83trailer on Burj Khalifa: ਕਬੀਰ ਖਾਨ ਦੇ ਨਿਰਦੇਸ਼ਨ ‘ਚ ਬਣੀ ਫਿਲਮ ’83’ ਦੇ ਟ੍ਰੇਲਰ ਨੇ ਪਹਿਲਾਂ ਹੀ ਲੋਕਾਂ ਦਾ ਉਤਸ਼ਾਹ ਵਧਾ ਦਿੱਤਾ ਹੈ। ਟ੍ਰੇਲਰ ਨੂੰ ਦੇਖ ਕੇ ਹਰ ਕੋਈ ਫਿਲਮ ਨੂੰ ਹੁਣ ਤੋਂ ਹਿੱਟ ਕਹਿ ਰਿਹਾ ਹੈ। ਫਿਲਮ ਦੀ ਸਟਾਰ ਕਾਸਟ ਯਾਨੀ ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੁਕੋਣ ਵੀ 83 ਦੇ ਪ੍ਰਮੋਸ਼ਨ ਵਿੱਚ ਰੁੱਝੇ ਹੋਏ ਹਨ।
ਹਾਲ ਹੀ ‘ਚ 83 ਦਾ ਟ੍ਰੇਲਰ ਦੁਬਈ ਦੇ ਬੁਰਜ ਖਲੀਫਾ ‘ਤੇ ਦਿਖਾਇਆ ਗਿਆ। ਇਸ ਮੌਕੇ ‘ਤੇ ਰਣਵੀਰ, ਦੀਪਿਕਾ ਅਤੇ ਕਬੀਰ ਖਾਨ ਵੀ ਮੌਜੂਦ ਸਨ। ਇਸ ਦੌਰਾਨ ਬੁਰਜ ਖਲੀਫਾ ‘ਤੇ ਫਿਲਮ ਦਾ ਟ੍ਰੇਲਰ ਦੇਖ ਕੇ ਦੀਪਿਕਾ ਭਾਵੁਕ ਹੋ ਗਈ। ਰਣਵੀਰ ਸਿੰਘ ਨੇ ਬੁਰਜ ਖਲੀਫਾ ‘ਚ 83 ਦੇ ਟ੍ਰੇਲਰ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ‘ਚ ਦੀਪਿਕਾ ਭਾਵੁਕ ਨਜ਼ਰ ਆਈ। ਉਨ੍ਹਾਂ ਦੀਆਂ ਅੱਖਾਂ ਵਿੱਚੋਂ ਖੁਸ਼ੀ ਦੇ ਹੰਝੂ ਸੀ। ਉਹ ਆਪਣੇ ਹੰਝੂ ਪੂੰਝਦੀ ਨਜ਼ਰ ਆਈ ਪਰ ਅਭਿਨੇਤਰੀ ਦੀਆਂ ਅੱਖਾਂ ‘ਚੋਂ ਵਗ ਰਹੇ ਹੰਝੂ ਕੈਮਰੇ ‘ਚ ਕੈਦ ਹੋ ਗਏ। 83 ਦਾ ਟ੍ਰੇਲਰ ਦੇਖਣ ਲਈ ਬਰਜੂ ਖਲੀਫਾ ‘ਚ ਹਜ਼ਾਰਾਂ ਲੋਕ ਇਕੱਠੇ ਹੋਏ ਸਨ। ਇਸ ਸ਼ਾਨਦਾਰ ਮੌਕੇ ‘ਤੇ ਫਿਲਮ ਦੇ ਕਲਾਕਾਰ ਅਤੇ ਸਾਬਕਾ ਕ੍ਰਿਕਟਰ ਸੁਨੀਲ ਗਾਵਸਕਰ, ਕਪਿਲ ਦੇਵ ਵੀ ਇਸ ਖਾਸ ਪਲ ਦੇ ਗਵਾਹ ਸਨ।
ਫਿਲਮ 83 1983 ਦੇ ਕ੍ਰਿਕਟ ਵਰਲਡ ਕੱਪ ‘ਤੇ ਬਣੀ ਫਿਲਮ ਹੈ। ਫਿਲਮ ‘ਚ ਰਣਵੀਰ ਨੇ ਕਪਿਲ ਦੇਵ ਅਤੇ ਦੀਪਿਕਾ ਨੇ ਉਨ੍ਹਾਂ ਦੀ ਪਤਨੀ ਰੋਮੀ ਭਾਟੀਆ ਦਾ ਕਿਰਦਾਰ ਨਿਭਾਇਆ ਹੈ। ਫਿਲਮ ‘ਚ ਰਣਵੀਰ ਅਤੇ ਦੀਪਿਕਾ ਤੋਂ ਇਲਾਵਾ ਪੰਕਜ ਤ੍ਰਿਪਾਠੀ, ਬੋਮਨ ਇਰਾਨੀ, ਐਮੀ ਵਿਰਕ, ਹਾਰਡੀ ਸੰਧੂ, ਤਾਹਿਰ ਰਾਜ ਭਸੀਨ, ਜਤਿਨ ਸਰਨਾ, ਜੀਵਾ ਸਮੇਤ ਹੋਰ ਕਲਾਕਾਰ ਵੀ ਅਹਿਮ ਭੂਮਿਕਾਵਾਂ ‘ਚ ਹਨ। ਕਬੀਰ ਖਾਨ ਨੇ ਇਸ ਦਾ ਨਿਰਦੇਸ਼ਨ ਕੀਤਾ ਹੈ ਅਤੇ ਇਸ ਦੇ ਸਹਿ-ਨਿਰਮਾਤਾ ਵੀ ਹਨ। ਉਨ੍ਹਾਂ ਤੋਂ ਇਲਾਵਾ ਦੀਪਿਕਾ ਪਾਦੁਕੋਣ, ਵਿਸ਼ਨੂੰ ਵਰਧਨ ਇੰਦੂਰੀ, ਸਾਜਿਦ ਨਾਡਿਆਡਵਾਲਾ ਵੀ ਸਹਿ-ਨਿਰਮਾਤਾ ਹਨ। ਇਹ ਫਿਲਮ 24 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਰਹੀ ਹੈ। ਇਸ ਮਲਟੀਸਟਾਰਰ ਫਿਲਮ ‘ਚ ਹਰ ਕਲਾਕਾਰ ਆਪਣੇ ਕਿਰਦਾਰਾਂ ਦੇ ਹਿਸਾਬ ਨਾਲ ਮੇਕਅੱਪ ‘ਚ ਨਜ਼ਰ ਆ ਰਿਹਾ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ 83 ਪ੍ਰਸ਼ੰਸਕਾਂ ਦੀਆਂ ਉਮੀਦਾਂ ‘ਤੇ ਕਿਵੇਂ ਖਰਾ ਉਤਰਦਾ ਹੈ।
