Adipurush Motion Poster Out: ਅਕਸ਼ੈ ਤ੍ਰਿਤੀਆ ਦੇ ਖਾਸ ਮੌਕੇ ‘ਤੇ ਪ੍ਰਭਾਸ ਦੀ ਮੋਸਟ ਅਵੇਟਿਡ ਫਿਲਮ ਆਦਿਪੁਰਸ਼ ਦਾ ਮੋਸ਼ਨ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਮੇਕਰਸ ਨੇ ‘ਜੈ ਸ਼੍ਰੀ ਰਾਮ’ ਦੀ ਸ਼ਾਨਦਾਰ ਆਡੀਓ ਕਲਿੱਪ ਦੇ ਨਾਲ ਇਸ ਪੋਸਟਰ ਨੂੰ 5 ਵੱਖ-ਵੱਖ ਭਾਸ਼ਾਵਾਂ- ਹਿੰਦੀ, ਤਾਮਿਲ, ਤੇਲਗੂ, ਮਲਿਆਲਮ ਅਤੇ ਕੰਨੜ ਵਿੱਚ ਜਾਰੀ ਕੀਤਾ ਹੈ। ਜਿਸ ਨੂੰ ਅਜੇ-ਅਤੁਲ ਨੇ ਬਣਾਇਆ ਹੈ।
ਪ੍ਰਸ਼ੰਸਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ ਅਤੇ ਇਸ ਪੋਸਟਰ ਦੇ ਆਉਣ ਦੇ ਬਾਅਦ ਤੋਂ ਹੀ ਆਦਿਪੁਰਸ਼ ਸਵੇਰ ਤੋਂ ਹੀ ਟਵਿਟਰ ‘ਤੇ ਟ੍ਰੈਂਡ ਕਰ ਰਹੇ ਹਨ। ਇਸ ਕਲਿਪ ਦੇ ਨਾਲ ਪ੍ਰਭਾਸ ਦਾ ਇੱਕ ਪੋਸਟਰ ਵੀ ਰਿਲੀਜ਼ ਕੀਤਾ ਗਿਆ ਹੈ, ਪੋਸਟਰ ਵਿੱਚ ਪ੍ਰਭਾਸ ਨਜ਼ਰ ਆ ਰਹੇ ਹਨ। ਜਿਸ ‘ਚ ਉਸ ਨੂੰ ਦੇਖ ਕੇ ਸੁਪਰਹਿੱਟ ਫਿਲਮ ਬਾਹੂਬਲੀ ਦੀ ਯਾਦ ਆ ਜਾਂਦੀ ਹੈ। ਇਸ ਪੋਸਟਰ ‘ਚ ਪ੍ਰਭਾਸ ਨੂੰ ਭਗਵਾਨ ਰਾਮ ਦੇ ਲੁੱਕ ‘ਚ ਦੇਖਿਆ ਜਾ ਸਕਦਾ ਹੈ। ਉਸਦੇ ਹੱਥਾਂ ਵਿੱਚ ਤੀਰ ਅਤੇ ਕਮਾਨ ਵੀ ਦਿਖਾਈ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਕਲਿੱਪ ‘ਚ ਸੁਣਿਆ ਸੰਗੀਤ ਕਾਫੀ ਦਿਲਚਸਪ ਹੈ। ਇਸ ਆਡੀਓ ਕਲਿੱਪ ‘ਚ ‘ਤੇਰੇ ਹੀ ਭਰੋਸੇ ਹੈਂ ਹਮ, ਤੇਰੇ ਹੀ ਸਹਾਰੇ’ ਸੁਣਾਈ ਦੇ ਰਿਹਾ ਹੈ। ਯੂਕੇ ਕ੍ਰਿਏਸ਼ਨ ਨੇ ਇਸ ਮੋਸ਼ਨ ਪੋਸਟਰ ਨੂੰ ਆਪਣੇ ਅਧਿਕਾਰਤ ਟਵਿਟਰ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ।
ਪ੍ਰਭਾਸ ਓਮ ਰਾਉਤ ਦੀ ਫਿਲਮ ਆਦਿਪੁਰਸ਼ ‘ਚ ਮੁੱਖ ਭੂਮਿਕਾ ਨਿਭਾਉਣਗੇ। ਇਸ ਫਿਲਮ ‘ਚ ਉਹ ਭਗਵਾਨ ਰਾਮ ਦਾ ਕਿਰਦਾਰ ਨਿਭਾਉਣ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਫਿਲਮ ‘ਚ ਕ੍ਰਿਤੀ ਸੈਨਨ, ਸੈਫ ਅਲੀ ਖਾਨ ਅਤੇ ਸੰਨੀ ਸਿੰਘ ਵੀ ਹਨ। ਫਿਲਮ ਦੀ ਰਿਲੀਜ਼ ਦੀ ਗੱਲ ਕਰੀਏ ਤਾਂ ਓਮ ਰਾਉਤ ਦੇ ਨਿਰਦੇਸ਼ਨ ‘ਚ ਬਣੀ ਇਹ ਫਿਲਮ ਇਸ ਸਾਲ 16 ਜੂਨ ਨੂੰ ਸਿਨੇਮਾਘਰਾਂ ‘ਚ ਦਸਤਕ ਦੇਣ ਜਾ ਰਹੀ ਹੈ। ਮੋਸ਼ਨ ਪੋਸਟਰ ਨੂੰ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਹ ਬਾਹੂਬਲੀ ਦੀ ਤਰ੍ਹਾਂ ਬਹੁਤ ਵੱਡੇ ਪੱਧਰ ‘ਤੇ ਬਣੇਗੀ। ਇਸ ਫਿਲਮ ਦਾ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
