Aishwarya Rai Upcoming Films: Panama Papers Leak ਮਾਮਲੇ ਵਿੱਚ ਬਾਲੀਵੁੱਡ ਮੈਗਾਸਟਾਰ ਅਮਿਤਾਭ ਬੱਚਨ ਦੇ ਪਰਿਵਾਰ ਦੀਆਂ ਮੁਸ਼ਕਲਾਂ ਵਧਦੀਆਂ ਨਜ਼ਰ ਆ ਰਹੀਆਂ ਹਨ। ਇਸ ਮਾਮਲੇ ‘ਚ ਅਮਿਤਾਭ ਬੱਚਨ ਦੀ ਨੂੰਹ ਅਤੇ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਨੂੰ ਈਡੀ ਨੇ ਪੁੱਛਗਿੱਛ ਲਈ ਸੰਮਨ ਕੀਤਾ ਸੀ।
ਸੋਮਵਾਰ ਨੂੰ ਐਸ਼ਵਰਿਆ ਰਾਏ ਬੱਚਨ ਪਨਾਮਾ ਪੇਪਰਜ਼ ਲੀਕ ਵਿਵਾਦ ਮਾਮਲੇ ‘ਚ ਈਡੀ ਸਾਹਮਣੇ ਪੇਸ਼ ਹੋਈ। ਦਿੱਲੀ ਵਿੱਚ ਜਾਂਚ ਏਜੰਸੀ ਨੇ ਐਸ਼ਵਰਿਆ ਰਾਏ ਦਾ ਬਿਆਨ ਦਰਜ ਕੀਤਾ ਸੀ। ਐਸ਼ਵਰਿਆ ਰਾਏ ‘ਤੇ ਵਿਦੇਸ਼ੀ ਮੁਦਰਾ ਪ੍ਰਬੰਧਨ ਕਾਨੂੰਨ ਦੀ ਉਲੰਘਣਾ ਕਰਕੇ ਵਿਦੇਸ਼ਾਂ ‘ਚ ਪੈਸਾ ਜਮ੍ਹਾ ਕਰਨ ਦਾ ਦੋਸ਼ ਹੈ। ਈਡੀ ਨੇ ਐਸ਼ਵਰਿਆ ਰਾਏ ਤੋਂ ਕਰੀਬ ਸਾਢੇ 5 ਘੰਟੇ ਪੁੱਛਗਿੱਛ ਕੀਤੀ। ਹੁਣ ਜਦੋਂ ਐਸ਼ਵਰਿਆ ਰਾਏ ਇਸ ਮੁੱਦੇ ‘ਤੇ ਚਰਚਾ ‘ਚ ਬਣੀ ਹੋਈ ਹੈ ਤਾਂ ਪ੍ਰਸ਼ੰਸਕ ਇਹ ਵੀ ਜਾਣਨਾ ਚਾਹੁੰਦੇ ਹਨ ਕਿ ਉਨ੍ਹਾਂ ਕੋਲ ਇਸ ਸਮੇਂ ਕਿਹੜੇ-ਕਿਹੜੇ ਪ੍ਰੋਜੈਕਟ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2022 ਵਿੱਚ ਐਸ਼ਵਰਿਆ ਰਾਏ ਅਪਕਮਿੰਗ ਪ੍ਰੋਜੈਕਟਸ ਦੇ ਕਈ ਪ੍ਰੋਜੈਕਟਸ ਹਨ।
