ ਘੋਸ਼ਣਾ ਵੀ ਕੀਤੀ ਹੈ । ਇਸ ਨਵੇਂ ਸੈਕਸ਼ਨ ਦੇ ਤਹਿਤ ਬੈਂਕ ਮੁੱਖ ਤੌਰ ‘ਤੇ ਖੇਤੀਬਾੜੀ ਅਤੇ ਇਸ ਨਾਲ ਸਬੰਧਤ ਗਤੀਵਿਧੀਆਂ ਅਤੇ ਸੂਖਮ ਅਤੇ ਛੋਟੇ ਉਦਮਾਂ ਨੂੰ ਕਰਜ਼ਾ ਦੇਵੇਗਾ । ਇਸ ਵਿਸ਼ੇਸ਼ ਸੇਵਾ ਲਈ ਪੇਂਡੂ ਅਤੇ ਅਰਧ-ਸ਼ਹਿਰੀ ਖੇਤਰਾਂ ਵਿੱਚ ਲਗਭਗ 8,000 ਸ਼ਾਖਾਵਾਂ ਦੀ ਚੋਣ ਕੀਤੀ ਗਈ ਹੈ।
