ਉਜ਼ਬੇਕਿਸਤਾਨ ਵਿਚ ਕਫ ਸਿਰਪ ਨਾਲ 68 ਬੱਚਿਆਂ ਦੀ ਮੌਤ ਦੇ ਮਾਮਲੇ ਵਿਚ ਦੋਸ਼ੀਆਂ ਦੀ ਸਜ਼ਾ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਉਜ਼ਬੇਕਿਸਤਾਨ ਦੀ ਸੁਪਰੀਮ ਕੋਰਟ ਨੇ ਇਸ ਮਾਮਲੇ ਵਿਚ 21 ਲੋਕਾਂ ਨੂੰ ਦੋਸ਼ੀ ਠਹਿਰਾਉਂਦੇ ਹੋਏ ਸਜ਼ਾ ਸੁਣਾ ਦਿੱਤੀ। ਇੰਡੀਆ ਕਫ ਸਿਰਪ ਨਾਲ 68 ਬੱਚਿਆਂ ਦੀ ਮੌਤ ਮਾਮਲੇ ਵਿਚ ਕੋਰਟ ਨੇ ਭਾਰਤੀ ਕਾਰੋਬਾਰੀ ਰਾਘਵੇਂਦਰ ਪ੍ਰਤਾਪ ਸਿੰਘ ਨੂੰ ਵੀ 20 ਸਾਲ ਦੀ ਸਜ਼ਾ ਸੁਣਾਈ ਹੈ। ਭਾਰਤੀ ਫਾਰਮਾ ਕਾਰੋਬਾਰੀ ਰਾਘਵੇਂਦਰ ਪ੍ਰਤਾਪ ਸਿੰਘ ਨੂੰ ਭ੍ਰਿਸ਼ਟਾਚਾਰ, ਧੋਖਾਦੇਹੀ ਤੇ ਜਾਅਲਸਾਜੀ ਦਾ ਦੋਸ਼ੀ ਪਾਇਆ ਗਿਆ।
ਰਾਘਵੇਂਦਰ ਪ੍ਰਤਾਪ ਭਾਰਤੀ ਕਾਰੋਬਾਰੀ ਹੈ। ਫਾਰਮਾ ਸੈਕਟਰ ਦੀ ਉਨ੍ਹਾਂ ਦੀ ਕੰਪਨੀ ਭਾਰਤ ਦੀ ਫਾਰਮਾ ਕੰਪਨੀਆਂ ਤੋਂ ਦਵਾਈ ਖਰੀਦ ਕੇ ਉਜ਼ਬੇਕਿਸਤਾਨ ਵਿਚ ਖਰੀਦਦੀ ਹੈ। ਰਾਘਵੇਂਦਰ ਪ੍ਰਤਾਪ ਕਿਊਰਾਮੈਕਸ ਮੈਡੀਕਸ ਦੇ ਡਾਇਰੈਕਟਰ ਹਨ। ਉਨ੍ਹਾਂ ਦੀ ਕੰਪਨੀ ਭਾਰਤ ਦੀ ਮੈਰੀਅਨ ਬਾਇਓਟੈਕ ਤੋਂ ਡਾਕ-1 ਮੈਕਸ ਸਿਰਪ ਖਰੀਦ ਕੇ ਉਜ਼ਬੇਕਿਸਤਾਨ ਵਿਚ ਵੇਚਦੀ ਹੈ। ਮੈਰੀਅਨ ਕੰਪਨੀ ਵਿਚ ਬਣੇ ਕਫ ਸਿਰਪ ਪੀਣ ਨਾਲ ਉਜ਼ਬੇਕਿਸਤਾਨ ਵਿਚ 68 ਬੱਚਿਆਂ ਦੀ ਮੌਤ ਹੋ ਗਈ।
ਮਾਮਲਾ ਸਾਲ 2022-23 ਦਾ ਹੈ। ਉਜ਼ਬੇਕਿਸਤਾਨ ਵਿਚ 2002 ਤੇ 2023 ਦੇ ਵਿਚ 68 ਬੱਚਿਆਂ ਦੀ ਮੌਤ ਜ਼ਹਿਰੀਲਾ ਕਫ ਸਿਰਪ ਪੀਣ ਨਾਲ ਹੋ ਗਈ। ਇਨ੍ਹਾਂ ਬੱਚਿਆਂ ਨੂੰ ਐਂਬਰੋਨਾਲ ਸਿਰਪ ਤੇ ਡੀਓਕੇ-1 ਮੈਕਸ ਕਫ ਸਿਰਪ ਪਿਲਾਇਆ ਗਿਆ ਸੀ। ਇਨ੍ਹਾਂ ਦੋਵੇਂ ਹੀ ਕਫ ਸਿਰਪ ਦੀ ਮੈਨੂਫੈਕਚਰਿੰਗ ਨੋਇਡਾ ਸਥਿਤ ਕੰਪਨੀ ਮੈਰੀਅਨ ਬਾਇਓਟੈੱਕ ਕਰਦੀ ਸੀ।
ਇਹ ਵੀ ਪੜ੍ਹੋ : ਕੈਨੇਡਾ ਦੇ ਇਮੀਗ੍ਰੇਸ਼ਨ ਮੰਤਰੀ ਨੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਲੁੱਟ-ਖਸੁੱਟ ਕਰਨ ਵਾਲੇ ਸਕੂਲਾਂ ਨੂੰ ਦਿੱਤੀ ਚੇਤਾਵਨੀ
WHO ਨੇ ਜਾਂਚ ਵਿਚ ਪਾਇਆ ਕਿ ਦੋਵੇਂ ਹੀ ਕਫ ਸਿਰਪ ਵਿਚ ਡਾਇਥਲੀਨ ਗਲਾਇਕੋਲ ਜਾਂ ਏਥਲੀਨ ਗਲਾਈਕੋਲ ਦੀ ਸਹੀ ਮਾਤਰਾ ਸ਼ਾਮਲ ਨਹੀਂ ਕੀਤੀ ਗਈ ਸੀ ਜਿਸ ਕਾਰਨ ਕਫ ਸਿਰਪ ਜ਼ਹਿਰੀਲਾ ਹੋ ਗਿਆ ਸੀ। ਉਜ਼ਬੇਕਿਸਤਾਨ ਪੁਲਿਸ ਨੇ ਕੰਪਨੀ ਖਿਲਾਫ ਕੇਸ ਦਰਜ ਕੀਤਾ। ਡਾਕ-1 ਮੈਕਸ ਸਿਰਪ ਵੇਚਣ ਵਾਲੀ ਕੰਪਨੀ ਦੇ ਡਾਇਰੈਕਟਰ ਰਾਘਵੇਂਦਰ ਪ੍ਰਤਾਪ ਨੂੰ ਦੋਸ਼ੀ ਪਾਇਆ ਗਿਆ। ਉਨ੍ਹਾਂ ‘ਤੇ ਲਾਪ੍ਰਵਾਹੀ, ਧੋਖਾਦੇਹੀ ਸਣੇ ਕਈ ਦੋਸ਼ ਲਗਾਏ ਗਏ। ਭਾਰਤ ਸਰਕਾਰ ਨੇ ਮਾਰਚ 2023 ਵਿਚ ਕਫ ਸਿਰਪ ਬਣਾਉਣ ਵਾਲੀ ਕੰਪਨੀ ਮੈਰੀਅਨ ਬਾਇਓਟੈੱਕ ਦਾ ਲਾਇਸੈਂਸ ਰੱਦ ਕਰ ਦਿੱਤਾ ਸੀ।
