ਪਿਛਲੇ ਦਿਨੀਂ ਰਾਜ ਸਭਾ ਵਿੱਚ ਜੋ ਦ੍ਰਿਸ਼ ਦੇਖੇ ਗਏ ਸਨ, ਉਨ੍ਹਾਂ ਨੇ ਪੂਰੇ ਦੇਸ਼ ਨੂੰ ਸ਼ਰਮਸਾਰ ਕਰ ਦਿੱਤਾ ਸੀ। ਲੋਕਤੰਤਰ ਦੇ ਮੰਦਰ ਤੋਂ ਹੰਗਾਮੇ ਦੀਆਂ ਤਸਵੀਰਾਂ ਅਤੇ ਵੀਡੀਓ ਦੇਖ ਕੇ ਹਰ ਕੋਈ ਹੈਰਾਨ ਸੀ।
ਪਰ ਰਾਜਨੀਤੀ ਵਿੱਚ, ਉਸ ਘਟਨਾ ‘ਤੇ ਸਿਰਫ ਦੋਸ਼ਾਂ ਅਤੇ ਜਵਾਬੀ ਇਲਜ਼ਾਮਾਂ ਦਾ ਦੌਰ ਚੱਲ ਰਿਹਾ ਹੈ। ਕੇਂਦਰ ਦੇ ਵਿਰੋਧੀ ਧਿਰ ‘ਤੇ ਇਲਜ਼ਾਮ ਲਾਉਣ ਤੋਂ ਬਾਅਦ ਹੁਣ ਟੀਐਮਸੀ ਸੰਸਦ ਮੈਂਬਰ ਡੇਰੇਕ ਓ ਬ੍ਰਾਇਨ ਵੀ ਮੈਦਾਨ ਵਿੱਚ ਆ ਗਏ ਹਨ। ਉਨ੍ਹਾਂ ਦੀ ਤਰਫੋਂ ਕੇਂਦਰ ਉੱਤੇ ਸਦਨ ਨਾ ਚਲਾਉਣ ਦਾ ਦੋਸ਼ ਲਗਾਇਆ ਗਿਆ ਹੈ। ਡੇਰੇਕ ਨੇ ਜ਼ੋਰ ਦੇ ਕੇ ਕਿਹਾ ਹੈ ਕਿ ਕੇਂਦਰ ਹਰ ਮੁੱਦੇ ਤੋਂ ਸਿਰਫ ਭੱਜ ਰਿਹਾ ਹੈ। ਸਦਨ ਵਿੱਚ ਕਿਸੇ ਵੀ ਮੁੱਦੇ ‘ਤੇ ਚਰਚਾ ਨਹੀਂ ਹੋਣ ਦਿੱਤੀ ਜਾ ਰਹੀ। ਉਨ੍ਹਾਂ ਕਿਹਾ ਕਿ ਮੈਨੂੰ ਸਮਝ ਨਹੀਂ ਆ ਰਹੀ ਕਿ ਕੇਂਦਰ ਰਾਸ਼ਟਰੀ ਸੁਰੱਖਿਆ ਦੇ ਮੁੱਦੇ ‘ਤੇ ਬਹਿਸ ਕਿਉਂ ਨਹੀਂ ਚਾਹੁੰਦਾ। ਸਦਨ ਵਿੱਚ ਪੇਗਾਸਸ ਵਿਵਾਦ ‘ਤੇ ਬਹਿਸ ਕਿਉਂ ਨਹੀਂ ਹੋ ਰਹੀ? ਮੇਰੇ ਵਿਚਾਰ ਵਿੱਚ, ਸਦਨ ਚਲਾਉਣਾ ਸਰਕਾਰ ਦੀ ਜ਼ਿੰਮੇਵਾਰੀ ਹੈ। ਵਿਰੋਧੀ ਧਿਰ ਸਿਰਫ ਸਹਿਯੋਗ ਕਰਦੀ ਹੈ।
ਇਹ ਵੀ ਪੜ੍ਹੋ : Kinnaur Landslide : ਕਿਨੌਰ ਹਾਦਸੇ ‘ਚ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ ਹੋਈ 23, ਰਾਹਤ ਕਾਰਜ ਜਾਰੀ
ਟੀਐਮਸੀ ਸੰਸਦ ਮੈਂਬਰ ਨੇ ਭਾਜਪਾ ’ਤੇ ਦੋਸ਼ ਲਾਉਂਦਿਆਂ ਕਿਹਾ ਕਿ ਉਨ੍ਹਾਂ ਨੇ ਸਦਨ ਦੀ ਪਰੰਪਰਾ ਨੂੰ ਢਾਅ ਲਾਈ ਹੈ। ਸਦਨ ਦੀ ਕਾਰਵਾਈ ਲਗਾਤਾਰ ਅਤੇ ਕੇਵਲ ਕੇਂਦਰ ਦੇ ਕਾਰਨ ਹੀ ਮੁਲਤਵੀ ਕੀਤੀ ਗਈ। ਇਸ ਦੇ ਨਾਲ ਹੀ ਹਿੰਸਾ ਦੀ ਘਟਨਾ ‘ਤੇ ਡੇਰੇਕ ਨੇ ਕਿਹਾ ਕਿ ਉਨ੍ਹਾਂ ਨੂੰ ਰਾਜ ਸਭਾ ਦੀ ਰਿਪੋਰਟ ‘ਤੇ ਵਿਸ਼ਵਾਸ ਨਹੀਂ ਹੈ। ਉਨ੍ਹਾਂ ਦੀਆਂ ਨਜ਼ਰਾਂ ਵਿਚ ਅਜਿਹੀਆਂ ਰਿਪੋਰਟਾਂ ਸਿਰਫ ਈਡੀ ਅਤੇ ਸੀਬੀਆਈ ਲਈ ਬਣਾਈਆਂ ਜਾਂਦੀਆਂ ਹਨ। ਡੇਰੇਕ ਨੇ ਸਰਕਾਰ ਨੂੰ ਹਰ ਫਰੰਟ ‘ਤੇ ਅਸਫਲ ਦੱਸਦਿਆਂ ਕਿਹਾ ਕਿ ਦੇਸ਼ ਦੇ ਵਿਕਾਸ ਨੂੰ ਬਰੇਕ ਲੱਗ ਚੁੱਕੀ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਦੀ ਵਿਕਾਸ ਦਰ ਹੁਣ ਮਾਈਨਸ ਵਿੱਚ ਚਲੀ ਗਈ ਹੈ। ਬੇਰੁਜ਼ਗਾਰੀ ਆਪਣੇ ਸਿਖਰ ‘ਤੇ ਹੈ, ਨੋਟਬੰਦੀ ਅਸਫਲ ਰਹੀ ਹੈ। ਇਹ ਸਰਕਾਰ ਕੋਈ ਵੀ ਵਾਅਦਾ ਪੂਰਾ ਨਹੀਂ ਕਰ ਸਕੀ।
ਇਹ ਵੀ ਦੇਖੋ : ਇਸ ਘਰ ‘ਚ ਹੀ ਕਿਉਂ ਆਉਂਦੇ ਨੇ ਸੱਪ, ਕਿਉਂ ਇੱਥੇ ਹੈ ਸੱਪਾਂ ਦਾ ਵਾਸ ! ਵੇਖੋ