ਐਸ਼ਵਰਿਆ ਰਾਏ ਬੱਚਨ ਅਤੇ ਰਾਵਣ ਦੇ ਨਿਰਦੇਸ਼ਕ ਮਣੀ ਰਤਨਮ ਇੱਕ ਵਾਰ ਫਿਰ ਇੱਕ ਡਰਾਮਾ ਫਿਲਮ ਲਿਆਉਣ ਲਈ ਤਿਆਰ ਹਨ। ਇਸ ਫਿਲਮ ਦਾ ਨਾਂ Ponniyin Selvan ਹੈ, ਇਸ ਨਾਲ ਐਸ਼ਵਰਿਆ ਫਿਰ ਤੋਂ ਵਾਪਸੀ ਕਰਨ ਜਾ ਰਹੀ ਹੈ। ਇਹ ਫਿਲਮ ਦੋ ਹਿੱਸਿਆਂ ‘ਚ ਬਣ ਰਹੀ ਹੈ। ਪਹਿਲੇ ਭਾਗ ਦਾ ਸਿਰਲੇਖ PS1 ਹੈ। ਇਸ ਫਿਲਮ ਦੀ ਸ਼ੂਟਿੰਗ ਸਤੰਬਰ ‘ਚ ਪੂਰੀ ਹੋ ਚੁੱਕੀ ਹੈ। ਐਸ਼ਵਰਿਆ ਰਾਏ ਬੱਚਨ ਨੂੰ ਵੋਹ ਕੌਨ ਥੀ ਰੀਮੇਕ ਲਈ ਸਾਈਨ ਕੀਤਾ ਗਿਆ ਹੈ। ਅਧਿਕਾਰਤ ਤੌਰ ‘ਤੇ ਐਲਾਨ ਕੀਤਾ ਗਿਆ ਹੈ ਕਿ ਐਸ਼ਵਰਿਆ ਇਸ ਫਿਲਮ ‘ਚ ਸਾਧਨਾ ਦੀ ਭੂਮਿਕਾ ‘ਚ ਨਜ਼ਰ ਆਵੇਗੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਸ਼ਾਹਿਦ ਕਪੂਰ ਇਸ ਫਿਲਮ ‘ਚ ਇੱਕ ਪੁਰਸ਼ ਅਦਾਕਾਰ ਦੇ ਰੂਪ ‘ਚ ਨਜ਼ਰ ਆਉਣਗੇ।
ਵੋਹ ਕੌਨ ਥੀ ਰੀਮੇਕ ਤੋਂ ਬਾਅਦ ਐਸ਼ਵਰਿਆ ਰਾਏ ਬੱਚਨ 1967 ਵਿੱਚ ਆਈ ਫਿਲਮ ਰਾਤ ਔਰ ਦਿਨ ਰੀਮੇਕ ਵਿੱਚ ਨਜ਼ਰ ਆਵੇਗੀ। ਨਰਗਿਸ ਦੱਤ ਨੂੰ ਇਸ ਫਿਲਮ ਲਈ ਨੈਸ਼ਨਲ ਅਵਾਰਡ ਮਿਲਿਆ ਸੀ। ਸੁਜੋਏ ਘੋਸ਼ ਦੀ ਅਗਲੀ ਫਿਲਮ ‘ਚ ਐਸ਼ਵਰਿਆ ਰਾਏ ਬੱਚਨ ਨਜ਼ਰ ਆਉਣ ਵਾਲੀ ਹੈ।ਇਸ ਫਿਲਮ ‘ਚ ਐਸ਼ਵਰਿਆ ਨਾਲ ਸੈਫ ਅਲੀ ਖਾਨ ਅਹਿਮ ਹਨ। ਇੰਨਾ ਹੀ ਨਹੀਂ ਫਿਲਮ ‘ਚ ਨਵਾਜ਼ੂਦੀਨ ਸਿੱਦੀਕੀ ਦੀ ਵੀ ਅਹਿਮ ਭੂਮਿਕਾ ਹੋਵੇਗੀ। ਐਸ਼ਵਰਿਆ ਆਪਣੇ ਪਤੀ ਅਭਿਸ਼ੇਕ ਬੱਚਨ ਨਾਲ ਫਿਲਮ ਗੁਲਾਬ ਜਾਮੁਨ ਵਿੱਚ ਨਜ਼ਰ ਆ ਸਕਦੀ ਹੈ। ਇਸੇ ਫਿਲਮ ਦਾ ਐਲਾਨ 2019 ‘ਚ ਹੀ ਕੀਤਾ ਗਿਆ ਸੀ। ਫਿਲਮ ਨੂੰ ਅਨੁਰਾਗ ਕਸ਼ਯਪ ਡਾਇਰੈਕਟ ਕਰ ਰਹੇ ਹਨ। ਇਹ ਫਿਲਮ 2022 ‘ਚ ਰਿਲੀਜ਼ ਹੋਵੇਗੀ।
