ਕੰਜ਼ਿਊਮਰ ਫੋਰਮ ਨੇ ਲੁਧਿਆਣਾ ‘ਚ ‘ਬੁਟੀਕ’ ਵਾਲੀ ਨੂੰ ਠੋਕਿਆ ਜੁਰਮਾਨਾ, ਜਾਣੋ ਕੀ ਹੈ ਮਾਮਲਾ

ਲੁਧਿਆਣਾ ਦੇ ਸਰਭੀ ਨਗਰ ਦੇ ਇੱਕ ਬੁਟੀਕ ਆਪ੍ਰੇਟਰ ਨੂੰ ਖਪਤਕਾਰ ਫੋਰਮ ਨੇ ਵੱਡਾ ਝਟਕਾ ਦਿੱਤਾ ਹੈ। ਮਿਲੀ ਖ਼ਬਰ ਮੁਤਾਬਕ ਖਪਤਕਾਰ ਫੋਰਮ ਨੇ ਬੁਟੀਕ ਸੰਚਾਲਕ ਨੂੰ 5 ਹਜ਼ਾਰ ਰੁਪਏ ਜੁਰਮਾਨੇ ਦੇ ਨਾਲ-ਨਾਲ 22 ਹਜ਼ਾਰ ਰੁਪਏ ਦੀ ਇੱਕ ਡਰੈੱਸ ਦੀ ਪੂਰੀ ਕੀਮਤ ਅਦਾ ਕਰਨ ਲਈ ਕਿਹਾ ਹੈ।

ਜਾਣਕਾਰੀ ਮੁਤਾਬਕ ਖਪਤਕਾਰ ਫੋਰਮ ਨੇ ਸ਼ਿਕਾਇਤਕਰਤਾ ਰੀਮਾ ਪਾਠਕ, ਵਾਸੀ ਸੈਕਟਰ 38, ਚੰਡੀਗੜ੍ਹ ਰੋਡ ਦੀ ਸ਼ਿਕਾਇਤ ‘ਤੇ ਬੁਟੀਕ ਸੰਚਾਲਕ ਨੂੰ ਡਰੈੱਸ ਦੀ ਕੀਮਤ ਸਮੇਤ ਜੁਰਮਾਨਾ ਕੀਤਾ ਹੈ। ਸ਼ਿਕਾਇਤਕਰਤਾ ਨੇ ਬੀਤੀ 25 ਅਗਸਤ ਨੂੰ ਖਪਤਕਾਰ ਫੋਰਮ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਸ ਨੇ ਸਰਭੀ ਨਗਰ ਦੀ ਬੁਟੀਕ ਸੰਚਾਲਕ ਮੀਨਾਕਸ਼ੀ ਛਾਬੜਾ ਤੋਂ 22 ਹਜ਼ਾਰ ਰੁਪਏ ਵਿੱਚ ਇੱਕ ਡਰੈੱਸ ਖਰੀਦੀ ਸੀ, ਜਿਸ ਲਈ ਉਸ ਨੇ ਯੂਪੀਏ ਰਾਹੀਂ 10 ਹਜ਼ਾਰ ਰੁਪਏ ਅਦਾ ਕੀਤੇ ਸਨ। ਇਸ ਤੋਂ ਬਾਅਦ ਮਹਿਲਾ ਮੁਲਾਜ਼ਮ ਰਾਹੀਂ ਇਹ ਡਰੈੱਸ ਉਸ ਦੇ ਪਤੀ ਨੂੰ ਚੰਡੀਗੜ੍ਹ ਰੋਡ ‘ਤੇ ਸਥਿਤ ਫਿਲਿੰਗ ਸਟੇਸ਼ਨ ‘ਤੇ ਪਹੁੰਚਾ ਦਿੱਤੀ ਗਈ। ਇਸ ਦੌਰਾਨ 12 ਹਜ਼ਾਰ ਰੁਪਏ ਦੀ ਬਕਾਇਆ ਰਾਸ਼ੀ ਦਿੱਤੀ ਗਈ।

ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਜਦੋਂ ਉਸ ਨੇ ਘਰ ਆ ਕੇ ਡਰੈੱਸ ਖੋਲ੍ਹ ਕੇ ਦੇਖਿਆ ਤਾਂ ਉਸ ਦੇ ਧਾਗੇ ਨਿਕਲੇ ਹੋਏ ਸਨ ਅਤੇ ਕਈ ਥਾਵਾਂ ਤੋਂ ਫਟਿਆ ਹੋਇਆ ਸੀ। ਇੰਨਾ ਹੀ ਨਹੀਂ ਕਈ ਥਾਵਾਂ ‘ਤੇ ਡਰੈੱਸ ‘ਤੇ ਦਾਗ ਵੀ ਸਨ ਅਤੇ ਇਸ ਨੂੰ ਡਰਾਈ ਕਲੀਨ ਵੀ ਨਹੀਂ ਕੀਤਾ ਗਿਆ ਸੀ। ਬੁਟੀਕ ਸੰਚਾਲਿਕਾ ਨੇ ਡਿਲੀਵਰੀ ਤੋਂ ਪਹਿਲਾਂ ਦਾਗ ਹਟਾਉਣ ਅਤੇ ਡਰਾਈ-ਕਲੀਨ ਕਰਨ ਦਾ ਭਰੋਸਾ ਦਿੱਤਾ ਸੀ, ਜੋ ਉਸ ਨੇ ਨਹੀਂ ਕੀਤਾ। ਇਸ ਦੌਰਾਨ ਬੁਟੀਕ ਸੰਚਾਲਕ ਨੇ ਮੰਨਿਆ ਕਿ ਉਸ ਨੇ ਡਰਾਈ ਕਲੀਨ ਨਹੀਂ ਕੀਤੀ ਸੀ। ਉਸ ਨੇ ਬੁਟੀਕ ਸੰਚਾਲਿਕ ਨੂੰ ਡਰੈੱਸ ਦੇ 22 ਹਜ਼ਾਰ ਰੁਪਏ ਵਾਪਸ ਕਰਨ ਲਈ ਮੈਸੇਜ ਕੀਤਾ ਤਾਂ ਉਸ ਨੇ ਕੋਈ ਜਵਾਬ ਨਹੀਂ ਦਿੱਤਾ। ਇਸ ਤੋਂ ਬਾਅਦ ਉਸ ਨੇ 2 ਅਪ੍ਰੈਲ ਨੂੰ ਡਰੈੱਸ ਦੀ ਡਿਲੀਵਰੀ ਲਈ ਕਿਹਾ। ਜਦੋਂ ਡ੍ਰੈੱਸ ਉਸ ਕੋਲ ਵਾਪਸ ਆਈ ਤਾਂ ਉਸ ‘ਤੇ ਅਜੇ ਵੀ ਕਈ ਥਾਵਾਂ ‘ਤੇ ਦਾਗ ਸਨ ਅਤੇ ਕਈ ਥਾਵਾਂ ਤੋਂ ਫਟੀ ਹੋਈ ਸੀ।

ਇਹ ਵੀ ਪੜ੍ਹੋ : ਖੁੱਲ੍ਹੇ ਮੈਨਹੋਲ ਕਰਕੇ ਗਈ 13 ਮਹੀਨੇ ਦੇ ਮਾਸੂਮ ਦੀ ਜਾ.ਨ, ਮਾਪਿਆਂ ਨੂੰ 15 ਲੱਖ ਅੰਤਰਿਮ ਮੁਆਵਜ਼ਾ ਦੇਣ ਦੇ ਹੁਕਮ

ਇਸ ਤੋਂ ਬਾਅਦ 11 ਅਪ੍ਰੈਲ ਨੂੰ ਬੁਟੀਕ ਆਪਰੇਟਰ ਨੂੰ ਕਾਨੂੰਨੀ ਨੋਟਿਸ ਭੇਜਿਆ ਗਿਆ ਸੀ ਪਰ ਉਸ ਨੇ ਇਸ ਦਾ ਵੀ ਕੋਈ ਜਵਾਬ ਨਹੀਂ ਦਿੱਤਾ। ਇਸ ਤੋਂ ਬਾਅਦ ਇੱਕ ਧਿਰ ਵਜੋਂ ਕਾਰਵਾਈ ਕਰਦਿਆਂ ਖਪਤਕਾਰ ਫੋਰਮ ਨੇ ਇਹ ਫੈਸਲਾ ਬੁਟੀਕ ਆਪਰੇਟਰ ਵੱਲੋਂ ਸ਼ਿਕਾਇਤਕਰਤਾ ਨਾਲ ਕੀਤੇ ਗਲਤ ਵਤੀਰੇ ਲਈ ਲਿਆ ਹੈ।