akshay kumar kapil sharma: ਕਪਿਲ ਸ਼ਰਮਾ ਦੇ ਸ਼ੋਅ ‘ਚ ਅਕਸ਼ੈ ਕੁਮਾਰ ਆਪਣੀ ਫਿਲਮ ‘ਬੱਚਨ ਪਾਂਡੇ’ ਦੇ ਪ੍ਰਮੋਸ਼ਨ ਲਈ ਨਹੀਂ ਆਉਣਗੇ। ਅਦਾਕਾਰ ਨੇ ਇਸ ਸ਼ੋਅ ‘ਚ ਜਾਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਦਰਅਸਲ ਸ਼ੋਅ ਦੇ ਪਿਛਲੇ ਐਪੀਸੋਡ ‘ਚ ਕਪਿਲ ਨੇ ਪ੍ਰਧਾਨ ਮੰਤਰੀ ਮੋਦੀ ‘ਤੇ ਚੁਟਕਲੇ ਕੀਤੇ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਅਕਸ਼ੈ ਇਸ ਕਾਰਨ ਕਪਿਲ ਤੋਂ ਨਾਰਾਜ਼ ਹਨ ਅਤੇ ਆਪਣੀ ਫਿਲਮ ਦੇ ਪ੍ਰਮੋਸ਼ਨ ਲਈ ਸ਼ੋਅ ‘ਚ ਨਹੀਂ ਜਾ ਰਹੇ ਹਨ।
ਜਾਣਕਾਰੀ ਲਈ ਦੱਸ ਦੇਈਏ ਕਿ ਅਕਸ਼ੈ ਆਪਣੀ ਆਖਰੀ ਫਿਲਮ ‘ਅਤਰੰਗੀ ਰੇ’ ਦੇ ਪ੍ਰਮੋਸ਼ਨ ਲਈ ਕਪਿਲ ਸ਼ਰਮਾ ਸ਼ੋਅ ਪਹੁੰਚੇ ਸਨ। ਇਸ ਦੌਰਾਨ ਕਪਿਲ ਨੇ ਅਕਸ਼ੈ ਦੇ ਪ੍ਰਧਾਨ ਮੰਤਰੀ ਇੰਟਰਵਿਊ ਦਾ ਮਜ਼ਾਕ ਉਡਾਇਆ ਸੀ। ਉਨ੍ਹਾਂ ਕਿਹਾ ਸੀ ਕਿ ਆਪਣੇ ਇੰਟਰਵਿਊ ‘ਚ ਮਸ਼ਹੂਰ ਹਸਤੀ ਨੂੰ ਕੌਣ ਪੁੱਛਦਾ ਹੈ ਕਿ ਤੁਹਾਨੂੰ ਅੰਬ ਖਾਣਾ ਕਿਵੇਂ ਪਸੰਦ ਹੈ। ਦਰਅਸਲ, 2019 ਲੋਕ ਸਭਾ ਦੌਰਾਨ ਅਕਸ਼ੈ ਨੇ ਪ੍ਰਧਾਨ ਮੰਤਰੀ ਮੋਦੀ ਦਾ ਇੰਟਰਵਿਊ ਲਿਆ ਸੀ। ਇਸ ‘ਚ ਉਨ੍ਹਾਂ ਨੇ ਪੀ.ਐੱਮ. ਨੂੰ ਇਹ ਸਵਾਲ ਪੁੱਛਿਆ ਸੀ। ਲੇਕਿਨ ਸ਼ੋਅ ‘ਚ ਇਹ ਮਜ਼ਾਕ ਅਕਸ਼ੈ ਨੂੰ ਬਿਲਕੁਲ ਵੀ ਪਸੰਦ ਨਹੀਂ ਆਇਆ।
ਸੂਤਰ ਨੇ ਅੱਗੇ ਕਿਹਾ, ‘ਅਕਸ਼ੇ ਕਪਿਲ ਦੇ ਸਾਰੇ ਚੁਟਕਲੇ ਖੁੱਲ੍ਹ ਕੇ ਲੈਂਦੇ ਹਨ, ਪਰ ਪ੍ਰਧਾਨ ਮੰਤਰੀ ਦੇ ਇੰਟਰਵਿਊ ‘ਤੇ ਚੁਟਕੀ ਲੈਣਾ ਇੰਨੇ ਉੱਚ ਅਹੁਦੇ ਦੀ ਇੱਜ਼ਤ ਨੂੰ ਠੇਸ ਪਹੁੰਚਾਉਣ ਵਾਲੀ ਗੱਲ ਸੀ। ਇਸ ਲਈ, ਅਕਸ਼ੈ ਨੇ ਚੈਨਲ ਨੂੰ ਬੇਨਤੀ ਕੀਤੀ ਕਿ ਉਹ ਇਸ ਸਵਾਲ ਨੂੰ ਪ੍ਰਸਾਰਿਤ ਨਾ ਕਰੇ। ਅਜਿਹੀ ਬੇਨਤੀ ਕਰਨਾ ਮਹਿਮਾਨ ਦਾ ਅਧਿਕਾਰ ਹੈ, ਕਿਉਂਕਿ ਸ਼ੋਅ ਲਾਈਵ ਨਹੀਂ ਹੈ। ਚੈਨਲ ਸਹਿਮਤ ਹੋ ਗਿਆ, ਪਰ ਵਿਵਾਦਿਤ ਸੀਨ ਜਲਦੀ ਹੀ ਇੰਟਰਨੈੱਟ ‘ਤੇ ਲੀਕ ਹੋ ਗਿਆ। ਸੂਤਰ ਨੇ ਅੱਗੇ ਕਿਹਾ, ‘ਇਹ ਕਪਿਲ ਦੀ ਟੀਮ ਦੇ ਕਿਸੇ ਵਿਅਕਤੀ ਨੇ ਭਰੋਸਾ ਤੋੜਿਆ ਸੀ। ਅਕਸ਼ੈ ਨੇ ਸ਼ੋਅ ‘ਤੇ ਦੁਬਾਰਾ ਆਉਣ ਤੋਂ ਪਹਿਲਾਂ ਇਸ ‘ਤੇ ਸਪੱਸ਼ਟੀਕਰਨ ਮੰਗਿਆ ਹੈ। ਇਸ ਲਈ ਸ਼ੋਅ ਦੇ ਉਸ ਐਪੀਸੋਡ ਦੀ ਸ਼ੂਟਿੰਗ ਫਿਲਹਾਲ ਮੁਲਤਵੀ ਕਰ ਦਿੱਤੀ ਗਈ ਹੈ, ਜਿਸ ‘ਚ ਫਿਲਮ ‘ਬੱਚਨ ਪਾਂਡੇ’ ਦੀ ਟੀਮ ਹਿੱਸਾ ਲੈ ਰਹੀ ਹੈ। ਫਰਹਾਦ ਸਾਮਜੀ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਕ੍ਰਿਤੀ ਸੈਨਨ ਅਤੇ ਜੈਕਲੀਨ ਫਰਨਾਂਡੀਜ਼ ਵਿਸ਼ੇਸ਼ ਭੂਮਿਕਾਵਾਂ ਵਿੱਚ ਹਨ।
