Actress Shraddha Arya Conned: ਟੀਵੀ ਦੀ ਮਸ਼ਹੂਰ ਅਦਾਕਾਰਾ ਸ਼ਰਧਾ ਆਰੀਆ ਇਨ੍ਹੀਂ ਦਿਨੀਂ ‘ਕੁੰਡਲੀ ਭਾਗਿਆ’ ਰਾਹੀਂ ਛਾਈ ਹੋਈ ਹੈ। ਪਰ ਹਾਲ ਹੀ ਵਿੱਚ ਇਹ ਅਦਾਕਾਰਾ ਆਪਣੀ ਧੋਖਾਧੜੀ ਕਾਰਨ ਸੁਰਖੀਆਂ ਵਿੱਚ ਆ ਗਈ ਹੈ।
ਸ਼ਰਧਾ ਆਰੀਆ ਨੂੰ ਇਕ ਇੰਟੀਰੀਅਰ ਡਿਜ਼ਾਈਨਰ ਨੇ ਧੋਖਾ ਦਿੱਤਾ ਹੈ, ਜਿਸ ਦੀ ਜਾਣਕਾਰੀ ਖੁਦ ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ ਪੋਸਟ ਰਾਹੀਂ ਦਿੱਤੀ ਹੈ। ਦਰਅਸਲ, ਸ਼ਰਧਾ ਆਰੀਆ ਨੇ ਹਾਲ ਹੀ ‘ਚ ਅੰਧੇਰੀ ‘ਚ ਇਕ ਘਰ ਖਰੀਦਿਆ ਸੀ, ਜਿਸ ਨੂੰ ਡਿਜ਼ਾਈਨ ਕਰਵਾਉਣ ਲਈ ਉਸ ਨੇ ਇਕ ਡਿਜ਼ਾਈਨਰ ਨੂੰ ਹਾਇਰ ਕੀਤਾ ਸੀ। ਪਰ ਉਹ ਡਿਜ਼ਾਈਨਰ ਅਦਾਕਾਰਾ ਦੇ ਪੈਸੇ ਅਤੇ ਸਮਾਨ ਲੈ ਕੇ ਫਰਾਰ ਹੋ ਗਿਆ ਹੈ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸ਼ਰਧਾ ਆਰਿਆ ਨੇ ਇੰਸਟਾਗ੍ਰਾਮ ‘ਤੇ ਇਸ ਦੀ ਸ਼ਿਕਾਇਤ ਵੀ ਕੀਤੀ ਹੈ। ਅਦਾਕਾਰਾ ਸ਼ਰਧਾ ਆਰੀਆ ਨੇ ਡਿਜ਼ਾਈਨਰ ਦੇ ਨਾਂ ਦਾ ਖੁਲਾਸਾ ਕਰਦੇ ਹੋਏ ਲਿਖਿਆ, ”ਉਸ ਇੰਟੀਰੀਅਰ ਡਿਜ਼ਾਈਨਰ ਜਿਸ ‘ਤੇ ਮੈਨੂੰ ਲੱਗਾ ਸੀ ਮੈਂ ਭਰੋਸਾ ਕਰ ਸਕਦੀ ਸੀ, ਉਸ ਨੇ ਮੇਰਾ ਭਰੋਸਾ ਤੋੜ ਦਿੱਤਾ ਅਤੇ ਘਰ ਦੀ ਫਿਟਿੰਗ ਅਤੇ ਹੋਰ ਚੀਜ਼ਾਂ ਲੈ ਕੇ ਫ਼ਰਾਰ ਹੋ ਗਿਆ। ਹਾਲਾਂਕਿ ਮੈਂ 95 ਫੀਸਦੀ ਦਾ ਭੁਗਤਾਨ ਕੀਤਾ ਸੀ। ਮੈਂ ਵਿਸ਼ਵਾਸ ਨਹੀਂ ਕਰ ਸਕਦੀ ਕਿ ਮੇਰੇ ਨਾਲ ਇਹ ਵਾਪਰਿਆ ਹੈ।
ਦੱਸ ਦੇਈਏ ਕਿ ਸ਼ਰਧਾ ਆਰੀਆ ਨੇ ਆਪਣੇ ਨਾਲ ਹੋਈ ਧੋਖਾਧੜੀ ਬਾਰੇ ਗੱਲ ਕਰਦਿਆਂ ਉਸ ਨੇ ਕਿਹਾ, “ਮੈਂ ਆਨਲਾਈਨ ਇੰਟੀਰੀਅਰ ਡਿਜ਼ਾਈਨਰ ਦੀ ਭਾਲ ਕਰ ਰਹੀ ਸੀ ਅਤੇ ਉਦੋਂ ਮੈਨੂੰ ਉਹ ਮਿਲ ਗਿਆ। ਮੈਂ ਉਸ ਨੂੰ ਵਿਆਹ ਤੋਂ ਬਾਅਦ ਆਪਣੇ ਘਰ ਨੂੰ ਸਜਾਉਣ ਲਈ ਹਾਇਰ ਕੀਤਾ ਸੀ। ਉਸ ਨੇ ਮੇਰੇ ਨਾਲ ਵਾਅਦਾ ਕੀਤਾ ਸੀ ਕਿ ਉਹ ਇਹ ਕੰਮ ਪੂਰਾ ਕਰੇਗਾ। ਚਾਰ ਮਹੀਨਿਆਂ ਵਿੱਚ, ਪਰ ਲੰਬਾ ਸਮਾਂ ਲੈਣ ਦੇ ਬਾਵਜੂਦ ਵੀ ਉਹ ਕੰਮ ਪੂਰਾ ਨਹੀਂ ਕਰ ਸਕਿਆ।” ਸ਼ਰਧਾ ਆਰੀਆ ਨੇ ਇੰਟੀਰੀਅਰ ਡਿਜ਼ਾਈਨਰ ਬਾਰੇ ਅੱਗੇ ਕਿਹਾ, ”ਉਸ ਦੀ ਫੀਸ ਲੱਖਾਂ ‘ਚ ਸੀ ਜੋ ਮੈਂ 95 ਫੀਸਦੀ ਤੱਕ ਅਦਾ ਕਰ ਦਿੱਤੀ ਸੀ ਪਰ ਹੁਣ ਉਹ ਮੇਰੇ ਪੈਸੇ ਦੇ ਨਾਲ-ਨਾਲ ਮੇਰਾ ਸਮਾਨ ਲੈ ਕੇ ਫਰਾਰ ਹੋ ਗਿਆ ਹੈ, ਜੋ ਮੈਂ ਘਰ ਦੀ ਸਜਾਵਟ ਲਈ ਖਰੀਦਿਆ ਹੈ।
